發佈日期:

7個好的IES題目推介 (附高分策略)

通識 IES 題目做咩好?小編推介啲咩好的 LS IES 題目建議 / topic suggestion?有冇嘅 IES 題目例子俾同學參考?

以上應該係 2020年做 IES 嘅同學,一啲常見嘅問題。小編喺呢篇文章建議一啲 2019、2020 呢兩年間熱門、具爭議性通識 IES 議題俾同學參考。

呢篇文章嘅 IES topic examples 有:

  1. 有償捐血
  2. 共享經濟與生活素質
  3. 電子競技發展
  4. 同性婚姻合法化 (同性戀)
  5. 預設默許器官捐贈
  6. 禁用一次性塑膠製品 (IES 環保議題)
  7. 融合教育 (特殊教育需要/SEN學生)

同學亦都可以參考小編嘅 IES 滿分 SampleIES 精讀筆記,裏面會有 IES 作答框架、高分技巧等等。

1. 有償捐血

相信同學做 IES (Independent Enquiry Study) 都未必想做最熱門、常見嘅 IES 題目議題,所以小編 hkdsegayau 俾嘅呢個 IES 題目參考係比較少同學做過嘅通識議題。

DSE-Liberal-Studies-LS-IES-Topic-Suggestion-通識-好的IES題目例子-高分技巧-有償捐血
好的 IES 題目:有償捐血

最近香港因為本地人口老化嘅問題嚴重,血液需求量不斷上升,但係香港市民捐血意慾唔高,喺2017年只有312,792位市民捐血。鑑於香港血庫告急嘅問題,有人提出政府應推行有償捐血,以解鼓勵市民捐血。

香港政府推行有償捐血,支持呢個政策嘅原因係:有償捐血的確可以增加捐血嘅人數,但係同時,反對嘅原因係:有償捐血會引嚟道德爭議,同埋加重政府嘅財政負擔。

小編 hkdsegayau 提提你:想從更多角度分析通識議題?通識嘅應該技巧、思維角度同樣可以應用喺 IES 報告度架!小編綜合自己通識 5** 嘅經驗,將通識課程內容抽絲剝繭,喺自製嘅通識溫習筆記入面,由淺入深將通識應試技巧一一傳授俾同學。

2. 共享經濟與生活素質

嚟到 2020 年嘅今日,共享經濟 (sharing economy) 到現時為止仍未有一個確實嘅定義,不過最同學可以將共享經濟嘅定義理解為:將一啲閒置嘅資源,例如:單位、汽車等等嘅個人物品,同其他人共享,並獲取金錢嘅回報。

共享經濟嘅例子有:

  1. Airbnb:共享空間
  2. Uber:共享汽車
  3. Lyft:共享汽車
  4. Alipay:共享充電寶
  5. TaskRabbit:共享技能
DSE-Liberal-Studies-LS-IES-Topic-Suggestion-通識-IES題目建議-高分技巧-共享經濟-Uber-Airbnb
IES 題目建議 + 高分 IES 技巧:共享經濟與生活素質

同學做緊嘅通識 IES 又同共享經濟有咩關係呢?同學又要點寫先會做到一份高分 IES 呢?

IES 高分技巧:多角度分析

雖然共享經濟係一個同商業活動有關嘅通識概念,但係共享經濟同生活素質 (quality of life) 呢個通識 concept 係息息相關嘅。同學要諗一條好的 IES 題目,就可以嘗試將共享經濟、生活素質兩者連上關係,並運用多角度分析嘅通識答題技巧,做一份高分 IES。

舉個例,小編有個 IES 題目建議:共享經濟對香港人嘅生活素質是否利多於弊

而同學可以運用 IES 高分技巧,從以下嘅多角度分析:

  1. 經濟層面:資源共享嘅人士當然可以獲得金錢回報,但係同時佢哋會令社會上嘅其他勞動人口,例如係的士司機嘅收入下降。
  2. 社會層面:資源共享,例如 Uber 共享汽車,能夠提升個人物品嘅使用率,使用同一個資源去令更多嘅人得益,喺呢方面符合社會方面可持續發展嘅原則。
  3. 法律層面:唔少營運資源共享嘅企業至今仍然走緊法律灰色地帶,例如 Airbnb 屬無牌旅館、居民出租住所,Uber 司機就係非法載客取酬,並且沒有第三者保險,係唔合法嘅。

3. 電競發展

由近年到 2019、2020年,電子遊戲一直被視為娛樂性質,或者係「廢青」、「毒男」最常做嘅事。

DSE-Liberal-Studies-LS-IES-Topic-Suggestion-通識-IES題目例子-高分技巧-電競
IES 題目例子:香港電競發展

其實電子競技(電競)喺多個地方已經成為一項體育運動,就例如:喺2018年,印尼雅加達和巨港舉行嘅亞洲運動,電子競技已成為示範項目之,;2022年嘅杭州亞運會將會新添電子競技呢項比賽項目;而澳洲墨爾本已經開設咗電子競技專用嘅比賽、訓練場地。

而喺香港,2018/2019年度嘅財政預算案亦有表示會向數碼港 (Cyberport) 撥款一億元,支持本地嘅電競產業發展。

IES 題目例子

  • 探討香港發展電子競技的可行性
  • 探討香港發展電子競技可能面對的挑戰

4. 同性婚姻合法化

隨住同性戀嘅認受性增加,同性婚姻合法化係近年一個頗熱門嘅 IES 題目,喺 2019、2020 甚至 2021 年做 IES 嘅同學都可以睇睇呢個 IES 議題參考。

現時全球有十五個國家承認「同性婚姻合法化」,而香港仍未將同性婚姻合法化。相信同學上通識補習班嘅時候,補習老師都會提過「同性婚姻合法化」呢個熱門嘅通識 IES 題目。

DSE-Liberal-Studies-LS-IES-Topic-Suggestion-通識-IES題目建議-高分技巧-同性婚姻合法化
好的 IES 題目 + IES 高分技巧:同性婚姻合法化

根據香港法例 第181章《婚姻條例》 第40條,婚姻必須係「一男一女自願終身結合」,因此現時香港只係承認一男一女、一夫一妻嘅婚姻。但係近年嘅 LGBT (lesbian, gay, bisexual, and transgender) 倡議盛行,加上全球有多個地方,例如係荷蘭、奧地利、美國哥斯達黎加嘅等等,都已經通過法案,將同性婚姻合法化,保障同性戀人士嘅權利。

有見及此,有人提出香港政府應該將同性婚姻合法化,令同性戀嘅伴侶可以享受異性伴侶一樣嘅待遇同福利。

已承認同性婚姻合法化的國家

  1. 荷蘭
  2. 英國
  3. 西班牙
  4. 烏拉圭
  5. 比利時
  6. 法國
  7. 加拿大
  8. 丹麥
  9. 瑞典
  10. 阿根廷
  11. 挪威
  12. 葡萄牙
  13. 冰島
  14. 葡萄牙
  15. 紐西蘭

IES 高分策略:展示時事意識

「展示時事意識」呢個用詞嘅意思對於同學嚟詌可能有啲含糊,但係相信同學都知道引「例子」有助喺 IES 報告同埋通識考試考高分。

而小編喺呢度講緊嘅「展示時事意識」就係鼓勵同學多啲引用時事例子,加強同學嘅 IES 報告嘅時事性。

同學可能會問:做 IES 報告加例子係基本,點解小編會話呢個係一個高分技巧?

其實通識科用得著嘅例子有好多,例如係小編喺以上所講嘅同性婚姻合法化嘅地方,例如係奧地利、荷蘭、美國嘅州份等等,都已經係一啲好具體嘅例子。

但係,呢啲係比較「常識」(簡單嚟講即係 common sense) 嘅例子,引用常識性例子係有助令同學嘅論點更具體,但係未必足以令同學展示高階嘅時事意識,考取高分數

咁… 做「香港政府應否將同性婚姻合法化」呢條 IES 題目嗰陣,應該加啲咩例子?

應該加「時事例子」。以最窄嘅定義嚟講,時事例子會係一啲同 IES 議題有關嘅時事新聞。以下有啲例子俾大家:

IES 時事例子 1: 英國嘅QT案

喺英國,有兩位女同性戀者登記為伴侶,而當中嘅一位喺香港獲得工作嘅機會,並希望帶同伴侶移民嚟香港。但係香港嘅入境處認為,香港只承認一男一女嘅夫妻,並未有同性婚姻合法化嘅通過,呢對同性伴侶唔屬於合法嘅伴侣,未符合移民嘅申請資格,因此拒絕咗伴侶嘅移民申請。

IES 時事例子 2: 香港梁鎮罡案

梁鎮罡係香港嘅高級入境事務主任,佢同佢嘅同性伴侶喺新西蘭同註冊結婚。番到嚟香港,梁先生認為佢嘅伴侶應該得到公務員配偶所享有嘅福利,但係因為梁先生嘅伴侶係同性配偶,所以佢嘅申請被拒絕。

同學想喺呢個熱門 IES 題目入面攞高分的話,可以善用通識例子:英國嘅QT案、香港嘅梁鎮罡案等等,利用多個時事例子,為 IES 爭取高分數。

5. 預設默許器官捐贈

預設默許器官捐贈係最近 2019 – 2020 年非常具爭議性嘅通識議題,而呢個議題亦都係一個 HKDSE 通識科嘅恆常議題。

就器官捐贈而然,香港現時所用嘅係「自願捐贈」 嘅制度,香港市民需要自願登記,先會成為器官捐贈者。然而,香港願意自願登記為器官捐贈嘅人並唔多,因此有聲音提出香港參考西班牙、羅馬尼亞等地方,實行「預設默許器官捐贈」

DSE-Liberal-Studies-LS-IES-Topic-Suggestion-通識-IES題目例子-高分技巧-預設默許器官捐贈-organ-donation
IES 題目示例 + 高分 IES 技巧:共享經濟與生活素質

預設默許器官捐贈作為 IES 題目會係一條發揮空間大,具爭議性嘅通識議題。同學需要更多資料的話,可以參考埋考評局 past paper 2018年 DSE 通識卷一第三題嘅題目 (2018 DSE Liberal Studies, LS Paper 1 Q3),嗰一條題目都係有關預設默許器官捐贈嘅,相信可以俾到一啲方向同學做一份好的IES。

小編 hkdsegayau 提提你:如果同學未有 2018 DSE LS past paper 的話,可以參考小編寫嘅文章 — CE、AL、DSE Past Paper 終極搜尋教學,小編會詳細講解同學可以從邊啲地方搜尋到各科嘅 CE、AL、DSE Past Paper 資源。

6. 禁用一次性塑膠製品

香港政府應否禁用一次性塑膠製品呢個議題,同樣係非常熱門的 IES 獨立專題探究題目。單單喺2016年,香港每日產生嘅都市固體廢物已經有90架雙層巴士咁重,當中超過20%係塑膠廢物,可見香港嘅塑膠廢物問題有幾嚴重。

考評局 HKEAA 喺 DSE LS Past Paper 都有出過呢個題目:2019年 DSE 通識科卷一第二題 (2019 DSE Liberal Studies, LS Paper 1 Q2),同學可以睇睇 HKEAA 嘅 marking scheme 評卷參考,應該會搵到有用嘅論點、作答角度,幫同學一份好的 IES。

DSE-Liberal-Studies-LS-IES-Topic-Suggestion-通識-IES題目例子-高分技巧-塑膠廢物
IES 題目推介 + IES 高分技巧:禁用一次性塑膠製品

IES 高分技巧:參考國際例子

歐盟議會早前已經通過法案,立法由2021年起,歐洲將全面禁用一次性塑膠製品,例如係膠飲管、即棄餐具等等。同學撰寫 IES Part C、Part D 嘅時候,可以討論埋支持禁用一次性塑膠製品嘅原因,除咗符合環保、可持續發展嘅原則之外,亦可以提出香港應該緊貼國際趨勢呢個論點。

小編 hkdsegayau 提提你:如果同學唔清楚 IES Part C、Part D 有咩分別,或者係唔了解 IES 報告每個部分要寫咩內容的話,可以參考小編自己編寫嘅 IES 精讀筆記IES滿分sample,裏面會有 IES 作答框架、高分技巧。

7. 融合教育/特殊教育需要/SEN學生

小編 @hkdsegayauau 睇過一份考評局 HKEAA 公佈嘅高分 IES sample, 老師所俾嘅評語其中一個係:題目有原創性。

雖然同學寫一啲熱門 IES 題目、通識恆常議題都可以做到一份高分 IES,甚至係做到滿分 IES,但係同學想挑戰自己的話,IES 選題嘅時候可以試吓做啲相對冇咁熱門嘅 IES 議題。

小編喺度建議嘅幾個 IES topic: 融合教育 (inclusive education)、特殊教育需要 (special educational needs, SEN) 都係啲相對冇咁熱門嘅通識議題,同學可以參考一下。

其實 hkdsegayau 小編自己做嘅滿分 IES 都係做特殊教育需要呢個議題的。同學可以參考小編嘅 IES 滿分 Sample,或者參考小編嘅 IES 精讀筆記,搵到更加多嘅 IES高分策略。

HKDSE Liberal Studies LS IES Topic Suggestion 通識 IES 題目推介 高分技巧 高分 sample 滿分樣本 通識筆記
IES 精讀筆記

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[英文補習] 五分鐘測試:你適合大型補習社定私補?

小編每次收到有關 DSE 英文補習嘅dm,同學都係問:「小編你有冇補過 Billy Ng / Calvin Sun / Kenneth Lau / Kris Lau / Patrick Chan (PChan)?有咩英文補習推介?」呢啲補習老師嚟自傳統嘅大型補習社,大概係因為宣傳較廣泛,英文補習老師知名度較高,所以同學會偏向選擇呢啲名師,忽略咗私補嘅可能性。

其實搵私補並唔係大家相像中咁難嘅(小編一陣會講吓幾個可靠嘅私補配對平台)況且而家科技發達,同學可以足不出戶都上到網上補習班(例如係小編嘅 English Vocabuarly 28-day Challenge已經推出,呢個係全港首創嘅微型英文補習,同學去緊廁所、等開飯冇嘢做嗰陣,唔駛特登抽時間讀書都可以輕鬆學英文~ 有興趣嘅同學記得喺 Instagram follow 番 @hkdsegayau 留意最新消息!)所以話同學想考好英文唔一定要上傳統、為時一至兩個鐘嘅補習班。

喺嚟緊嘅內容入面,請同學準備你嘅手機(紙同筆都可以,或者同學有超強嘅記憶力的話,可以用腦記住)每答完一條問題都記低你所獲嘅英文字母。同你完成以下幾條簡單嘅問題之後,小編就會因應你喺所有問題入面累積所獲嘅英文字母,為你分析你嘅學習現況,提供個人化嘅學習建議,幫你選擇最適合自己嘅英文補習或學習配套

dse-english-tutorial-online-test 英文補習 測試

1. 你而家讀緊中幾?

  • 中一至三:B、D
  • 中四至五:A、B、C
  • 中六:C

舉個例:如果同學而家讀緊中五嘅話,請你記低你已經獲得一個A、一個B、一個C。

2. 你每個星期大概花幾多時間補習?(可以係英文補習、或其他科補習)

  • 0-2 小時:A、C
  • 3-6 小時:B、D
  • 7 小時或以上:D

同學答完呢一題之後,可以記低你所獲嘅英文字母。記得你所獲嘅英文字母係累積咁計架!例如你喺第一題獲得一個A、一個B、一個C,而你喺第二題亦都獲得一個A、一個C的話,你而家應該有兩個A、一個B、兩個C。

3. 你補英文科後,希望英文科考到咩成績?

  • Level 3: B、D
  • Level 4-5: B、C、D
  • Level 5* -5**: A、C

呢一題問嘅係同學aim嘅英文科成績,而唔係現時predict嘅英文科成績,同學要小心睇題目喔。

4. 你認為自己英文邊份卷最弱?(請選擇其中一份卷)

  • 卷一 Reading: A、D
  • 卷二 Writing: B、C、D
  • 卷三 Listening & Integrated Skills: A
  • 卷四 Speaking: A

終於嚟到最後一題啦,恭喜你完成咗呢個測試!而家請你統計一下,你分別獲得幾多個A、B、C、D?完成統計之後,你可以睇埋下面嘅內容,睇睇小編為你提供嘅個人化嘅學習建議,令你更清楚自己適合大型補習、私補英文、定係有其他學習配套幫到你!

小編分析:你適合大型補習社、私補英文定係其他學習配套?

跟住落嚟,小編會為你分析你適合去大型補習社補習、私補英文,定係使用其他學習配套。同學除咗睇最適合自己嘅選項之餘,亦都建議同學睇埋其他嘅選項(例如係同學得到最多A,都可以睇埋B、C、D嘅分析)因為未必只得一個選項啱你架!

A:大型補習社

如果你獲得最多嘅英文字母係A的話,小編會建議你去大型補習社補英文。同學應該都知道,市面上有多間大型補習社,例如係遵理學校 Beacon College、現代教育 Modern Education、英皇教育 King’s Glory Educational Centre 等等。由於大型補習社嘅英文補習課程通常比較DSE-oriented, 所以同學讀緊中四至五嘅話,可以去試一兩期英文補習,睇吓導師嘅教學風格、考試技巧適唔適合你自己。

雖然大型補習社多數有分video班、live班,亦有唔同分校俾同學上堂,但係始終同學要搭車/行過去補習社,都免不了有時間成本(小編屋企行十分鐘就有一間補習社,但係去到中六嗰陣實在太唔夠時間用,所以放棄咗去補習社補習)所以本身已經補習補得多嘅同學,應該盡量避免再加新嘅英文補習班俾自己,因為來交通再加上堂嘅時間,補一次英文科可能已經花咗你兩至三個鐘寶貴嘅時間

大型補習社嘅英文導師學歷高、教學經歷多,但係呢度始終係大班教學,未必可以顧及唔同程度嘅同學嘅學習進度。加上大型補習社免不了需要 DSE 考level 5*/5**嘅學生作口碑用途,因此所教嘅考試技巧好可能係比較高階嘅考試技巧。想要針對性嘅英文補習,小編會建議同學搵英文私補,俾英文補習老師一對一,或者小班式搵出你嘅弱點,加強操練。

最後,同學想考好英文卷一 Reading、卷三 Listening & Integrated Skills 或者卷四 Speaking 的話,可以去大型補習社學番相應嘅考試技巧。

至於卷二 Writing, 當然會有補習名師教一啲罐頭句、句構等等,但係同學諗吓,全港咁多位考生補同一位名師,用同一堆生字或句構,HKEAA係會睇得出嘅(就好似 every cloud has a silver lining 已經俾考評局ban咗)。

同學要作文作得好嘅話,最佳嘅方法係浸好你嘅英文底子(唔一定要睇書嘅,可以睇吓小編嘅English Vocabulary 28-day Challenge, 每日等車、搭車、甚至去洗手間期間只需要睇10分鐘短片就可以幫你浸到個英文底子番嚟,唔駛同學特登抽時間出嚟讀書的)而呢樣係大型補習社未必幫到你嘅。

B:私補英文

如果你獲得最多嘅英文字母係B的話,小編會建議你私補英文。私補尤其適合仲讀緊中四中五、好想補英文但係又嫌出街上堂太哂時間嘅同學。因為你可以喺你嘅英文補習老師身上學到各個名師、多份卷嘅考試技巧(例如你嘅補習老師考 DSE 之前補過三個英文補習名師,咁佢就會將呢三位導師嘅考試技巧傳授俾你)。

而且單對單或小班教學可以令補習老師更了解你嘅弱點、強項、學習進度,為你貼身訂制最適合你嘅課程。而想提昇作文能力嘅同學都可以考慮英文私補,因為大部分私補英文嘅老師都會提供埋免費嘅英文改文服務,亦都可以話番俾你聽你篇文做得好同唔好嘅地方。

好多同學都有問過小編有冇私補英文推介,小編就覺得適合自己嘅老師未必最啱同學。以往未有太多嘅補習配對平台,又或者係中介費收得比較貴,不過而家新興好多嘅補習配對平台都可以幫同學免費搵英文補習老師,例如係 HelloToby、TutorCircle、TutorDuck、Banana Portal 等等嘅網上平台都可以幫大家搵到最適合自己嘅英文補習老師。

C: 精讀筆記

如果你獲得最多嘅英文字母係C的話,小編唔會建議你去補習。其實同學要考好英文(注意:學好英文同考好英文係兩回事嚟嘅,小編呢度講嘅係考好英文)唔一定要去補習嘅

例如係 Getting 5** in 9 Weeks 系列會精簡咁寫曬各份卷嘅高分技巧,其實同學唔一定要去補習都會學到相應嘅考試技巧。又或者同學嘅弱點係識得生字唔夠多、閱讀卷會睇唔明啲文章、作文詞窮的話,解決辦法應該係學番多啲英文生字。

好多人都會話:要學好英文生字就要睇書,但係坊間有唔少資源(例如係小編嘅英文vocabulary筆記就為同學收錄咗小編三年高中慢慢儲番嚟,超過400個 DSE 考試必用嘅精選同義詞,click呢度有筆記詳細介紹同埋同學嘅評價)可以幫同學根據自己嘅學習進度,用最少嘅時間學到最多嘅英文生字。

D: 網上補習

如果你獲得最多嘅英文字母係D的話,小編會建議你試吓網上補習班。同學作文都識得寫:”With advancements in technology…” 而家時代唔同咗啦,補習唔一定要見到真人補習老師嘅。

尤其係讀緊高中嘅同學,本身面對住功課、SBA、無窮無盡嘅測驗已經忙到不可開交,仲要每個星期抽時間去補習其實真係會花好多時間同心機,有時候攰得濟補習上堂又恰眼瞓,有時候攞咗啲補習筆記番屋企又冇時間睇,有時補完好似冇補過咁,仲要浪費咗啲時間。

而家有啲網上補習課程,例如係 AfterSchool 網上補習,又或者係 hkdsegayau 全港首創嘅微型補習 English Vocabulary 28-day Challenge ,都可以幫你足不出戶就學好英文,比起傳統嘅英文補習模式更具時間成本效益。

P.S. English Vocabulary 28-day Challenge 係為期一個月嘅英文教學影片及筆記,全港首創嘅微型補習影片。小編打破「想英文好就要睇書」嘅傳統觀念,用十分鐘嘅短片教幫你每日學多一點點,幫你執番去洗手間、等車、搭車浪費咗嘅時間,令你唔駛特登抽時間出嚟讀書都可以學到英文,積少成多就可以浸好你嘅英文底子!而家仲有一堂免費試讀,連埋免費影片同筆記sample架! 當 @hkdsegayau 嘅7000幾個followers、7000幾位考生都已經睇緊片嘅時候,睇緊呢篇文嘅你點解唔花10分鐘,俾個機會自己,試吓呢套咁屈機嘅課程?


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE溫習時間表 (附study leave study plan下載)

「小編,我想要一個 DSE 溫習時間表。」

中六同學:就快考 2020 DSE 嘅中學同學,應該開始準備緊 DSE。小編喺呢篇文章會分享自己 study leave 嘅溫書時間表,幫中六同學制定一個好嘅 DSE study plan,好好運用 DSE 前最重要嘅時間。

中四、中五同學:你可以參考小編之前寫嘅溫習策略,裏面會講解高中三年嘅溫習時間表,以下嘅文章會適合考 2021、2022 DSE 嘅你。

DSE 溫習時間表

時間溫習事項
7:30am – 8:30am 起身 — 梳洗、食早餐、出門到溫習地點
8:30am – 1:00pm操卷 — 計時做兩份 CE 或 DSE past paper by year
1:00pm – 2:00pmLunchtime
2:00pm – 4:00pm溫書 — 清concept、溫筆記、寫錯題簿
4:00pm – 4:30pmShort break
4:30pm – 7:00pm操卷 — past paper by year / by topic、做練習
7:00pm – 8:00pmDinner
8:00pm – 11:00pm溫書 — 溫習語文科目
11:00pm – 11:30pm休息 — 沖涼、準備上床瞓
DSE Study plan — Study leave 溫習時間表

以上嘅 DSE 溫書時間表係改良自小編自己 study leave 嗰段時間嘅 study plan。

Study Leave 溫習時間表示例

呢個係根據以上每日嘅 study plan,小編所制定為期一星期嘅一個 study leave 溫習時間表示例。

Study Leave 溫習時間表示例

小編會喺文章以下嘅部分,逐一解釋呢個 study plan 每一個時段嘅溫習方法。

而你亦可以喺文章最後嘅部分,下載呢個溫習時間表嘅 Excel 檔案,根據你嘅個人習慣對 study leave 時間表作修改,成為你個人嘅溫習時間表。

溫習時段一:8:30am – 1:00pm

中六同學嚟到 study leave 嘅階段,應該都熟悉 DSE 考試每份卷嘅作答時間。

點解要由八半開始?

一般嚟講, DSE 試嘅作答時間由 1.5 小時(例如中文卷一閱讀)到 2.5 小時(例如生物 Biology 卷一)不等,但係絕大部分嘅筆試都係由 8:30am 開考。

因此,中六同學應該善用 study leave 呢段時間,調節身體嘅生理時鐘,令自己習慣考試嘅起身、操卷時間。小編嘅建議係每朝大概 7:30am – 8am 起身,梳洗、食早餐後,準時 8:30am 要開始計時做 past paper。

因為正式嘅 DSE 考試會連續考兩份卷,小編建議你喺 study leave 期間,依照 DSE 嘅考試模式,每朝起身都連續做兩份卷,而兩份卷期間可以有一個 45 分鐘嘅小休 — 你可以用嚟睇 marking scheme 對答案,或者俾少少時間自己溫定下一份卷嘅嘢。

點解一點鐘先食lunch?

唔知你有冇試過… 考考吓試嘅時候就會成日肚餓?2020、2021 DSE 考試期間,大部份嘅日子都係由朝早 8:30am 考到 12:45pm,或者係 1:00pm。所以小編會建議中六同喺 study leave 期間,俾自己習慣一下 DSE 嘅考試時間,定時 1:00pm 先食 lunch。

小編提提你:小編從網上資源整合咗各科嘅 Past Paper 俾你哋免費下載 🙂

溫習時段二:2:00pm – 7:00pm

由於 study leave 意味住距離 DSE 嘅時間並唔多,所以小編嘅 study plan 會將午飯時間縮短到大概一個鐘左右。

Lunch break 後溫習

小編會將下午嘅 study plan 分為兩部分,而第一部分就係 2:00pm – 4:00pm。

呢兩個鐘裏面,小編會選擇溫書 — 例如係朝早做嘅 past paper 未對好答案,就會呢個時候對番 marking scheme,之後寫錯題簿;或者有啲背得熟嘅科目,就會溫筆記、清concept。

小編唔建議你將 DSE 溫習時間表嘅 lunch break 後嘅呢段時間安排嚟操更多嘅卷、或者係做練習,因為朝早寫完字、做完卷嘅你應該都好攰,係時候要俾自己雙手休息一下。

例如,你可以參考小編自製嘅通識溫習筆記,小編會詳細教你 11種答題框架(仲有 5** 示例),幫你 DSE 通識科保 level 4 衝 5** 。

小編記得有同學曾經講過:「小編嘅notes都係咁高質 都好有用!!冇咗小編啲notes我覺得我exam會fail😂 ga yau!!!!」

Short break

到咗下午四點嘅你應該飯氣攻心,好想休息。雖然 study leave 係 DSE 嘅最後直路,但係小編相信準備緊2021 DSE 嘅中六同學並唔應該全日 24 小時不斷溫書。

呢個 DSE 溫習時間表會建議你喺下午嘅時間,放一個大概 30分鐘嘅 short break。小編自己通常會用呢段時間嚟瞓晏教。

小休後溫習

小休過後,到咗大概 4:30pm, 小編會繼續讀書、操卷。

呢個 DSE 溫習時間表嘅呢個時段,應該溫咩科目、做咩練習,視乎你嘅讀書進度。

如果你放break之前未溫完嗰科嘅內容,又或者係覺得嗰一科比較弱,咁你可以繼續溫嗰一科,作為 DSE 前 study leave 嘅最後衝刺。否則,你可以改為溫另一科。

至於做咩類型嘅練習,小編會建議你做 CE 或者 DSE past paper by year / by topic。

至於詳細嘅操卷次序 — 做 CE、DSE、AL 試題嘅操卷時間表、做 by topic / by year past paper 嘅先後次序,可以睇睇小編寫嘅 DSE 溫習策略

溫習時段三:8:00pm – 11:00pm

小編屋企通常七點鐘開飯,所以小編嘅 study leave 溫習時間表裏面會係七至八點食飯,之後繼續溫書。

操練語文科目

DSE 語文科目,尤其係中文、英文,通常都要keep住溫習先至唔會退步。

所以,小編嘅 study plan 會安排每晚都花少少時間,習慣每晚飯後都浸一浸自己嘅語文底子。

小編嘅溫習時間表會將晚間時間分為兩部分,第一部分係操練,時間大概由八點到十點。

例如,小編會做一份中文閱讀卷、做一份英文閱讀卷,或者喺兩個鐘內不斷做文言文練習。

點解小編要不斷做文言文?

因為… 小編就快考 DSE,中六考mock,甚至到咗 study leave 嘅時候,文言文嘅閱讀能力依然十分十分之差。當時,小編喺一篇文言文裏面都未睇得明10個字。

後來,小編發現文言文嘅虛詞(類似係英文嘅 he, she, it, you, me 等等)係文言文嘅基礎,而背咗文言文嘅常用實詞更加可以幫自己理解文章嘅大部分。小編就係 study leave, 不斷做文言文練習、學好文言字詞,結果中文卷一閱讀 5**。

如果中六嘅你文言文底子唔好,你會從小編嘅經歷當中睇到,你仲有得追。與其坐以待斃、放棄文言文,不如試吓小編用一個半月谷底反彈嘅秘密武器 — 文言文精讀筆記

睡前溫習

十點後,接近瞓教時間。小編每日嘅 study leave study plan 會喺呢個時候做一啲比較零碎,而且嘅冇咁用腦嘅事情。

例如,小編會溫英文生字、useful phrases、sentence structures、中文百搭例子等等,鞏固自己嘅語文底子,同時為中文、英文作文增添例子同生字。

Study Leave 溫習時間表下載

踏入 2020 DSE 最後直路,小編編寫咗一個 study leave 溫習時間表嘅 template 俾同學溫習。

而考 2021、2020 DSE 嘅同學亦都可以下載呢個 study plan,作為平日放假嘅溫習時間表。

最後… 小編從網上資源整合咗各科嘅 Past Paper 俾你哋免費下載,未搵齊 Past Paper 嘅你可以睇睇 🙂

延伸閱讀:中四、中五溫習策略


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[溫習策略] DSE幾時開始溫書?

[DSE溫習策略] 應該幾時開始溫書?

Q. DSE幾時開始溫書?
A. 中四。其實中四就應該開始溫。

Q. 中五下學期、中六先開始發力溫書會唔會太遲?
A. 唔會。只要你有心,肯努力,一定唔會太遲,仲有得追。

即使你考 2020、2021 DSE,今日嘅你睇到呢篇文章,小編都相信你仲有得追。

小編 hkdsegayau 喺呢篇文章,會逐一解釋DSE應該幾時開始溫書,當中包括中四、中五、中六嘅分別要操咩卷,提供一啲中學讀書策略俾你哋。

1. 中四溫習策略:依照學校進度操 past paper

中四嘅你應該只係學咗整個DSE課程嘅小部分課題,要完成一整份 CE、AL、DSE past paper 實在有難度。一嚟你未必識得做試卷裏面嘅題目,二嚟你要搵適合自己嘅題目都要花唔少時間。

因此,小編建議中四同學嘅溫習方法係先做 CE by topic past paper。

中四所學嘅DSE課題大部分較淺易,所以同學應該喺會考 CE pp 搵到適合你嘅課題試題,至於高考 AL past paper 可以留番中五下學期,或者中六先做。

至於做嘅課題,可以視乎學校教書進度 — 小編建議每次學校老師教完一個課題,同學就做番嗰個課題嘅 by topic past paper, 鞏固課題嘅知識,同時當係為之後嘅小測、考試溫書做好準備。

2. 中五溫習策略:溫故知新 + 挑戰自己

中五上學期發力:

中五上學期嘅你,所學嘅都係整個 DSE syllabus 內容嘅好小部分。小編建議同學依照以上嘅溫習方法,跟學校嘅教學進度,繼續做 CE by topic 試題。

到中五下學期,應該有唔少同學都開始發力,亦都有同學會擔心中五下學期先開始溫DSE已經太遲。

其實… 小編自己都係中六、study leave 嗰陣先真真正正發力讀書考DSE。所以,中五下學期發力讀書嘅你,一定仲有得追。

中五下學期發力:

中五下學期嘅你,所學嘅DSE課題應該學咗一半有多。呢個時候,你嘅溫習策略會有少少嘅改變。

中四、中五上學期期間,你一直做緊嘅係 CE by topic 試題。然而,嚟到中五下學期,你除咗做 by topic past paper 之外,小編亦建議你試做一啲 CE by year 試題。

當然,對於未學曬所有 DSE 課題嘅你,要做 by year 嘅卷的確會有難度同排戰性。加上中五下學期嘅你應該比較忙,你未必有足夠時間去做 by year pp。

所以,你嘅溫習策略可以係將 CE by year 試卷留番中六先做。(小編都係中六先開始做 by year past paper)

中五下學期溫習策略:

小編 hkdsegayau 提提你,中五下學期嘅你嘅工作量應都隨之增加 — 補習、小測、SBA、IES、課外活動等等,令你原本已經有限嘅時間更少。正正係因為呢個原因,你更加需要一個好嘅 DSE 溫書時間表、溫書策略去幫你好好運用同管理有限嘅時間。

如果想下載免費DSE資源、2020、2021年嘅高中讀書時間表、各科補習推介,你可以填妥訂閱表格,小編會定期將DSE讀書策略、免費學習資源分享俾你。

3. 中六溫習策略:最後半年衝刺 + 發力時刻

中六嘅你,一定一定要發力溫書。

嚟到中六先發力讀書、操paper會唔會太遲?一定唔會。

你聽落可能覺得好不可思議,不過小編中四、中五上學期、下學期都係渾渾噩噩咁過,中六先發力溫習,結果喺DSE之前都追到錯過咗嘅嘢。

如果你而家讀緊中六,又想急救中文、英文、通識科嘅話,小編 hkdsegayau 嘅 DSE 雞精筆記應該幫到你。

中六發力:先做 CE 再做 DSE past paper

嚟到中六,仲有唔夠半年已經要考 2020、2021 DSE,而你喺學校所學嘅 DSE syllabus 應該佔咗公開試考嘅大半。中六呢個時候,你一定一定要開始做 CE by year past paper。

即使中六同學未學曬整個 DSE 課程嘅考核內容,你都要開始做 by year pp。如果你等到學校教曬所有內容、study leave嗰陣先逐科嘅pp做,你好可能會做唔切咁多年嘅past paper。

至於應該做咩年份嘅pp, 小編建議同學由 1990 CE past paper 做起,按年份順序做,做到大概 2009、2010 或者 2011年嘅試卷,總共大概20年嘅試卷。

利用以上嘅溫習策略同埋溫習時間表,當你做完咁多年嘅CE試卷之後,你應該清到大部分嘅concept, 可以開始做 DSE past paper。

同樣地,你嘅讀書策略應該係由第一年嘅DSE試卷開始做,按年份由 2012 DSE 試卷做到你考 DSE 嘅前一年。例如,你考嘅係 2021 DSE,咁你就可以做 2012 – 2020 DSE 試卷。

中六操卷策略:預留三年 DSE past paper

同學每做完一份past paper, 點都會對啲題目、marking scheme有啲印象。正正係因為咁,你第二次做嗰份pp嘅時候,所用嘅時間應該更少,準成度都應該較高。

小編建議中六同學無論係放study leave前,抑或係study leave期間,都唔應該做曬每一份嘅 DSE pp。如果可以預留大概三年嘅 DSE 試卷,留到考 DSE 前嘅一至兩日先做,就可以更加準確咁預計你嘅實力,同埋考 DSE 嘅等級。

舉個例,一位 2021 DSE 嘅考生可以喺中六、study leave期間試做 2012 – 2017 DSE 試卷,至於 2018, 2019, 2020 DSE past paper 就可以留番 DSE 前一兩日衝刺嘅時候做。

小總結:中四、中五、中六 DSE 溫習策略

[DSE溫習策略] 應該幾時開始溫書?
[DSE溫習策略] 應該幾時開始溫書?

小編 hkdsegayau 所寫嘅呢篇文章,由中四、中五、中六嘅唔同時期,分析咗你哋應該要有操paper、溫書策略。至於DSE要幾時開始溫書,其實係由你升上中四嗰一刻開始,到中五、中六都要準備DSE。如果呢一刻嘅你,決定要發力考好DSE,相信小編嘅精讀筆記會幫到你。


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[好書推介] 6本適合英文SBA的non-fiction書藉推介

「小編 hkdsegayau 有冇好的DSE英文SBA non-fiction書藉推薦?」”Any print non-fiction suggestion for English SBA book review?”

中五、中六嘅同學要做英文SBA,睇小說通常並唔難。但係當同學要睇非小說類 non-fiction 嘅書,同學就會比較迷茫,唔知英文SBA做咩書好。小編 hkdsegayau 喺呢篇文章推介嘅書本屬於 print text, non-fiction 嘅SBA英文書,希望幫到迷茫中嘅你做好 Eng SBA book report。

1. In Order To Live 《為了活下去》

English SBA Non-fiction Suggestion - In Order To Live
English SBA Non-fiction Suggestion – In Order To Live

DSE嘅英文SBA需要同學睇小說同埋non-fiction嘅書本,相信同學要睇小說並唔難,但係要搵有意義、適合做讀書報告,而且有趣、好睇嘅non-fiction並唔容易。In Order To Live 係一位脫北者(成功逃離北韓嘅人士)嘅自傳,內容係基於作者嘅自身經歷,故事情節有趣、引人入勝之餘,又符合到英文SBA non-fiction 嘅要求。加上作者係一位韓國人,佢嘅母語並唔係英文,所以書裏面用嘅字都唔會太深,所以小編會推介 In Order To Live 呢本 non-fiction 俾同學做英文SBA book report。

摘要 Book summary

In Order To Live 嘅作者朴研美出生於北韓,佢曾經親眼目睹朋友嘅媽咪因為睇咗好萊塢電影而被公開處決、脫北期間曾經目睹自己嘅母親被強姦、曾經走遍戈壁沙漠,為嘅時候只係逃離北韓嘅極權統治。

讀書報告讀後感

呢本書講述嘅正正係朴研美脫北前嘅生活,以及脫北嘅經歷同辛酸。然後,網上有唔少人都質疑書本內容嘅真確性,懷疑作者為咗令書本更暢銷而誇大內容。同學做英文SBA book report嘅時候可以探討呢本推介書目內容嘅真確性,又或者係反思吓自己從作者身上學到嘅嘢:堅毅 perseverance、勇氣 courage 等等。

延伸閱讀:中五嘅同學可參考一下 [IES滿分心得] 有助你突圍而出的IES題目建議(一)

2. Rise of The Robots: Technology and the Threat of a Jobless Future 

英文SBA書藉推介 - The Rise of The Robots
英文SBA書藉推介 – The Rise of The Robots

摘要 Book summary

小編推介呢本英文書做SBA嘅其中一個原因係,呢本書好有反思嘅意義,貼近 Learning English Through Social Issues 嘅單元,而且好適合寫讀書報告。Rise of The Robots 呢個書名聽落可能似係科幻小說,其實佢係一本non-fiction。Rise of The Robots 嘅作者 Martin Ford係一位矽谷創業家,書裏面講嘅係隨住科技進步,現代嘅機器人崛起,好多工作都可能會被機器人所取代。有邊啲工種將來會被機器代替?人類身處嘅社會將來會變成點?呢啲都係呢一本 non-fiction裏面討論嘅要點,亦都係同學寫讀後感可以討論嘅問題。

讀書報告讀後感

小編嘅個人反思:小編個人認為呢本書真係好有啟發性,而且帶嚟咗好多反思嘅地方。就好似小編本身一心一意想做事務律師,睇完呢本書做反思,後來就會諗:如果我份工做嘅嘢只係做research, draft contract等等嘅事,其實小編嘅角色好快就會被機器所取代。其實呢個職業係咪仲值得做呢?

而同學寫英文SBA book review嘅時候,都可以從職業嘅角度寫讀後感,反思一吓自己嘅理想工作嘅前景。

延伸閱讀:中六同學可以參考小編寫嘅 2020 DSE Timetable + Study Leave 備試時間安排

3. What I Wish I Knew When I Was 20 《真希望我20歲就懂的事》

英文SBA書推薦 - What I Wish I Knew When I Was 20
英文SBA書推薦 – What I Wish I Knew When I Was 20

摘要 Book summary

What I Wish I Knew When I Was 20 呢本書,好明顯係一本 non-fiction, 正正適合搵緊英文SBA非小說類書籍推薦嘅你。雖然呢本書講嘅係作者後悔自己20歲前唔知道嘅事,但係依然好適合中四、中五、中六嘅你去睇。有啲事,越早知道越好。

讀書報告讀後感

小編自己都係中五、中六期間睇呢本晝書嘅,受呢本non-fiction啟發嘅反思都唔少。小編好記得書裏面提及到,唔少學生上堂只係等答案,等住吸收課程內容,而唔會自己主動去發掘新嘅內容,提出一啲問題。呢種學習方式並唔係唔好,不過呢啲同學所學嘅只會同同輩所學嘅嘢一樣,好難能夠突圍而出。

呢本non-fiction討論嘅意義亦都好適合讀緊高中,讀緊HKDSE制度嘅你去反思 — 求學抑或求分數?同學可以喺閱讀報告裏面做番呢方面嘅反思。

延伸閱讀:想搵間好嘅cafe靜靜地睇書,搵個好嘅溫書、讀書地方?同學可以參考小編寫嘅文章:[溫書好地方] 適合DSE同學讀書的Cafe推介

4. How Starbucks Saved My Life《星巴克救了我一命》

Print Non-fiction Recommendation - How Starbucks Saved My Life
Print Non-fiction Recommendation – How Starbucks Saved My Life

摘要 Book summary

其實好多non-fiction嘅英文書都係作者嘅自傳,而呢本都唔例外。呢本書嘅作者含住金鎖鑰出世,原本係一間公司嘅高層,從事廣告範疇嘅工作25年。作者忽然之間被公司解僱後,無路可走嘅時候去咗 Starbucks 做一個普通嘅員工,而書裏面講述嘅就係作者喺 Starbucks 工作、重新由一個普通打工仔學到嘅嘢,同埋佢喺 Starbucks 做嘢嘅得著。

讀書報告讀後感

小編推介呢本英文書做SBA嘅原因係,小編個人覺得睇住一個由高層跌到落普通員工嘅心路歷程,正正反映咗人生之中總有挫敗嘅經歷。同學你自己又有有經歷過一啲挫折,你又如何越過難關呢?同學可以將作者嘅經歷,聯繫到自己嘅反思,寫好英文SBA讀書報告。

延伸閱讀:好嘅通識答題框架,會係通識科保4衝星嘅基本要求。同學可以參考小編嘅 [DSE通識] 5**答題框架+高分示例 | hkdsegayau

5. Battle Hymn of The Tiger Mother 《虎媽戰歌》

DSE English 好書推薦 - Battle Hymn of The Tiger Mother
DSE English 好書推薦 – Battle Hymn of The Tiger Mother

摘要 Book summary

Battle Hymn of The Tiger Mother 呢本 non-fiction 嘅作者 Amy Chua 蔡美兒係美國耶魯大學嘅法律系教授。同時,佢亦都係兩位女兒心目中嘅「虎媽」。身為美國華裔嘅蔡美兒,採用極為嚴苛嘅手法養育佢嘅兩個女兒:測驗考試唔可以獲得低於 A grade 嘅成績、女兒完全冇自由選擇參加邊個興趣班、蔡美兒強迫兩個女兒學習鋼琴等等。呢一啲中國人育兒嘅法則都令唔少美國人大為驚訝。而呢本 non-fiction 就係虎媽所寫嘅一本回憶錄,當中記載咗虎媽嘅教育模式、兩個女兒嘅成長經歷。小編個人認為,呢本英文 non-fiction 嘅故事性頗強,睇落幾有趣、唔會悶的。

讀書報告讀後感

父母對子女嘅管教模式 (parenting style) 係社會時事嘅熱門議題之一,心理學教授 Diana Baumrind 亦提出過四種唔同嘅管教模式:

  1. 嚴格型 (authoritative)
  2. 嚴厲型 (authoritarian)
  3. 溺愛型 (permissive)
  4. 忽略型(neglecting)

近年興起嘅「港孩」,相比起「虎媽」蔡美兒養育出嚟嘅孩子,喺性格、成就方面都可以好唔同,而香港父母管教子女嘅模式亦成為咗 Learning English Through Social Issues 嘅一個可行討論點。然而,喺呢兩個極端之中,邊一個係比較好嘅呢?你自身嘅家庭又係採取邊一種管教模式?同學撰寫 English SBA Book Report 嘅時候,可以嘗試套用以小見大嘅方法,將書裏面嘅內容,作為自身嘅反思。

延伸閱讀:小編除咗推介好書、適合英文SBA嘅non-fiction之外,亦有推薦適合做英文SBA movie / film review 嘅電影俾同學。

6. Nudge: Improving Decisions About Health, Wealth, and Happiness《推出你的影響力》

English SBA Book Recommendation - Nudge
English SBA Book Recommendation – Nudge

摘要 Book summary

呢本non-fiction成本書主要係傳達一個訊息:小小嘅改變,可以帶嚟好大嘅影響。呢個行為經濟學嘅概念可以應用喺生活嘅不同方面,例如係呢本英文書裏面有提及一個實驗:學校嘅食物供應商將食物菜單嘅次序改一改,將較健康嘅選擇放到較高嘅位置,唔健康嘅食物就移到較低嘅位置。呢個小小嘅改變,竟然可以令更多嘅學生選擇健康嘅食物。

讀書報告讀後感

Nudge呢本英文non-fiction所討論嘅行為經濟學概念,其實可以應用喺同學嘅日常生活之中,有好多生活細節、小小嘅習慣只要改一改,所得出嘅影響可以好大。例如係,同學有冇反思過每日臨瞓抽15分鐘學5個英文vocab, 一個月已經可以學到150個英文生字,積少成多,一年就可以學到差唔多2000個 Eng vocab, 大大提升你嘅英文水平,提高你嘅DSE成績,影響你嘅將來?習慣嘅力量不容小覷,而小編上述嘅例子正正係 hkdsegayau English Vocabulary Notes 想達到嘅效果。一套兩份英文筆記,400組英文生字、解釋及例句,會係提升英文水平嘅好幫手。

已經超過800位考生訂購咗筆記,而家溫緊書啦!睇緊呢篇文章嘅你仲等咩?


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[DSE英文] 5部英文SBA電影推薦

「小編 hkdsegayau 有冇好的DSE英文SBA電影推介?」”Any film or movie recommendation for English SBA?”

DSE 英文 SBA 嘅題材主分為四種:

  1. Print text
  2. Non-print text
  3. Fiction
  4. Non-fiction

而小編 hkdsegayau 喺呢篇文章推介嘅電影屬於 non-print text 嘅英文 SBA 題材。

通常中五、中六同學做英文SBA都會睇一啲有意義嘅電影嚟做movie review presentation, 但係諗嚟諗去到諗唔到好嘅電影嚟做SBA。小編 hkdsegayau 喺呢篇文章會推薦幾部適合做Eng SBA嘅電影,希望幫到迷茫中嘅你。

1. Green Book 《綠簿旅友》

英文SBA電影推薦 DSE English SBA Movie Film Review - Green Book 《綠簿旅友》
英文SBA電影推薦 Green Book

電影故事背景

Green Book 呢套英文電影改編自真人真事,講述嘅係以前喺美國嘅種族歧視問題。

1960年代嘅美國,種族歧視非常嚴重,如果有黑人闖入「非黑人友善」嘅地方,唔止會被嘲弄咁簡單,有時可能會被毆打,甚至導致生命危險。因此,當時有一本專為黑人而設嘅小冊子 “Green Book”,記載咗整個美國各個城市嘅「黑人友善」嘅場所,令黑人旅遊時可以更安全。

電影簡介

英文電影 Green Book 嘅主角有兩個:(1) 美籍非洲裔嘅黑人鋼琴家 Don Shirley 同埋 (2) 佢嘅美籍保鑣 Tony Lip。

電影裏面,Don Shirley 自願去到美國南方、黑人歧視嚴重嘅地區進行巡迴鋼琴演出,而為咗保護自己嘅人身安全,他請咗白人 Tony Lip 做佢嘅司機兼保鑣。Tony Lip 本身係一個頗為歧視黑人嘅白人,但係為咗家計、為咗金錢,佢決定接受 Don Shirley 嘅工作。

Don Shirley 進行巡迴演出期間,所遇到嘅事並唔少:作為活動嘅演出嘉賓,卻被拒絕使用室內嘅洗手間,只可以用室外嘅茅廁;當司機 Tony Lip 可以到餐廳進食,Don Shirley 就連踏入餐廳都唔可以,等等嘅事都引起咗觀眾對歧視問題嘅關注。

英文SBA拓展方向

雖然 Green Book 電影主要環繞1960年代美國嘅種族歧視問題,但係同學做 movie review presentation 嗰陣,可以將英文電影嘅含意延伸至現代社會公平性嘅問題:對有特殊學習需要學生 (students with special educational needs, SEN) 嘅歧視、少數族裔 (ethnic minorities) 所受嘅歧視等等,呢啲都係非常貼近 DSE 英文其中一個重點單元 Learning English Through Social Issues 嘅社會議題。

延伸閱讀:中五做緊通識 IES 嘅同學可以參考一下小編嘅 IES 題目建議 + IES 高分技巧,以下嘅文章就會係討論到社會公平性呢個 social issue 嘅 IES 題目。

2. The Giver 《記憶傳承人》

英文SBA電影推薦 DSE English SBA Movie Film Review - The Giver
English SBA Movie Review Recommendation – The Giver

電影故事背景

The Giver《記憶傳承人》呢套英文電影改編自一本相同標題嘅科幻小說 (science fiction), 故事主題環繞反烏托邦 (dystopia) 嘅主題。呢本小說出版於 1993年,而英文電影 (film) 就喺 2014年上映。雖然呢本英文小說同電影嘅出版、上映年份都比較早,但係所觸及嘅社會議題到而家 2019 – 2020年依然適用,亦都十分貼合 Learning English Through Social Issues 嘅 DSE 英文單元。

電影簡介

The Giver 《記憶傳承人》電影全長只有90分鐘,但係小編 hkdsegayau 個人認為電影嘅深度、意義十足。小編自己做英文 SBA movie review 都係做呢套電影的,電影時間唔長、亦都十分有意義,非常適合做 English SBA non-print text review。當然小編亦會推薦同學睇 The Giver 嘅原著書藉做 print fiction book report。

英文電影 The Giver 嘅主角有一個:十二歲嘅 Jonas。

Jonas 居住嘅社會係一個看似烏托邦 (utopia) 嘅社區,實際上係一個牢獄、人民思想被控制嘅社會。呢個社會最大嘅特點係:居民嘅生活、一舉一動都被一個中央委員會監控住。社區裹面嘅每位小朋友年滿十二歲就會被分派到一個工作崗位、男女之間並無自由戀愛,市民同邊位異性結為夫妻係由中央分配、夜晚亦有宵禁防止市民外出。更重要嘅係,每一位市民嘅記憶都被奪去 — 市民並無生病嘅記憶、戰爭嘅記憶、政府控制市民嘅記憶等等。社會裏面所有正面、負面嘅記憶都由一位「記憶傳承人」負責記住。而呢位記憶傳承人就係 Jonas。

剝奪人類嘅記憶與思想控制 (thought control) 無異,當人類一出世就受到嚴格思想、行為嘅控制,從來冇享受過自由嘅人類當然唔識得反抗。但係,當 Jonas 發現自己一直身處嘅社會屬於一個極權統治嘅社會,佢決定要為社會做一啲改變。

英文SBA拓展方向

The Giver 電影觸及到好多人性嘅議題:人類嘅自私 — 令中央委員會將所有負面、痛苦嘅記憶都放喺 Jonas 一人身上;人類嘅脆弱 — 令人類唔願意去背負負面嘅記憶。而更家貼近 Learning English Through Social Issues 嘅議題係,The Giver 呢套英文電影反映咗現代社會嘅一啲極權統治 — 最有名嘅當然係北韓嘅極權統治。同學喺 film review 嘅時候可以反思一下:思想控制有好有壞,究竟係咩原因導致人類會採用極權統治,從而探討人性嘅醜惡。

延伸閱讀:小編 hkdsegayau 除咗推介適合做英文 SBA 嘅電影俾同學之餘,亦有鑽研一啲通識考試技巧、通識答題框架。詳情可以參考小編嘅通識5**考試技巧筆記,或者先參考以下嘅文章:

3. The Fault in Our Stars 《生命中的美好缺憾》

英文SBA電影推薦 DSE English SBA Movie Film Review - The Fault in Our Stars
Eng SBA Film Review Recommendation – The Fault in Our Stars

電影簡介

The Fault in Our Stars 《生命中的美好缺憾》係小編好欣賞嘅一套電影,雖然電影背後嘅意義冇其他嘅電影咁深遠,但係以故事情節嚟講,呢套英文電影係幾易明、幾好睇嘅。

電影故事嘅女主角 Hazel 係一個甲狀腺癌症末期病人,需要隨身攜帶一部笨重嘅呼吸機嚟延續佢嘅生命。罹患癌症已久,明白自己隨時會失去生命嘅 Hazel 早已對生命失去希望,但係佢喺父母嘅迫使之下,參加咗一個癌症病人分享會,喺度認識咗男主角 Augustus (Gus)。

電影故事嘅男主角 Gus 曾經係一位出色嘅籃球健將,但係後來患上骨肉癌,因而被迫切除右小腿。同 Hazel 唔同嘅係,Gus並冇因為咁而氣餒,而係憑著自信、樂觀嘅性格,繼續生活落去。

Hazel 同 Gus 嘅認識為兩個人嘅生活都帶嚟咗重大嘅轉變,甚至擦出咗愛情嘅火花,從而令人反思生命嘅意義、面對逆境嘅態度等等。

英文SBA拓展方向

癌症病人嘅故事並唔少,但係 The Fault in Our Stars 呢部電影嘅兩位主角都係年紀比較細嘅癌症病人,同學做 English SBA non-print fiction review 嗰陣嘅反思方向可以係環繞生命嘅脆弱、自己對生命嘅見解、要珍惜生命等等嘅議題。雖然呢套電影情節未有觸及太多具爭議性嘅社會議題 social issues, 但係小編個人認為作為一部娛樂性嘅電影,The Fault in Our Stars 喺情節上同埋意義上都好值得睇,同學可以考慮以呢部電影作為 English SBA presentation 嘅電影。

延伸閱讀:同學想讀書,又想休息吓的話,小編會建議同學到cafe溫書。以下係小編推介幾間適合同學溫書嘅cafe

4. Life of Pi 《少年Pi的奇幻漂流》

英文SBA電影推薦 DSE English SBA Movie Film Review - Life of Pi
Good movie for Eng SBA presentation – Life of Pi

電影簡介

Life of Pi 係一部經典電影,小編都有朋友以呢套英文電影作為英文 SBA film review 嘅題材。

呢部電影嘅主角名叫 Pi, 佢係一個出身於印度,熱愛宗教嘅男仔。Pi 嘅屋企人管理住一個動物園,所以 Pi 自己對動物都有研究。喺1976年印度嘅塔米納杜政府解體之後,Pi 嘅屋企人決定全家移民到加拿大。

Pi 同一班動物搭輪船前往加拿大期間,一場暴風雨令船隻沉没,而 Pi 喺暴風雨期間,同一班動物一齊上咗一架救生艇,開始佢哋嘅太平洋奇幻漂流記。神奇嘅係,呢隻救生艇上面嘅動物有:斑馬、鬣狗、紅毛猩猩以及孟加拉虎不等,而 Pi 利用佢對動物嘅認識,同各種動物各平共處,最後獲救。

英文SBA拓展方向

Pi 獲救時,船上只係剩番 Pi 同孟加拉虎。而其他嘅動物… 已經互相殘殺,失去佢哋嘅生命。

Life of Pi 表面上係一部講述少年 Pi 漂流嘅英文電影,但係故事背後嘅隱喻、展現獸性黑暗嘅一面,全部都係非常值得討論、十分有意義嘅議題。例如係 Pi 喺漂流期間嚟到食人島,佢嘅選擇只有:進食人類屍體嚟生存,或者係餓死。呢部英文電影雖然唔係討論社會嘅 social issues, 但係討論人性嘅方面亦都係同學做 English SBA non-print text review 好好嘅題材。

延伸閱讀:同學除咗做SBA之外,相信一個好嘅溫習時間表都係非常重要嘅。小編寫一篇文章,詳細分析 2020 DSE 時間表同埋 study leave 溫書時間表俾同學參考。

5. My Sister’s Keeper 《姊姊的守護者》

英文SBA電影推薦 DSE English SBA Movie Film Review - My Sister's Keeper
DSE英文SBA電影推薦 – My SIster’s Keper

電影故事背景

My Sister’s Keeper 改編自一本同名嘅英文書,無論係原著嘅書,定係電影裏面討論嘅道德議題都好具深入意義、討論空間,所以小編會推介呢部電影作為英文 SBA 嘅題材。

My Sister’s Keeper 係小編最初接觸法律、具爭議性嘅社會議題嘅原因。好記得小編就係因為呢本書,開始愛上咗作者 Jodi Picoult 嘅書,而佢嘅書討論好多嘅法律議題、 court scenes 係小編最後選擇大學讀法律嘅原因之一。

電影簡介

Sara 嘅女兒 Kate 年紀小小已經患上罕見嘅白血病(癌症嘅一種)。由於 Sara 嘅血型唔適合為 Kate 作出捐贈,Sara 決定利用醫學科技,挑選適合嘅 DNA,生下細女 Anna 去為 Kate 提供維持生命嘅器官。

Anna 由一出世起,已經不斷以自己身體嘅資源去維持家姐 Kate 嘅生命 — Anna 為 Kate 提供臍帶血、捐血、捐白血球、捐幹細胞、捐骨髓等等。Anna 一直都默默接受「維持姊姊生命」嘅呢個責仼,直至有一日,Kate嘅腎臟衰竭,需要妹妹 Anna 嘅腎捐贈。

呢個時候,Anna決定向自己嘅母提出法律控訴,控告母親侵犯佢嘅「身體使用權」,展開咗母女之間嘅訴訟。

英文SBA拓展方向

原著小說 (fiction) 嘅作者 Jodi Picoult 所寫嘅大部份小說都係基於一啲非常具爭議性嘅道德、社會議題,令同學做英文 SBA 嘅時候更容易搵到討論嘅方向。

My Sister’s Keeper 呢部電影嘅討論意義在於:第一,透過基因檢測,誕下完美基因嘅 Anna 在於道德嘅角度,是否正當?第二,Anna 嘅身體使用權應該否凌駕於 Kate 嘅生命權?

以上嘅問題都未有確定嘅答案,而同學正正可以抓緊呢個機會,喺英文 SBA film review presentation 度討論個人意見。

延伸閱讀:同學考 DSE 英文作文 (Paper 2 Writing) 嘅時候,好多時都會需要用到有關 social issues嘅英文生字。同學可以參考小編嘅 English Vocabulary Notes, 學啲 useful vocabulary for HKDSE 🙂

發佈日期:

[DSE通識] 5**答題框架+高分示例

DSE 通識科考試嘅題型有不下10種,而每種題型,例如係立場題、比較題、因素題作答框架都會略有不同。同學要喺通識科獲高分數,可以參考以下嘅5**段落答題框架,小編亦會喺文章提供一段高分作答示例 (LS level 5 – level 5** sample) 供同學參考。

點解要學通識答題框架?

就正如同學喺大型補習社補通識科,例如係補 Guy Leung, Costa Chan, Henry sir, Oscar Ma, Hong sir 等等通識補習老師,同學可能都會學過唔少通識 Liberal Studies LS 答題技巧。而呢啲通識考試技巧裏面,總有一部分係講段落作答框架、題型格式的。

因為通識答題框架的確好重要。

如果同學有通識試卷喺手,同學可以參考8分或以上嘅題目評卷參考,同學就會發現評卷參考都會要求同學嘅答案結構嚴密。

DSE-通識題型答題框架-HKEAA-Marking-Scheme-2016-DSE-Paper-2
2016 DSE 通識卷二 HKEAA Marking Scheme

通識論文作答框架

小編 hkdsegayau 講解通識題型答題框架之前,會略略講一講 DSE 通識考試論文嘅作答框架:

  • 引言
  • 論點一
  • 論點二
  • 論點三
  • 總結

同學可能會問:引言喺 LS Liberal Studies 考試裏面係唔係必需的?

呢個問題並無標準答案。

小編明白通識考試時間緊迫,要同學寫多一句引言會花咗一部分嘅時間。但係正如上述所提及,HKEAA 考評局嘅 marking scheme 評卷參考都會要求同學做到結構嚴緊,而 DSE LS level 5 sample 有啲都會有引言的

小編 hkdsegayau 嘅建議係:做5分或以下嘅題目嘅時候,如果唔夠時間的話可以唔寫引言同總結;但係如果同學做緊6分或以上嘅通識長題目,小編會建議同學寫埋引言、總結。例如係立場題、6分或以上嘅因素題,小編會建議同學做齊通識論文框架,而4分嘅數據題可以省略引言、總結呢兩個框架元素。

2016-DSE-Liberal-Studies-LS-通識-卷二-Paper-2-Q2-5**-sample
2016 DSE LS Paper 2 5** Sample

如果同學想睇更多通識5**Sample的話,可以參考小編嘅通識5**考試技巧筆記

通識段落答題框架

1. 主題句

通識科講求考試作答結構嚴密,同學需要喺每段開首清晰指出該段嘅論點、討論角度。

要做到好的答題框架,做好主題句十分重要。一句好嘅主題句應該以簡潔為標準,而以下係段落主題句應有嘅元素:

  • 標示語:第一、第二 Firstly, secondly
  • 討論角度(如適用):經濟角度、社會角度、文化角度等等 Economic perspective, social perspective, cultural perspective, etc.
  • 段落中心論點:以一句概括段落嘅中心論點

2. 詳細闡述

通識科嘅詳細闡述會係每一段嘅重心,亦都係同學解釋論點,要將邏輯做得好嘅地方。但係詳細闡述呢一部份,亦都係最多同學唔識做嘅部份。

同學最常問嘅問題係:點解通識考試寫咗好多字都唔高分?點解寫咗通識概念都唔高分?通識考試要點儲通識例子?

以上嘅問題會喺小編嘅通識溫習筆記通識課程裏面搵到答案,而以下嘅內容就會講解係通識考試做詳細闡述,同學可以寫嘅高分答題框架。

  • 引用資料:引用同該段論點有關嘅資料
  • 運用資料:就所引用嘅資料節錄加以闡述,解釋資料反映嘅現象、問題,而資料可以如何支持論點
  • 相關例子:時事例子、日常生活例子,資料提供嘅例子等等
  • 通識概念:同學可以參考小編嘅通識溫習筆記

3. 段落小結

通識考試嘅每一段,作答框架嘅最後一步都應該係段落小結。段落小結嘅作用係總括段落要點,並緊扣題目嘅題問字眼,以示扣題意識。以下係段落小結嘅作答框架:

  • 提示字眼:因此、總括而言 Thus, in conclusion
  • 重申論點:以一句概括全文嘅論點,以做到通識高分框架
DSE-LS-Liberal-Studies-Notes-通識溫習筆記-考試技巧-答題技巧-題型框架
通識溫習筆記:通識答題技巧

同學有興趣學更多嘅通識考試技巧的話,可以參考小編嘅文章:

[DSE通識] 5個高分答題技巧 | hkdsegayau

通識高分示例 (level 5 – level 5**)

2016 DSE LS Past Paper 題目:HIV 是⼀一個全球問題。就所提拱的資料,指出及解釋應付這全球問題的兩兩項困難。(7 分)

Level 5 – level 5** 答案示例:首先,應付HIV這全球問題的一個困難是大眾對這病毒的缺乏理理解。根據資料B,超過一半(54.3%)的HIV病人不知道自⼰為病毒攜帶者,資料A亦顯示成⼈識字率越低,HIV病人越多。這些都反映了全球市⺠民未必對HIV或其他病毒,如AIDS有深入或是基本認識。這個問題在非洲等地區尤其嚴重,例例如當HIV病⼈不知道自⼰有些病時可能會在没有安全套的情況下進⾏性行為、可能會與他⼈共用針筒、甚至是捐⾎予他人。由於HIV病毒能以多種方法快速傳播,教育大眾有關HIV的知識卻是⼀個更更慢、更長的過程,所以教育速度很⼤機會比HIV傳播的速度慢。因此,對HIV的缺乏認識可能令人們對此病毒失去控制,令其快速傳播,是應付這全球問題的困難。

DSE-LS-Liberal-Studies-Notes-level-5-sample-通識溫習筆記-考試技巧-答題技巧-題型框架
通識溫習筆記(附2016 DSE LS Level 5** Sample)

以上內容節錄自小編嘅通識5**考試技巧筆記,同學可以經以下連結參考筆記詳細內容:

DSE 通識溫習筆記

常犯錯誤:以上係一個適用於大部分通識題型嘅作答格式,當然同學作答通識卷一、卷二嘅不同題型,都應該因應每種題型對呢個答題框架作出調整,而非將通識答題框架硬套落每一種題型。

而小編嘅通識溫習筆記正正收錄咗11種通識題型嘅作答格式,包括:

  • 數據題(數據描述/分析)
  • 漫畫詮譯題
  • 原因題、因素題
  • 影響題
  • 困難題、挑戰題
  • 建議題
  • 評估題
  • 比較題

… 當然通識考試技巧唔止咁少,同學可以參考小編嘅通識5**考試技巧筆記學到更多嘅通識答題技巧。

而中五要擬訂IES題目嘅同學可以參考小編嘅文章:[IES滿分心得] 有助你突圍而出的IES題目建議

好的IES題目+IES題目推介

訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[DSE通識] 5個高分答題技巧

小編 hkdsegayau 有冇適合中四、中五、中六 DSE 通識嘅高分答題技巧 / LS skills / 答題框架推介?點解同學考通識科,寫咗好多字都唔高分?同學睇睇呢篇文章就會知。

同學補習嗰陣(例如係通識補習老師 Costa Chan, Guy Leung, Henry sir, Hong sir, Oscar Ma 等等)可能都會學過一啲通識 Liberal Studies LS 嘅考試技巧。

而小編 hkdsegayau 根據自己中四、中五、中六呢三年高中嘅經驗,加上 2016 DSE LS 5** 嘅讀書心得,再參考 DSE LS past paper 嘅 HKEAA marking scheme, 為同學綜合咗考評局 HKEAA希望同學喺通識科做到嘅5個高分答題技巧。

以下嘅5個通識考試技巧只係眾多題型格式嘅一部分,同學有興趣學齊各種通識題型框架(例如係原因題、數據題)同埋答題技巧的話,可以參考小編嘅 通識 5** 考試技巧筆記

hkdse dse LS liberal studies 通識溫習筆記 notes
HKDSE 通識溫習筆記

1. 結構嚴密

無論同學抽取 2012 – 2019 年入面,仼何一年 DSE 通識科 past paper 嘅 marking scheme (呢度所指嘅 marking scheme 係考評局 HKEAA 官方發佈嘅 marking scheme) 同學喺通識卷一 Paper 1、卷二 Paper 2 總會見到考評局要求同學「答案結構嚴密」之類嘅字眼

咁考生要如何作答通識題目,先可以符合到「答案結構嚴謹」嘅考評局要求呢?

中四、中五、中六同學上通識大型補習班,補習名師所教嘅通識答題框架,其實就係幫助同學做到「答案結構嚴謹」嘅一個通識高分答題技巧。

而同學所寫嘅通識答題框架入面,通識考試每一段嘅開首要有清晰嘅主題句、結尾有小結,而卷一嘅長題目(通常指8分題)、卷二題目要有簡單、清晰嘅引言、結語係基本。

通識答題技巧一:小結

中四、中五、中六同學要喺 DSE LS 通識科入面獲高分,做到結構嚴密係通識答題技巧嘅基本功。小編喺以上內容已經略略解釋咗呢個答題技巧嘅一啲要點,至於詳細嘅5**作答框架,同學可以參考番小編所寫嘅 通識溫習筆記,裏面收錄咗11種通識必讀題型嘅5**作答框架(附通識5**作答示例)。

DSE LS 通識溫習筆記

2. 概念化

通識科有六個單元 (modules),上百個通識概念 LS key concepts,唔少同學都知道通識考試嘅時候,要將重點概念融入論點。

舉個例,通識單元二 Module 2 今日香港,Hong Kong Today 當中嘅關鍵概念有:生活素質 quality of life, 法治 rule of law 等等,而 LS 單元六 Module 6 能源科技與環境 Energy Technology and Environment 嘅一個重點概念係:可持續發展 sustainable development

同學作答 DSE 通識考試嘅時候,能夠提及呢啲通識概念當然好好。然而,單單係提及通識概念,係唔足夠令同學考取 level 5 或以上嘅高分數嘅。

小編 hkdsegayau 參考咗考評局 HKEAA 嘅level 5 / 高分 sample,對照番自己嘅 5** 論文,發現大部分 LS past paper 高分示例都有一個共通點:表現好嘅考生都會就所引述嘅通識 concept 加以分析。呢個通識答題技巧,亦可以稱為「概念化」

HKDSE DSE LS Liberal Studies 通識答題技巧 考試技巧 高分技巧 可持續發展 sustainable development
HKDSE 通識概念 可持續發展

通識答題技巧二:示例

喺以下嘅內容,小編會以一條模擬通識題目:「香港政府應否發展郊野公園以興建公屋」嚟做例子,示範一下同學可以如何運用「概念化」嘅通識答題技巧,將可持續發展 sustainable development 呢個通識概念發揮得更好。

就以上嘅模擬通識題目,好多中四、中五、中六同學喺通識考試提及環保議題嘅時候,都會識得寫:因為發展郊野公園以興建公屋呢個做法唔符合可持續發展 sustainable development 嘅原則,所以香港政府不應發展郊野公園以興建公屋。

呢種嘅作答方法只係拋書包式拋咗「可持續發展」嘅概念出嚟,同學並冇加以分析、闡述,因此未能做好概念化呢個通識考試技巧,將通識概念融入論點。

hkdse-dse-ls-liberal-studies-通識-答題技巧-skills-可持續發展-sustainable-development-concept
DSE LS Concept 可持續發展 Sustainable Development

要將概念融入分析,同學應該由可持續發展嘅定義著手:「指既能滿⾜當代的需要,⽽同時⼜不損及後代滿⾜其需要的發展模式 。」

用英文讀通識科嘅中四、中五、中六同學可以睇番 sustainable development 嘅 definition: “Development that meets the needs of the present without compromising the ability of future generations to meet their own needs.”

註:以上嘅定義出處嚟自聯合國環境與發展世界委員會於 1987 年發表嘅《我們的共同未來來》World Commission on Environment and Development, published in Our Common Future (1987)。

將可持續發展 sustainable development 應用落發展郊野公園嘅示例,同學係咪應該將呢個概念嘅定義搬字過紙,寫番落通識考試卷呢?

答案並唔係嘅。

hkdse-dse-ls-liberal-studies-通識-答題技巧-skills-可持續發展-sustainable-development
DSE Liberal Studies Concept – Sustainable Development

同學喺通識考試答題嘅時候,並無必要抄錄可持續發展 sustainable development 定義嘅。同學應該做嘅係:針對可持續發展嘅關鍵字眼,即「當代的需要」、「後代的需要」(needs of the present generation and future generation),解釋通識重點概念嘅意思、重點概念同論點有何關係、可以點樣應用嚟支持論點。

舉個例子,同學可以寫以下嘅論據:雖然發展郊野公園有助騰出土地增建公屋,舒緩現代房屋短缺嘅問題,但係長遠嚟講,香港嘅後代將會失去享用部分郊野公園嘅權利。由於呢個做法並唔符合可持續發展嘅原則,所以香港政府唔應該發展郊野公園興建公屋。

同學可能會問:可持續發展 (sustainable development) 嘅定義並唔難搵,但係同學點先知道呢個概念嘅關鍵字眼係咩?

中四、中五、中六同學可以參考小編 hkdsegayau 嘅課程「通識急救班:15個必讀概念精華」,小編會喺兩小時嘅網上課程裏面,逐一講解15個百搭概念嘅重點字眼+通識概念嘅5**作答框架

另外同學亦可以參考小編嘅 通識必讀概念筆記,裏面會有更加詳盡嘅概念同解釋。(同學可以放心,所有付費嘅通識溫習筆記課程內容係唔會重複的。

HKDSE DSE LS Liberal Studies 通識概念 key concept
通識急救班:15個必讀概念精華

3. 時事例子

唔少同學覺得 DSE 通識難捉摸、虛無飄渺嘅其中一個原因,正正就係因為 DSE LS 需要同學運用唔同嘅通識例子。

通識科有足足六個單元,時事新聞每日都有新嘅例子,同學要點做先可以用最少嘅時間,學到最多、最實用嘅通識例子?

有同學可能會堅持每日睇半個鐘至一個鐘嘅新聞報導,亦都有同學堅持睇英文新聞報導,希望邊學通識例子,邊學好英文vocab, 英文 listening(同學想學 DSE 最實用嘅英文生字的話,可以參考小編 hkdsegayau 嘅各款英文筆記,小編收錄咗超過400個考試必用vocab俾同學。)

睇新聞呢個做法並唔係唔好,只不過高中課業繁重,同學未必每日都抽到時間出嚟睇新聞。要喺有限嘅時間下,學到最多、同通識科最有關聯嘅通識例子,小編會建議同學睇以下嘅雞精資源:

通識例子資源一:鏗鏘集

hkdse-dse-ls-liberal-studies-答題技巧-鏗鏘集
HKDSE 通識例子 鏗鏘集

小編觀察過DSE通識歷屆試題,發現唔少 DSE 通識科嘅議題都係鏗鏘集曾經報導過的。呢個現象嘅原因係咩?

第一,可能係考評局 HKEAA 嘅出卷老師諗議題嗰陣,都有參考過坊間唔同嘅資源

第二,鏗鏘集報導嘅議題廣泛,例如係香港現況、政治、社會問題、環保議題、中國現況,甚至國際時事都有,呢啲議題類別同DSE通識嘅六個單元非常類近,就例如係:今日香港 Hong Kong Today、能源科技與環境 Energy Technology and Environment、現代中國 Modern China、全球化 Globalization 等等嘅單元。

小編鼓勵同學多睇吓鏗鏘集嘅節目,並唔係想同學貼題,而係希望同學多啲了解節目製作人從多個時事議題入面,精挑細選出嚟嘅通識議題、例子。同學可以多啲留意吓鏗鏘集入面訪問嘅相關人士,佢哋嘅經歷好可能就係你喺通識考試要寫嘅例子。

小編就係曾經睇過一集鏗鏘集。裏面訪問咗一位傳統手製燈籠嘅人士。小編考 2016 DSE 通識卷二 Paper 2 嗰陣就揀咗香港本地傳統行業嘅題目,之前睇過嘅燈籠例子就大派用場。

通識例子資源二:信報通識

hkdse-dse-ls-liberal-studies-答題技巧-信報通識-例子
HKDSE LS 通識例子 信報通識

信報通識信報旗下嘅通識科資源,同學要睇到信報通識嘅全部內容的話,係要付費嘅。不過小編個人認為信報通識幾值得睇,因為信報通識會係分析一啲熱門議題嘅論點、角度,同學可以對議題有更深入認識,同時學多啲例子。

通識答題技巧三:常犯錯誤

考通識科要加時事例子,呢個通識答題技巧有唔少同學都知道。但係,同學有時寫咗好多同議題相關嘅例子,文章嘅篇幅都寫得好長,但係依然攞唔高分。

點解?好多同學作答通識考試嘅時候,都會犯下同一個錯誤,欠缺解釋。

同學係通識科入面,引述時事例子嗰陣,就好似第二個答題技巧(概念化)一樣,唔只要提及時事例子本身,更加需要係例子之後加一至兩句解釋例子同論點有何關係,能夠如何支持論點,先可以運用呢個通識答題技巧取得高分。

4. 資料運用

通識教育呢一科嘅考試分為兩部份:通識卷一 Paper 1 嘅資料回應題,通識卷二 Paper 2 嘅延伸回應題。就每一種題型,同學都需要用唔同嘅通識答題技巧。

通識答題技巧四:常犯錯誤

同學首先要留意嘅係:「根據資料」同「參考資料」呢兩種提問字眼,對於同學嘅作答要求並唔一樣嘅。

「根據資料」呢種提問方法主要出現喺通識卷一 Paper 1 嘅題目,例如係:

  • 2017 DSE 通識 卷一 第3題(a)(比較香港與新加坡開心程度嘅past paper 題目)
    2017 DSE LS Paper 1 Q3(a) 
  • 2018 DSE 通識 卷一 第1題(a) (境外義工嘅past paper 題目)
    2018 DSE LS Paper 1 Q1(a)

以上嘅通識 Liberal Studies past paper 所用嘅提問字眼都係「根據資料」,而同學應該觀察到呢兩條題目都係數據題,即係需要同學從資料嘅圖表、數據,得出一啲結論加以闡述。

遇到「根據資料」呢種提問方法,同學需要嘅通識作答技巧係:多引述資料。

hkdse-dse-通識-ls-liberal-studies-past-paper-2012
DSE LS Past Paper 2012 – 2018

小編 hkdsegayau 提提你:如果同學未收集 2012 – 2019 DSE 通識 LS Past Paper 的話,可以參考小編嘅文章:CE、AL DSE Past Paper 下載+搜尋教學 | hkdsegayau

CE、AL DSE Past Paper 下載+搜尋教學 | hkdsegayau

同學可能會覺得,引述資料呢一個做法並唔係啲咩高分通識答題技巧。不過小編喺度都想提一提同學,「根據」呢種提問字眼有強制嘅含意,同學作答通識試題時,小編建議同學多引述資料。

同學每次遇到「根據資料」呢種提問字眼,同學考試所寫嘅每一段文字、每一個論點,都要以題目提供資料作為根據,並喺作答嘅時候引述資料支持你嘅論點。

至於第二種通識題型,即係「參考資料」嘅提問字眼,同學需要用嘅答題技巧會同以上嘅答題技巧有少少唔同。

「參考資料」呢一種嘅通識題目字眼多數出現於通識卷二 Paper 2 嘅題目,但當然亦有機會出現係通識卷一 Paper 1 嘅題目。

「參考」嘅通識提問字眼嘅強制程度比「根據」較低,亦即係意味住同學冇必要每段、每個論點都要根據通識題目所提供嘅資料嚟諗論點。

就呢種提問字眼,同學當然亦要多引述資料作佐證,但係同學未每一個論點都需要從資料推論出嚟。

5. 多角度分析

考評局講求同學做到深入分析議題、清晰解釋論點,因此無論同學做嘅係邊一種通識題型,多角度分析都會係一個實用嘅高分答題技巧

HKDSE DSE LS Liberal Studies 通識答題技巧 考試技巧 高分技巧
HKDSE Liberal Studies 通識答題技巧

舉個例子,同學運用可持續發展 sustainable development 呢個通識概念,一般嘅考生都會識得提及呢個概念,並將概念同環保議題扯上關係。然而,高分嘅考生應該將呢個通識概念分拆為三個層面:

  1. 環境層面 environmental dimension
  2. 社會層面 social dimension
  3. 經濟層⾯ economic dimension

由於可持續發展 sustainable development 本身就係涉及唔同層面嘅概念,同學喺通識考試提到呢個通識概念嘅時候,將概念分唔同角度嚟分析會係基本答題技巧,幫同學穩奪高分。

除咗可持續發展 sustainable development之外,仲有唔少常用嘅通識概念都需要同學劃分角度嚟分析,例如:

  • 自尊心 self-esteem
  • 生活素質 quality of life
hkdse-dse-ls-liberal-studies-通識溫習筆記-notes-通識概念-concept
通識概念 通識溫習筆記

以上呢兩個係眾多通識概念裏面,最核心嘅概念之一。同學應該都識得概念嘅定義、解釋,又或者係考試都會用過呢啲通識概念。不過,並唔係每位同學都知道要從多角度分析。如果冇做到多角度分析的話,就寫咗個概念都等於白寫,因為marker知道同學連個概念最基本嘅分析角度都未別分得清。

除咗將通識概念分拆為唔同角度之外,同學亦可以將論點分為唔同角度分析。例如:將經濟分為微觀、宏觀角度,將影響分為正面、負面等等。同學想睇更多考試必用角度的話,可以參考小編嘅通識5**考試技巧筆記通識必讀概念筆記

以上5個 DSE 通識高分答題技巧只係小編 hkdsegayau 所有考試技巧嘅一部分,有興趣學更多通識高分技巧嘅同學可以參考小編嘅通識溫習筆記及課程

延伸閱讀:做緊 IES 嘅中五同學可以參考小編嘅 IES topic suggestion — 7個好的IES題目推介 | hkdsegayau

DSE IES topic suggestion

訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE、CE、AL Past Paper 搜尋教學

小編喺 hkdsegayau 成日都收到同學嘅dm問:邊度先可以搵到 CE、AL、DSE Past Paper by topic / by year 嘅卷?根據小編咁多年嘅經驗,坊間幾乎係冇一個source有齊以上嘅資源嘅。但係要同學周圍搵 Past Paper 又的確好花時間,所以小編幫同學搜尋咗網上各個 CE、AL、DSE Past Paper 嘅資源庫,綜合咗喺呢個網站俾大家參考。

網上嘅 CE、AL、DSE Past Paper 資源唔夠齊全?碌落去睇曬全文,小編仲有教大家喺邊度可以買或者 download 到最新、最齊全嘅 Past Paper!

hkdse-dse-ce-past-paper-download
CE、AL DSE Past Paper 下載+搜尋教學 | hkdsegayau

3. 香港公共圖書館

好多同學都唔知道,其實香港嘅公共圖書館係有 by year CE Past Paper 架!

香港有咁多間公共圖書館,未必每一間圖書館都有同學想要科目嘅 Past Paper。小編建議同學去圖書館搵 by year CE Past Paper 之前上香港公共圖書館嘅網站,去「探索館藏資源」之後 click 「圖書館目錄」,搜尋「香港中學會考試題」。

(想搵英文版 CE Past Paper 嘅同學可以搜尋 “Hong Kong Certificate of Education Examination Question Papers”)

同學所搵到嘅 Past Paper 書名應該係:「香港中學會考試題:數學」、「香港中學會考試題 : 經濟」之類嘅形式,出版者會係「香港考試局」。

(英文版書名會係:”Hong Kong Certificate of Education Examination Question Papers: Mathematics”、”Hong Kong Certificate of Education Examination Question Papers: Economics”,出版者會係 “Hong Kong Examinations Authority”)

同學可以確認同學想去嘅圖書館有你想要嘅科目嘅 CE Past Paper,之後先去圖書館搵書。

提提你,圖書館嘅 CE Past Paper 有部分可以外借,但係有啲係放喺參考圖書館,又或者係要向館內職員查詢先會有。同學有仼何唔清楚嘅地方,可以問一問圖書館嘅職員!

2. 考評局書店

最齊全嘅 CE、AL、DSE Past Paper by year 試卷一定會喺考評局 (HKEAA) 度搵到。

小編讀高中嗰陣,因為搵唔齊啲 Past Paper 所以喺考評局書店訂曬各科咁多年嘅 DSE Past Paper。小編個人認為有時候花少少錢,慳番周圍搵試卷嘅時間都係值得嘅~

除咗 Past Paper 之外,其實坊間仲有好多資源值得同學參考。就例如係小編嘅文言文、English Vocabulary Notes, 通識筆記、IES筆記等等:按此了解DSE筆記詳情。

3. 小卒論壇

相信同學喺 Google 搜尋 “CE Past Paper”、“DSE Past Paper” 等關鍵字眼嗰陣都會見過小卒論壇呢個名,click 入條去之後又發現要留言先可以下載到啲資源,而要留言之前又要註冊咗做會員先。

小編曾經都怕麻煩所以就冇註冊到做會員,但係後來註冊咗之後,覺得入面嘅資源真係好好用。因此小編會建議同學花少少時間,去小卒論壇免費註冊做會員,之後就可以無限享有裏面嘅學習資源架啦!學習資源包括:

  • CE、AL、DSE Past Paper 下載
  • DSE 補習資源討論及分享
  • DSE 學習資源分享
  • 初中、高中學習討論區

以上 DSE00 同 DSEPP 兩個網站嘅資源會比較適合高中準備考 DSE 嘅同學,而小卒論壇就係初中、高中嘅同學都會用得著嘅。初中嘅同學不妨未雨綢繆,睇多啲 DSE 學習資源先!

小編 hkdsegayau 亦有寫關於 DSE Study Leave 時間分配嘅文章:2020 DSE Timetable + Study Leave 備試時間安排


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE ECON 溫習方法

Econ Past Paper人人都操,係咪操得多卷就好?Econ 呢一科嘅卷要點先操得有價值呢?🤔

小編有個準備升中六既私補經濟科學生,未補我之前已經非常勤力,經濟科past paper by topic 每個 topic 都做20-30年pastpaper (大概係由 1990年 CE past paper開始做,做到 2012年 DSE past paper都繼續做緊) 不過做完進步唔明顯。究竟問題出係邊?

相反,小編個時只係做左 10-12 年嘅 econ pp (大概由 2000年開始操) 考大型補習社mock已經 level 5,究竟操溫習econ、操pp嘅成功關鍵係咩?

DSE Econ 經濟 Past Paper 2019 操卷攻略
DSE 溫econ方法 助你以半年時間保5衝星

其實操經濟科 econ past paper操得有冇效、操完有冇進步既關鍵在於有冇認真對待份past paper,有冇消化過 份卷考既概念。上述個位學生做嘅 econ 卷的確做好多,不過我第一堂睇下佢份卷手稿,發現佢 MC 對完答案就算,冇認真睇下自己錯咩。LQ 見到自己同 marking scheme 差唔多比個tick就算,唔同就打個X。坦白講,甘樣做 econ 卷再做10次都係徒勞無功。依加就同大家講下當時小編點樣做 econ 卷,可以係短時間攞到5。

Step 1: 做 econ past paper

做 econ 卷既第一步當然就係做 past paper (sorry for 廢話)。當然都有野補充啦,初期做 CE 卷,對 DSE econ syllabus 同 econ d concepts 唔係太熟既話,我極度建議做一題對一題。Econ PP MC 做完一題即刻對答案,LQ 每題分題做完即刻對。我知甘樣做好似有d浪費時間,但係我覺得甘樣印象深刻好多,可以即刻知自己錯左d咩。特別係做by topic卷既時候,d題目會翻炒。如果你concept錯又冇對答案既話,就可能由第1題錯到最尾個題,去到最後對答案先知自己錯哂。

Step 2: DSE Econ MC技巧 — 仔細研究答案

坦白講,我覺得呢一步比起做卷個步更更更為重要。Econ Past Paper MC既話請每一題都仔細研究每一個options,要知道點解個個option係答案,都一定要知道其他3個options點解唔係答案,而唔係蒙混過關。無論係問題本身定options有唔明既concepts請立即搞清楚。個時我會睇書、上網搵source。個時甘做concepts好快清就哂,最後所有題目都會識哂。

Econ LQ既話請仔細對比自己答案同 HKEAA marking scheme有咩唔同,答漏左既地方好可能就係你唔識既concepts,又或者係你答題上有不足。當你明左 marking 之後,最好就重新試下自己再做一次推論,睇下自己可唔可以做返一個同佢一樣既答案。(記住係推論返出黎,唔係背)

Step3: Mark問題

呢一步都好重要。你唔明白既concepts、做錯既問題、答漏既point好可能係考試會出現。一定要將呢d問題同point mark返落張紙或者簿到。每次溫econ個時都花d時間睇下。睇多幾次你發現自己開始唔會再錯,甚至自己develop到一d技巧去應付條問題,或者係上 DSE econ sharing 嘅 YouTube channel 學唔同嘅 econ 考試技巧。

Step 4: 重做 econ 卷

你可能心諗: 咪做過一次囉,又做?冇錯,個一年嘅pp係做過一次,不過大部人再做多次都唔會岩哂。一日全份卷未岩曬,未熟到一睇d問題就知佢問咩既話,你都要繼續做。

操好多 econ past paper係有用,不過操卷操得有質量更加重要!關於讀econ既心得仲有好多!今日就講到呢到先!大家加油 🙂

以上內容由 @fasten_economics 分享,同學不妨睇睇佢哋ig! 原文可見 Instagram:

View this post on Instagram

. 卷人人都操,Past paper基本上人人都做,係咪操得多就好?點先操得有價值呢?🤔 . 小編有個準備升中六既私補學生,未補我之前已經非常勤力,每個topic都做20-30年past paper,不過做完進步唔明顯。究竟問題出係邊?🙁相反,小編個時只係做左10-12年past paper,考大型補習社mock已經5**,究竟成功關鍵係咩?🙌🏻 . 其實操past paper操得有冇效、操完有冇進步既關鍵在於有冇認真對待份past paper,有冇消化過past paper考既概念。上述個位學生past paper的確做好多,不過我第一堂睇下佢past paper手稿,發現佢MC對完答案就算,冇認真睇下自己錯咩。LQ見到自己同marking差唔多比個tick就算,唔同就打個X。🤒坦白講,甘樣做past paper再做10次都係徒勞無功。依加就同大家講下當時小編點樣做past paper,可以係短時間攞到5**。 . Step1: 做past paper 做past paper既第一步當然就係past paper😂(sorry for 廢話)。當然都有野補充啦,初期做past paper,對synallbus同econ d concepts唔係太熟既話,我極度建議做一題對一題。MC做完一題即刻對答案,LQ每題分題做完即刻對。我知甘樣做好似有d浪費時間,但係我覺得甘樣印象深刻好多,可以即刻知自己錯左d咩。特別係做by topic pp既時候,d題目會翻炒。如果你concept錯又冇對答案既話,就可能由第1題錯到最尾個題,去到最後對答案先知自己錯哂。 Step2: 仔細研究答案 坦白講,我覺得呢一步比起做past paper個步更更更為重要。MC既話請*每一題*都仔細研究每一個options,要知道點解個個option係答案,都一定要知道其他3個options點解唔係答案,而唔係蒙混過關。無論係問題本身定options有唔明既concepts請立即搞清楚。個時我會睇書、上網搵source。個時甘做concepts好快清就哂,最後所有題目都會識哂。 LQ既話請仔細對比自己答案同marking scheme有咩唔同,答漏左既地方好可能就係你唔識既concepts,又或者係你答題上有不足。當你明左marking之後,最好就重新試下自己再做一次推論,睇下自己可唔可以做返一個同佢一樣既答案。(記住係推論返出黎,唔係背) Step3: mark問題 呢一步都好重要。你唔明白既concepts、做錯既問題、答漏既point好可能係考試會出現。一定要將呢d問題同point mark返落張紙或者簿到。每次溫econ個時都花d時間睇下。睇多幾次你發現自己開始唔會再錯,甚至自己develop到一d skills去應付條問題。 Step4: 重做past paper 你可能心諗: 咪做過一次囉,又做?冇錯,個一年pp係做過一次,不過大部人再做多次都唔會岩哂。一日全份pp未岩曬,未熟到一睇d問題就知佢問咩既話,你都要繼續做。 操好多past paper係有用,不過操卷操得有質量更加重要!關於讀econ既心得仲有好多!今日就講到呢到先!大家加油😉 小編簡介💁🏻‍♂️ -新修dse經濟半年5** -大型補習社全港經濟模擬試5** -中大商學院 #2019dse#2020dse#2021dse#2022dse#cliffyeung#dseecon#補習#dsenotes#yylam#經濟科#經濟補習#dseeconotes#andrewlo#dickhui#yylam#pchan#cuhk#hku#jupas#polyu#beacon#補習#studygram#dsenotes

A post shared by 🌟自修經濟半年5** |DSE經濟平台📔 (@fasten_economics) on


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 13,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


中學生閱讀計劃

致想改善英文能力、卻又無興趣看書的你:

hkdsegayau 的中學生閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。