DSE Cut Off 分數 (全部科目 2012-2019)

「小編,我想問某某科攞呢個分數會係level幾?」

小編整合咗各科嘅 2012-2019 DSE Cut Off 分數,同學做完 DSE 試卷可以參考番以下嘅 Cut Off Score,根據分數估計自己 DSE 成績嘅 level。

呢一頁嘅內容包括:

DSE Cut-Off 分數 (不斷更新中)

DSE Cut-Off Score 分數分析

1. DSE 中文 Chinese Cut-Off 分數分析

目標 level 5、5*、5** 嘅同學:

要喺中文科攞到5級或以上嘅成績,所需嘅分數百分比 (相比起其他科) 並唔算太高。喺 2012 – 2015 年嘅考試入面,同學需要大約 57% – 59% 嘅分數就可以獲得5級或以上。

值得留意嘅係,由 2016 年起,獲取5級成績嘅分數 Cut Off 已經持續維持喺 60% 或以上。

可見 DSE 嘅考生已經開始熟悉中文科嘅考試模式,加上 2018 年開始加入範文,令考生比起之前更容易取得高嘅分數,令 Cut Off 嘅分數都有所增加。

2020或之後嘅 DSE 考生應該喺考試入面盡量爭取高嘅分數,避免失分。

目標 level 3 – 4 嘅同學:

同5級至5**嘅趨勢一樣,獲取3級分數嘅 Cut Off 喺近年係有所上升嘅。

喺 2012 – 2016 嘅考試,同學要獲取3級或以上嘅成績的話,需要大約48%或以上嘅分數,但係自 2017 年起,所需嘅分數會係53%或以上。

2. DSE English 英文 Cut-Off Score 分析

目標 level 5、5*、5** 嘅同學:

同中文科相反,英文科喺5級至5**嘅 Cut Off 冇明顯嘅上升趨勢。

英文科5級成績嘅 Cut Off 分數喺 2012 – 2014, 同埋 2017 – 2018 年嘅分數百分比都徘徊喺大概75%,而 2015 – 2016 嘅5級 Cut Off 分數就低少少,大概係72% – 73%。可見 2015 – 2016 嘅試題比較具挑戰性,同學做呢兩年嘅卷嗰陣分數較低都唔需要氣餒。

要喺 DSE 英文科入面考取理想嘅成績,學好英文生字對於卷一、三、四都十分重要嘅。同學可以參考吓小編嘅英文vocab筆記,想學多啲閱讀卷常見、作文必用嘅生字、同義詞。

目標 level 3 – 4 嘅同學:

英文科3級成績嘅 Cut Off 分數普遍穩定,大部分年份嘅分數係48%-52%左右。

而喺 2016 年入面,3級成績嘅 Cut Off 分數突然上升到 55%,可見雖然該年嘅高階題目難度高咗,較為淺易嘅題目反而容易咗,令3級成績嘅 Cut Off 分數百分比都有所上升。

同學作答嘅準成度要比其他年份更高,先可以獲得3級成績。

3. DSE Maths 數學 Cut-Off Score 分析

目標 level 5、5*、5** 嘅同學:

喺數學科考取5級嘅 Cut Off 分數喺七年嘅數據入面大致平穩,分數大概係78%-79%。

但係 2013 同 2018 年嘅5級 Cut Off 比起其他年份相對較低,同學做呢兩年嘅 Past Paper 嗰陣,失多一兩分都有機會達到5級成績嘅要求。

當然,要穩坐5級成績的話,建議同學保持番至少80%嘅分數會比較好。

目標 level 3 – 4 嘅同學:

2012 年獲3級成績嘅 Cut Off 分數係58%,相對其他年份高出頗多,但係由於 2012 年收集到嘅分數數據較少,所以該年嘅分數 Cut Off 未必可以作準。

睇番 2013 年或之後嘅年份,可見 2013 – 2016 年嘅 3級成績 Cut Off 分數普遍係48% – 52%,而呢個3級成績 Cut Off 分數喺 2017 – 2018 年有上升嘅趨勢。

估計同學喺之後嘅考試年份,有機會要考到 54% – 55% 或以上嘅分數先可以獲得3級成績。

4. DSE LS 通識 Cut-Off 分數分析

目標 level 5、5*、5** 嘅同學:

通識科同中文科有少少類似,就係部分試卷冇一份非常確實嘅 marking scheme, 同學有時會因此而感到徬徨,唔知道考試要答咩關鍵字眼先會得分。

正正因為咁,通識科嘅5級 Cut Off 分數唔會太高,同學大概需要獲得試卷65%嘅分數就可以獲得5級或以上嘅成績。

值得一提嘅係, 2012 – 2016 嘅5級 Cut Off 分數主要係62%-63%,而去到 2017 – 2018 年,5級 Cut Off 分數已經升到 60%。

可見 DSE 嘅考生有咗多年嘅 DSE Past Paper 去操練,加上坊間嘅通識學習資源越嚟越多,考生已經開始掌握呢科嘅考試技巧。

同學都應該加緊操練,熟習考試題型同應試技巧,先可以喺呢科度考取較理想嘅成績。

再者,據小編嘅觀察,大部分考得好嘅考生都喺 IES 獲得不俗嘅分數,所以目標較高嘅同學做 IES 嘅時候應該多加注意,盡量爭取最高嘅分數,而小編嘅 IES 精讀筆記 就為大家綜合嘅小編份滿分 IES 嘅高分技巧、常犯錯誤同埋作答框架。

另外,未開始做 IES 嘅同學都可以睇睇小編精選嘅 IES 題目建議,或者係小編嘅滿分 IES Sample 作為參考。

目標 level 3 – 4 嘅同學:

通識科3級成績嘅 Cut Off 分數冇明顯趨勢,但係 2012 – 2018 年嘅分數百分比大概係43%-48%。

同學想穩陣啲,確保自己會有3級成績嘅話,就可以俾個目標自己,通識考試嘅每一題都要擺到起碼50%嘅分數,咁嘅話要喺通識科獲3級成績就應該唔難。

好多同學都表示通識科唔知要寫啲咩字眼先會有分、有時考試寫咗好多嘢都係好低分、見到啲考試題目又唔諗唔到 point 等等.

所以小編自己歸納咗一套通識考試技巧,編寫咗一份通識5**考試技巧筆記,入面會仔細教同學如何做好考試時間管理、考試高分秘訣、考生常犯失分錯誤等等,有興趣嘅同學可以睇睇筆記嘅免費sample。:)

DSE Cut-Off 分數注意事項

  • 如果你用緊手機嘅話,將手機打橫睇會更清楚睇到所有 Cut Off 分數。
  • Cut Off 百分比:例如 2019 DSE 中文閱讀嘅 5** Cut Off 係 67%,代表同學攞到呢份卷嘅 67% 或以上分數就會攞到 5**。
  • Cut Off 分數:2019 DSE 數學 5** 嘅 Cut Off 係 170/188,代表呢科嘅總分係 180分,同學攞到 170或以上分數就會攞到 5**。
  • N/A: 代表嗰一科嘅成績未有足夠數據顯示 Cut Off 分數。
  • 小編嘅 DSE Cut Off 分數整合嚟自網上唔同資源,包括小卒、DSE00 等等,數據只作參考用途,未必能夠完全作準。如果你發現小編有打錯、打漏嘅話可以碌到落底,留言話俾小編知呀!

訂閱免費DSE資源

想下載免費DSE資源、2020年嘅高中讀書時間表、各科補習推介
唔想錯過實用資訊嘅你可以填妥訂閱表格,小編會定期將DSE讀書策略、免費學習資源分享俾你。

關於hkdsegayau

  • 關於小編:2016 DSE 7科44分 | 香港大學法律系 (Year 4)
  • 合作/投稿/查詢:WhatsApp 65470997 或電郵至 hkdsegayau@gmail.com
  • DSE 精讀筆記:小編自製嘅DSE雞精筆記,比起磚頭咁厚嘅參考書更易上手、更快見效 — 點解唔俾個機會自己?