「小編，我想問有咩 DSE 收音機推介？」
適用於 DSE 考試嘅收音機有好多種，究竟考評局對 DSE 考試收音機有咩要求？DSE 收音機邊度買？小編有咩 DSE 收音機推薦？
準備考 DSE 嘅同學，需要用一部好用的 DSE 收音機應付聆聽考試。
呢篇文章嘅內容包括：
DSE 收音機推介
小編自己考 DSE 嘅時候，買咗兩部收音機帶入考試場地。
小編會喺文章以下嘅部分，推介幾款適用於 DSE 聆聽考試嘅收音機俾應屆 DSE 考生。
1. CORUS DSE-555A
小編考 DSE 之前，買嘅其中一部收音機係 CORUS 收音機。
DSE 專用收音機？
CORUS 收音機被稱為 DSE 專用收音機，或者係 DSE 考試收音機。
雖然 CORUS 收音機係專為 DSE 考試而設，不過呢部並唔係唯一一部適用於 DSE 聆聽考試、符合考評局要求嘅收音機。
值得推介之處：
小編考 DSE 期間只係開著咗呢部收音機嚟做後備，所以唔太清楚 CORUS 收音機嘅實際訊號、音質效果好唔好。
不過，小編考試之前都有測試、試用過 CORUS 收音機，覺得呢部收音機操作都十分簡單。
- 收音機已經預設有所有 DSE 考試嘅頻率
- 收音機會自動搜尋訊號最好嘅考試頻道，唔使自己調較 DSE 考試頻道
- 同學考 DSE 聆聽卷期間，可以撳鎖鍵「鎖住」部收音機，唔怕開住部機唔小心轉咗啲設定
略有不足之處：
- CORUS 收音機價錢較高
CORUS 收音機價格
- HK$338 (實際價錢因應分銷商而可能略有不同)
🌟 收音機95折優惠：透過小編嘅專屬連結喺 NoteSity 買CORUS收音機，買2部或以上仲有95折優惠添！只需要撳呢條連結去 NoteSity, 落單結帳嗰陣就會顯示優惠～
2. Aitkenson DSE 5** Radio
呢部係DSE考試專用嘅收音機，符合考評局規格，而且只會接收考試電台RTHK2嘅頻道。
相信大家平日都比較少接觸收音機，未必識得點樣操作，加上考試期間可能緊張得滯，搞到手忙腳亂就麻煩啦！小編綜合咗 Aitkenson DSE 5** Radio 嘅幾個特色，同大家介紹一下：
- 預設頻道：Aitkenson DSE 5** Radio 預設只會收到考試電台嘅頻道，唔使擔心考試期間跳台或者聽錯台。
- 操作簡易：開機後即可使用，同學唔需要㩒任何制，收音機就會自動獲取所在位置適用嘅考試頻道。
- 價格實惠：呢部收音已配備合規格嘅耳機，買咗之後就唔使再周圍搵耳機啦！而作為DSE考試專用收音機，呢款收音機嘅價格都相對親民。
Aitkenson DSE 5** Radio價格:
- HKD $190 (2024年資料)
🌟 收音機9折優惠：透過小編嘅專屬連結喺 NoteSity 買 Aitkenson 收音機，買2部或以上仲有9折優惠添！只需要撳呢條連結去 NoteSity, 落單結帳嗰陣就會顯示優惠～
3. Teledevice FM-8
小編未有用過呢部收音機，不過小編上網做資料搜集嘅時候，都見到唔少人推介呢款 DSE 考試收音機。相比起 CORUS 收音機，Teledevice FM-8 都係一部價錢相對實惠嘅 DSE 考試收音機。
Teledevice 收音機價格
- HK$138 (實際價錢因應分銷商而可能略有不同)
DSE 收音機邊度買？
睇完唔同用家嘅 DSE 收音機推介，決定咗買邊一款收音機之後，小編會略略講吓 DSE 收音機邊度買。
1. NoteSity 網上書店
NoteSity 係全港最大網上教育書店，為香港中小學生提供超過 1,000 款資源。除咗有得買溫習筆記、參考書、補充練習之外，佢哋都有賣 DSE 考試收音機㗎！
例如上面提及嘅 CORUS 考試專用收音機、Aitkenson 收音機等等，都可以喺 NoteSity 度搵到。
透過小編嘅專屬連結喺 NoteSity 買嘢仲有95折優惠添！只需要撳呢條連結去 NoteSity, 落單結帳嗰陣就會顯示優惠～
2. 豐澤 (Fortress) / 百老滙 (Broadway)
豐澤、百老滙等各大門市都有售 Sony 收音機，同學可以購買 DSE 考試適用嘅收音機。
如果同學喺其他地方見到有得賣 DSE 收音機，都可以留言補充話俾小編知~
3. HKTVmall
小編上網做資料搜集嘅時候，都見到 HKTVmall 有唔同牌子、唔同款嘅 DSE 考試收音機賣。
根據小編搵到嘅資料，小編喺上文推介嘅 CORUS、Teledevice 收音機都可以喺 HKTV Mall 度搵到。
4. Carousell
唔少同學考完 DSE 之後，都會將收音機放到網上拍賣平台出售俾其他考 DSE 嘅同學。
小編喺 Carousell 都見到 Sony、CORUS、Teledevice 嘅收音機。
雖然 Carousell 上售賣嘅收音機通常價錢較平，不過小編會建議同學小心呢啲收音機係唔係原裝行貨、係二手收音機定係三四手收音機、操作功能是否依然原好等等。
DSE 收音機要求
就同學喺香港中學文憑試，聆聽卷所使用嘅收音機，考評局 HKEAA 列出咗一系列對 DSE 收音機嘅要求。
小編喺呢篇文章推薦嘅 DSE 考試收音機都符合 HKEAA 對收音機嘅要求，不過同學揀用其他品牌、型號嘅收音機的話，就要留意一下考評局對 DSE 考試收音機嘅要求。
小編喺文章以下嘅部分，會詳細解釋 DSE 收音機要求：
1. 接收 FM94.8 – 96.9 MHz 頻譜
收音機可以接收嘅頻譜分為 FM、AM 兩種，而 DSE Listening 所用嘅係 FM 頻譜。
同學揀 DSE 考試收音機嘅時候，謹記要揀收到 FM 頻譜嘅收音機。
選擇好 FM 頻譜之後，同學喺唔同地區嘅考試場地，需要將收音機調較至唔同嘅頻率。
例如，沙田考場嘅同學要將收音機調較至 FM 96.3 兆赫、DSE 考試場位於屯門嘅同學要將收音機調較至 FM 96.4 兆赫等等，詳情可以睇考評局嘅語文科聆聽考試須知。
2. 符合考評局尺寸限制
考評局對 DSE 收音機有尺寸限制：46厘米 x 15 厘米 x 15 厘米 (18 吋 x 6 吋 x 6 吋)。
同學揀 DSE 收音機嘅時候都要留意番收音機嘅尺寸，以免買嘅收音機體積太大而冇得用。
3. 盡量選擇没有天線的收音機
收音機嘅天線有機會阻住通道，或者阻到其他考生，而阻礙他人嘅收音機係考評局唔批准嘅款式嚟嘅。
再者，冇天線嘅收音機嘅接收都好好，所以小編都唔建議同學揀用有天線嘅收音機。
其他 DSE 讀書心得分享：
DSE 溫習筆記
與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。
現在的你願意為你的 DSE 成績、你的將來而投資嗎？