發佈日期:

【DSE中文卷二】 5**作文技巧分享

「小編,我想問有冇 DSE 中文卷二作文技巧可以講吓?」

其實小編自己比較擅長嘅寫作文體係議論文,較少會寫記敘抒情文。

不過,呢篇文章會講解嘅係適用於各種文體嘅 DSE 中文寫作技巧。無論同學擅長於考試寫作議論文,定係記敍抒情文,都可以參考以下嘅中文寫作技巧。

以下嘅中文作文技巧看似簡單,不過呢啲係最基本,亦都係十分十分之重要嘅考試技巧。記得睇到最尾呀!

1. 選擇適合自己的作文文體

首先,最最最重要嘅一點,係同學要選擇適合自己嘅作文文體。

最大路嘅兩種文體係:記敍抒情文、議論文。

點解要揀定一種寫作文體?

高中三年時間,同學能夠真真正正寫一篇中文作文、交俾老師改文嘅機會唔多。

換句話說,同學練習作文、收到評語,並且作出改善同進步嘅機會亦都唔多。

所以,小編建議同學考 DSE 之前,越早揀定一種文體越好。

揀好記敍抒情文或議論文後,同學就可以專注培養語感、文筆,或者係專注儲例子、論據,令自己對 DSE 考試嘅準備更充足。

如何選擇適合自己的作文文體?

簡單嚟講,同學可以根據自己寫作記敍抒情文嘅能力,去決定自己適合寫作邊一類文體。

記敍抒情文多數要求同學記敍、描寫兩者兼備,同學作文嘅時候要令文章具備故事性、描述人物行為、思想細膩,同學所寫嘅文筆、修辭亦相對要較出色。

假若同學有信心做達到以上要求的話,記敍抒情文會非常適合你。

至於小編自己… 小編嘅想像力較弱,亦都唔識寫引人入勝、有齊起承轉合嘅故事,文筆亦都唔係特別靚。

所以,小編會選擇避免寫作記敍抒情文,投放更多時間準備議論文。

記抒、議論文兩樣都唔叻,應該點揀?

小編中四嘅時候,都有掙扎過 — 應該寫記敍抒情,定係議論文好?

當時小編都決定唔到,所以學校寫試嗰陣,小編上學期考試寫記敍抒情,下學期考寫試寫議論文。

結果,小編發現自己考試嗰陣完全冇諗唔到一篇扣題、具故事性嘅文章,反而係引番平日睇書、補習學番嚟嘅事例、史例、語例,寫落議論文攞到相對較好嘅成績。

如果同學面對寫記敍抒情、議論文嘅抉擇,同學可以參考小編嘅做法,試一試自己較擅長嘅文體。

小編個人建議:寫議論文

假如同學無特別偏好,或者寫作兩種文體嘅表現相約的話,小編會建議同學寫議論文。

小編建議同學寫議論文嘅原因有兩個:

  1. 文筆並唔係一朝一夕就可以培養番嚟。相比起花時間去培養語感、訓練文筆,儲例子會更快、更高成本效益。
  2. 同學儲落嘅例子,除咗適用於卷二作文之外,亦有機會喺卷四說話、小組討論嗰陣用得著,一舉兩得。

小編準備咗一份中文百搭例子筆記《事例篇》,收錄咗一系列嘅高質百搭例子,對同學嘅卷二、卷四會有幫助。

2. 落筆前先審題

同學到咗 DSE 考試,打開試卷之後,第一步係審題。

所謂審題,當然並唔係「睇一次條題目」咁簡單。更重要嘅係,同學應該仔細睇清楚題目嘅每一個字,認真諗清楚題目背後嘅要求。

審題示例

以2017年中文作文題目嘅第一題為例:

試撰寫文章一篇,並以「自此之後,我終於解開了心結。」為末句收結全文。

驟眼看,題目僅僅係要求同學以題目提供嘅句子作為文章末句,而同學喺內文應該記述一個解開心結嘅故事。

不過,仔細審題嘅同學會留意到「終於」二字。

「終於」暗示咗故事主人翁嘅心結,應該係好耐、好耐都未解開嘅心結。

倘若同學審題不清,忽略咗「終於」二字,所寫嘅故事內容就好容易會離題。

3. 撰寫寫作大綱

考試期間,唔少同學決定好寫邊一條題目之後,就急於落筆作文,忽略咗寫大綱呢個步驟。

同學可能會問:其實寫作大綱有咩用?係咪一定要寫?

好重要,一定要寫。

寫作大綱可以幫你鋪排好每一段嘅要點,令文章結構更嚴謹、內容更扣題,避免隨心所欲寫寫吓離題嘅情況出現。

除此之外,同學落筆前寫大綱嘅時候可以諗定每一段用咩寫作手法、例子,令文章運用嘅寫作手法更多元化。

議論文寫作大綱

記敍抒情文嘅寫作大綱因故事內容而異,而議論文嘅寫作框架變化較小。

以下係小編寫議論文嘅大綱框架,同學可以參考一下:

引言 + 立場

論點一:[列出論點]

  • 例子 [列出例子]
  • 論證手法 [列出論證手法]

論點二:[列出論點]

  • 例子 [列出例子]
  • 論證手法 [列出論證手法]

論點三:[列出論點]

  • 例子 [列出例子]
  • 論證手法 [列出論證手法]

總結 + 昇華 (第4部分會詳細解釋)

議論文常用的論證手法

小編讀中學嗰陣,中文科老師成日叫我哋作文用多啲唔同嘅論證手法。

作文常用嘅論證手法包括:

  • 舉例論證:事例、史例、語例、設例
  • 引用論證
  • 對比論證

不過,小編留意到最易學、易記、易用嘅都係舉事例、名人例子,因此唔少同學都會用事例嚟佐證。

所以小編整合咗自己所學嘅事例,編寫咗一份中文百搭例子筆記《事例篇》俾同學參考。

4. 深化主題及昇華

深化文章主題,做好昇華部分,係中文卷二奪星嘅關鍵。

昇華係咩嚟?

簡單嚟講,同學考試寫嘅每一篇文章,都應該論述一啲道理、一啲反思。

同學將文章內容深化,由故事情節或文章論點,帶出高階嘅道理,作出反思,會令文章更有深度。

例如,同學可以透過文章,帶出自己對文章主題更深入嘅看法(例如:2018年題目嘅談知己、談敵人)或者從記敍抒情文嘅故事內容當中,帶出對人生、社會等等高層次嘅反思。

點解要做昇華?

正如上面所提及到,昇華部分做為中文卷二作文嘅奪星關鍵。想要卷二攞到五級或以上嘅成績,做好昇華係同學不可不學嘅考試技巧。

呢個高階嘅寫作技巧亦都唔容易拿捏得到。

小編喺呢篇文章未有時間深入解釋深化主題、昇華嘅詳細方法,不過小編會建議同學報讀中文補習班,由補習老師詳細教授文章立意、昇華嘅要訣。

中文應該補邊個?同學可以訂閱小編 hkdsegayau 嘅免費 DSE 資源,之後小編會將自己嘅補習史、補習老師分析,同埋其他免費資源分享俾你。

5. DSE 卷二作文題目趨勢分析

根據歷屆 DSE 中文卷二嘅作文題目,每年嘅三條作文題目裹面,出題普遍包括以下三類文體:

  1. 記敍抒情文
  2. 議論文
  3. 開放式題目 (例如 2016 年嘅「我在 _____ 中找到快樂」)

近年,考評局嘅出題越嚟越開放。例如:並以「自此之後,我終於解開了心結。」為末句收結全文。2018年嘅談知己、談敵人,題目偏向開放式,同學嘅發揮空間相對較大。

而2019年卷二嘅第一題則要求同學以「這一句話,我會記上一輩子」為文章句首,撰寫一篇記敍抒情文。

雖然考評局出題題型走向開放模式,不過每年嘅題目文體嘅分佈依然係:記敍抒情文、議論文、開放式題目各一題。

所以,小編依然建議同學選定一類自己擅長嘅文體,加緊操練。

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE中文參考書推介 (適合中一至中六)

「小編,我想問DSE中文有咩參考書推介?」

小編喺呢篇文章,會推薦一啲自己曾經做過,又覺得好用嘅 DSE 中文參考書、練習俾你哋。

以下小編推介嘅中文參考書,會適合以下嘅同學:

  • 初中:中一、中二、中三
  • 高中:中四、中五、中六
DSE中文參考書推介
DSE中文參考書推介

小編考 DSE 之前,買過做過嘅參考書、補充練習有好多好多,不過並唔係每一本都實用、值得花錢買、花時間做。

所以,小編綜合咗一個 DSE 中文參考書、補充練習推薦清單,希望可以幫你揀到適合自己嘅練習。

呢篇文章嘅內容包括:

小編註:小編嘅 DSE 中文參考書推介清單純屬個人意見,小編並無同書商,書店、出版社或仼何其他第三方合作做宣傳。

DSE中文參考書推介

喺呢個部分,小編會推薦一啲 DSE 中文參考書俾中一、中二、中三、中四、中五、中六嘅同學。

1. 古文觀止

出版社:文國書局
適合同學:中一、中二、中三、中四、中五、中六

古文觀止有好多本… 應該買邊本先啱?

小編參考嘅古文觀止係喺銅鑼灣誠品買嘅,出版社係文國書局。不過呢本參考書應該全港各大書局都有售。

同學想買一本古文觀止做參考書嘅話,其實唔一定要買番同小編同一個出版社嘅書。

只要你買嘅古文觀止有原文、語譯,基本上就可以係一本好好嘅參考書。

好處:

  • 古文觀止呢本參考書裹面有好多好多嘅文言文篇章、語譯,唔使自己上網搵語譯。
  • 書裹面有好多文言文篇章可以參考。

壞處:

  • 古文觀止收錄嘅文言文篇章太多,中一、中二、中三、中四、中五嘅同學都可以慢慢睇、慢慢學。
  • 不過中六同學買咗本書番嚟,考 DSE 之前就未必睇得完。

應該點用古文觀止呢本中文參考書?

同學可以參考小編嘅做法:

小編每晚臨瞓之前,都會迫自己睇一至兩篇古文觀止嘅篇章。

  1. 小編會試睇一次原文,嘗試理解文章內容。
  2. 之後,小編會睇一次譯文,理解番整篇文章嘅大概意思。
  3. 最後,小編會再睇多次原文+譯文,逐個逐個字咁睇,確保自己明白每一個字嘅意思。

2. 文憑試中文 5** 議論錦囊

出版社:超媒體出版
適合同學:中一、中二、中三、中四、中五、中六

好處:

  • 呢本中文參考書裹面有唔少嘅 DSE 中文歷屆試題作文範例
  • 作文示例裹面有好多好實用嘅例子,適合中文卷二作文揀議論文嘅同學

小編建議高中同學喺中四、中五嘅時候已經要揀好自己擅作嘅文體,多加操練。

中文作文選擇作議論文嘅同學可以參考小編嘅 中文百搭例子筆記 — 其實卷四說話都好需要例子的,所以唔作議論文嘅同學都可以參考吓。

壞處:

  • 有範文、例子,不過參考書裏面對文章嘅分析唔算好多

DSE中文補充練習推介

除咗睇中文參考書之外,小編亦都建議同學多啲做中文補充練習,訓練自己嘅考試技巧。

3. 文憑應試全貫通

出版社:滙知教育
適合同學:中四、中五、中六

小編考 DSE 嗰陣,呢本係中學嘅指定中文科練習。

好處:

  • 題型貼近 DSE 中文出題模式
  • 練習涵蓋中文四份卷:卷一閱讀、卷二寫作、卷三聆聽及綜合、卷四說話

壞處:

  • 呢本練習嘅難度較高。
  • 小編做呢本練習嘅時候,中文卷一閱讀做嚟做去都好低分… 
  • 所以小編會推介呢本練習俾中文科底子較好、目標較高嘅同學。

小編嘅建議係,中文科底子有 Level 4-5,想上 5*、5** 嘅同學可以試吓做呢本練習。

4. 文言文應試練習

出版社:Joint-Us
適合同學:中一、中二、中三、中四、中五、中六

好處:

  • 一系列嘅練習有好多本,文言文底子唔太好,又想操多啲練習嘅同學,小編會推薦同學買呢系列嘅練習嚟做。
  • 呢系列嘅練習有原文、語譯、題目、答案,同學做完練習、對答案之後,可以睇埋語譯學文言文。

壞處:

  • 小編個人覺得呢本參考書幾好,壞處暫時未諗到。

小編中六考mock嘅時候,文言文連10個字都睇唔明… 到咗真正考DSE嗰陣文言文接近滿分,中文卷一閱讀 5** 靠嘅都係小編推介嘅呢幾本文言文練習。

小編中文閱讀5**、文言文語譯+句譯接近滿分(總共12/13分)嘅秘密武器:文言文精讀筆記

小編用一個月自學文言文,由零到5**嘅故事:

View this post on Instagram

一個月自學文言文 — 由零到5**升grade大法 <真人真事> 小編中文底唔好,獻醜了😣 繼之前嘅中文閱讀嘅post, 今日會重點講吓小編如何用一個月,由中六mock文言文10個字都睇唔明,去到DSE文言文接近滿分(語譯加句譯12/13分)嘅過程💯🤩 – 1️⃣ 淨係做語譯句譯 正如上述所講,小編去到中六考mock嗰陣都睇唔明一篇文言文入面嘅10隻字,可見小編嗰陣嘅中文有幾差💩 但係嗰陣就快考DSE,小編冇可能再慢慢浸文言文嘅語文知識,所以小編決定自己喺考DSE前嘅目標係要💥睇得明一篇完整嘅文言文💥。而小編嘅做法係:買曬全套Joint-Us嘅文言文練習,每日睇一至兩篇入面嘅文,睇唔明都迫自己睇,之後再做語譯同句譯練習,最後對番答案同埋睇譯文,睇譯文嗰陣會逐個字對應番原文,確保自己知道每一隻字嘅解釋,而唔係就咁明咗成篇文章嘅大概意思就算。 – 大家可能留意到小編淨係做咗每份練習入面嘅語譯同句譯,並冇做到其他嘅閱讀理解練習題目。咁樣的確係幾晒份練習(同埋錢💸😭)因為買咗成本練習返嚟淨係做咗幾題,但係由於時間所限,小編實在冇可能做曬所有題目,而明白篇文章係做好文言文嘅第一步(因為好多同學都睇唔明篇文,所以大家基本上睇得明篇文已經贏咗一半🔥)所以一定要操好語譯句譯😭💪🏻 – 2️⃣ 狂煲古文觀止 古文觀止係一本收錄咗好多文言文篇章,再加埋譯文嘅書。小編study leave嗰陣仲會每晚臨瞓迫自己睇一至兩篇古文觀止,睇嘅方法同以上一樣,都係要明曬每篇文章每一隻字。雖然小編喺咁短時間內睇唔曬成本書,但係睇咗一個月去到考DSE嗰陣已經明到篇文嘅八至九成,最後中文閱讀5**咗😭 – 成日都有同學問XXX會唔會太遲、YYY會唔會太遲,其實有心唔怕遲呀😭 好似小編咁一個幾月由10隻字唔識追到接近滿分嘅文言文,小編做到你哋都做到架🔥🔥🔥 – 小編用一個月由唔合格到5**,DSE文言文接近滿分的秘密 👉🏻 文言文精讀筆記《虛詞篇》、《實詞篇》㊙️ – 👉🏻 更多DSE讀書心得 ➡️ #hkdsegayau讀書心得✍🏻 👉🏻 中/英/通識/IES筆記詳情、價目表及免費sample ➡️ www.hkdsegayau.com (link in bio @hkdsegayau ) 💓 – @hkdsegayau 筆記簡介: 👉🏻 英文vocab筆記:共90頁嘅筆記、超過400個考試必用vocab, idioms and phrases 💕 👉🏻 通識5**考試技巧筆記:共57頁、11種必讀題型作答框架+高分策略,零廢話嘅5**精華(中英對照)🔥 👉🏻 IES精讀筆記:擬題指引、完美作答框架及論高分策略(中英對照,內含小編嘅IES滿分心得及技巧🥳) 👉🏻 通識必讀概念筆記:小編為你精挑細選,通識每個單元必讀概念(中英對照)🥰 👉🏻 通識急救班:15個必讀概念精華 — 中五六同學溫唔切書?短短兩個鐘嘅影片學曬通識概念嘅重中之重⚠️ ‼️ 筆記詳情、價目表及免費sample ➡️ www.hkdsegayau.com (link in bio @hkdsegayau ) ‼️ – YouTube channel: hkdsegayau Website: www.hkdsegayau.com Facebook: Hkdsegayau – 文憑試學習資源平台 WhatsApp: 6547 0997 Email: hkdsegayau@gmail.com – #hkdse #dse #hkdse2020 #hkdse2021 #hkdse2022 #dse2020 #dse2021 #dse2022 #2020dser #2021dser #2022dser #dsesharing #dsestudygram #hkstudygram #studygram #dsenotes #dsenote #dsenotesforsell #dsefighter #補習筆記 #補習notes #hkdseliberalstudies #dsechinese #dsechin #dseenglish #dsels

A post shared by hkdsegayau • 香港中學文憑試加油站🧡 (@hkdsegayau) on

DSE 中文範文參考書推介

考評局自2018年起,為中文卷一閱讀加入範文嘅元素。

不過,小編考 2016 DSE 嘅時候仲未讀過範文…

所以小編未有中文範文嘅參考書推介到俾你哋。

小編聽過透視文言文呢本參考書,好似幾多人用,同埋聽講幾詳細幾好用。同學不妨問吓同學、老師嘅意見,參考下呢本中文範文參考書。

DSE 中文 Past Paper 下載

無論同學讀咩科,考邊一年嘅 DSE,都一定一定要做 DSE Past Paper

其實,小編會話歷屆試題係最好最好,小編最推薦嘅練習。

應該幾時開始做中文 Past Paper?

小編嘅個人建議:

中四:先做1-2份卷(建議做 2012-2013 DSE 嘅卷)俾自己大概了解 DSE 嘅出題模式;同時多啲操練坊間嘅 DSE 中文練習、參考書

中五:重做 2012-2013 DSE 嘅卷,再做多2年嘅卷(建議做 2014-2015 年嘅卷)

中六:最做 2012-2015 年嘅卷,再做埋剩低嘅卷

DSE 中文 Past Paper 可以喺邊度搵到?

小編從網上搵到唔同嘅試卷資源,整合咗 2012-2019 Past Paper 俾你哋下載:

由於小編整合嘅試卷資源全部嚟自網上資源,所以試卷資源未必完全齊全。同學可以參考小編嘅 Past Paper 搜尋教學:

DSE 中文精讀筆記推介

最後… 同學亦都可以參考小編 hkdsegayau 自製嘅 DSE 中文雞精筆記

同學評價:「小編嘅筆記真心好正😍我之前一直都睇唔明文言文,覺得文言文係外星文😂

睇完份筆記之後覺得文言文其實唔係好難,我以後睇到文言文唔會再驚🤭💕」


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。