DSE精讀筆記
中文筆記：文言文、百搭例子筆記
英文筆記：English Vocab List, Grammar Notes
通識筆記：必讀答題框架、百搭論點、重點概念、IES滿分Sample、IES筆記
小編自製嘅DSE雞精筆記，比起磚頭咁厚嘅參考書更易上手、更快見效 — 點解唔俾個機會自己？
DSE讀書心得分享
小編都考過DSE，小編好明白中四、中五、中六嘅你面對海量工作量嗰種無助與迷茫…
DSE讀書時間貴精不貴量，小編參考自己嘅經歷，分享讀中學時所用嘅高效讀書方法，應該可以幫你搵到讀書嘅方向。
DSE+CE+AL Past Paper 下載
「小編，我想問 DSE、CE、AL Past Paper By Topic、By Year 邊度有得免費下載PDF版本？」
當其他同學仲嘥時間四周圍搵 Past Paper 嘅時候，你可以直接 download 小編幫你整合嘅試卷嚟溫習、操卷。
DSE Cut-Off 分數
「小編，我想問某某科攞呢個分數會係level幾？」
小編整合咗各科嘅 2012-2019 DSE Cut-Off 分數，同學做完 DSE 試卷可以參考番以下嘅 DSE Cut Off Score，根據分數估計自己 DSE 成績嘅 level。
DSE讀書心得分享 | 香港中學文憑試加油站
- 關於小編：2016 DSE 7科44分 | 香港大學法律系 (BBA(Law)&LLB Year 4)
- 合作/投稿/查詢：WhatsApp 65470997 或電郵至 hkdsegayau@gmail.com
- DSE 精讀筆記：小編自製嘅DSE雞精筆記，比起磚頭咁厚嘅參考書更易上手、更快見效 — 點解唔俾個機會自己？
關於 hkdsegayau
hkdsegayau係咩嚟？
hkdsegayau 係一個 DSE 讀書心得分享平台。小編自 2017 年起，喺 Instagram, YouTube, Facebook 等等嘅社交平台，同 2018、2019、2020 DSE 考生分享一啲同讀書考試有關嘅 DSE tips，分享一啲 DSE 資源。
hkdsegayau呢個名點嚟？
小編自己嘅 (前) 補習老師、恩師曾經問過小編：hkdsegayau呢串英文字點解？
HKDSE 即香港中學文憑試。呢場殘酷嘅公開試，係全香港數以萬計嘅中四、中五、中六學生每日努力讀書、補習、操卷嘅動力，係中學生周圍搵 DSE 資源、搵參考書、搵補習嘅原因，係高中同學經 JUPAS 考入 A1 讀大學嘅入場劵。
GAYAU 即廣東話嘅「加油」。唔太熟悉 Chinglish 嘅一代，未必會理解 GAYAU 嘅意思。不過，讀緊中學嘅你，應該對 gayau 作為「加油」嘅用法唔會感到陌生。中五 CE 會考、中七 AL 高考係上一代面對嘅公開試；幾十年後，香港中學文憑試會成為我哋呢一代嘅集體回憶。
HKDSEGAYAU 即 HKDSE 加油 (HK DSE Gayau)。
點解小編會創辦 hkdsegayau 呢個讀書心得分享平台？
小編自己都曾經考過 DSE，由中四唔想讀書、唔去搵 DSE 資源溫習，渾渾噩噩過日子；讀到中五發現時間唔夠用、每日不斷掙扎緊平衡讀書、補習、SBA、睡眠、課外活動嘅無助感；中六嗰年發現溫唔切書、JUPAS 選科唔知揀咩好等等嘅迷茫，小編同你一樣，都一一經歷過。
當時仲係中學生嘅小編，好想好想有 DSE 過來人可以分享一啲 DSE 讀書心得、分享一啲免費 DSE 資源，打救處於水深火熱嘅小編。
但係當時未有。
小編中學畢業之後，回顧自己作為中學生為 HK DSE 奮鬥嘅日子 — 好熱血。好青春。但係好好好辛苦。所以，小編開始喺 Instagram 度寫一啲 DSE 讀書心得、中學生溫習方法、讀law心得 (更確切嚟講應該係小編讀law嘅生活分享)，同埋俾一啲免費 DSE 資源一班讀緊高中嘅中四、中五、中六學生。
小編亦都編寫咗一啲 DSE 精讀筆記、免費 DSE 資源，希望可以幫到 DSErs 尋找讀書動力、搵到更高效率嘅溫習方法，作為香港中學生嘅加油打氣站。
小編繼續run呢個ig嘅動力？
2017 年嘅時候，Instagram (簡稱 ig) 平台仲未有咁多讀書心得分享嘅帳戶。嚟到 2020 年嘅今日，ig 上面多咗好多好多嘅 DSE tips sharing、免費 DSE 資源包括小編 hkdsegayau 呢個香港中學文憑試打氣站。
一路以嚟，小編不斷搵緊中四、中五、中六同學學習上遇到嘅疑難同問題，然後寫 ig post、寫讀書心得分享嘅 blog、寫筆記解答番同學嘅問題。
曾經有同學問小編：「小編，其實有啲咩驅使你一直將呢個ig run落去？」
小編答：「你哋就係我嘅動力 🙂 」
每次小編做嘢做到頹頹哋，想放棄 hkdsegayau 嘅時候，總會收到同學嘅鼓勵：
「小編勁好勁好❤️ 小編要繼續加油 希望你既平台可以inspire 到更多dse考生😉」
「小編姐姐做D notes非常高質，甚至仲好過名師嗰D notes」
「冇咗小編啲notes我覺得我exam會fail😂 ga yau!!!!」
所以話，你哋就係我繼續出post寫筆記嘅動力 🙂
小編 hkdsegayau 的奮鬥故事
好多同學會問：「小編，我冇動力溫書點算好？」或者係「小編，我想問吓你中學嗰陣係唔係 DSE 之前一早溫好曬書嘅學霸？」
好坦白講，中學時期嘅小編同你一樣，只係一個普普通通嘅中學生。
小編並唔係中學學霸、唔係 DSE 7科/8科 5** 嘅狀元。小編冇一個由 DSE 0分奮鬥到 best five 35 分滿分做狀元嘅故事，不過，小編有一個谷底反彈嘅故事同你哋分享。
小編中四、中五嘅時候，唔想讀書，亦都冇動力讀書，通識科嘅校內試更加試過攞零分嘅成績。小編升上中六，考mock嗰陣文言文仲未睇得明十隻字。
中六嘅校內模擬試過後，已經係二月 study leave 嘅時間。小編發現 DSE 就快殺到，拖咗兩年高中已經冇得再拖。於是，小編開始努力讀書做練習操past paper。
短短兩個半月時間內，小編嘅 best 7成績就升咗足足5分 。
小編 hkdsegayau 的話
2020年嘅今日，你睇完小編谷底反彈嘅故事後會發現，無論你讀緊中四、中五定中六，而家開始發奮讀書都唔算遲。
小編之所以可以喺短時間內谷底反彈，靠嘅係一系列嘅應試技巧、有效嘅中學生讀書方法。
好多同學覺得中文、英文、通識科課程無得溫、考試寫好多嘢都唔高分，原因係同學未掌握各科嘅竅門。
小編將課程內容抽絲剝繭，濃縮編寫為一系列嘅讀書心得分享、免費 DSE 學習資源、DSE 精讀筆記由淺入深將應試技巧一一傳授俾你哋。
當你冇動力讀書嘅時候，睇吓小編 hkdsegayau 寫嘅文章、睇吓小編為你準備嘅 DSE 筆記、諗吓你仲有小編 hkdsegayau 一直支持你，為你打氣。
DSE gayau! 🙂