[溫書好地方] 適合DSE同學讀書的Cafe推介

平時search「香港好去處」、「銅鑼灣好去處」呢啲地方就search得多,但係「溫書好去處」呢?其實香港適合學生或者係 DSE 同學溫書嘅地方就唔多。圖書館、自修室呢啲熱門溫書地方又悶,坐得耐會䀫眼瞓(不過圖書館好在可以免費借到 DSE Past Paper, 同學可以睇睇小編嘅文章:CE、AL、DSE Past Paper 終極搜尋教學 教你邊度搵最齊全嘅 Past Paper 🙂 周圍環境太靜,想同朋友得閒傾兩句,做吓學術討論又怕嘈親人;溫書嗰陣想搵啲嘢食下,但係喺餐廳坐好快俾人趕走,同埋周圍食嘢都好貴… 有冇好嘅 Cafe 推介俾考 DSE 嘅同學溫書

小編自己都遇到同樣嘅問題,想搵適合嘅溫書地方 (尤其係 Cafe),所以走遍港九新界,搜羅咗全香港適合 DSE 同學溫書嘅地方,喺度逐一介紹俾大家,為同學準備 DSE 嗰陣提供一啲舒適、價錢實惠,適合準備考 DSE 同學溫書嘅 Cafe 推介

1. No Boundary Cafe — 銅鑼灣溫書好去處

小編上網嘗試搵過適合溫書嘅 Cafe,但係呢啲地方一係就太過貴,一係就位於啲遠離市區嘅地方,一啲都唔就腳。最近,小編同朋友想搵個地方靜靜哋做吓嘢,想食西餐但係又唔想太貴,咁啱經過呢間位於銅鑼灣希雲街嘅小店,見到 all-day breakfast 都係 $68 起,所以就入咗去試吓。

Cafe for HKDSE students - No Boundary Cafe Causeway Bay 
No Boundary Cafe — 銅鑼灣溫書好去處
DSE 學生溫書聖地: 銅鑼灣 No Boundary Cafe (圖片來源:OpenRice)

呢間 cafe 叫做 No Boundary,店舖範圍唔大,但係勝在夠舒服,人流唔算多,相信坐耐少少都唔會俾人趕走,同學可以留耐少少喺度讀書。

DSE 學生溫書地方推介: 銅鑼灣 No Boundary Cafe
DSE 學生溫書地方推介: 銅鑼灣 No Boundary Cafe (圖片來源:OpenRice)

Cafe嘅裝修簡潔,如果坐梳化位嘅話就更加舒服,坐耐啲喺度溫書、做嘢都幾舒服。

小編讀中學嗰陣都冇乜零用錢,所以都會想搵返啲學生價嘅餐廳食嘢。而家中學畢咗業,小編賣 DSE 精讀筆記 (中文、英文、通識科) 嗰陣都會向有經濟困難嘅同學提供半價優惠,希望可以減輕同學嘅負擔,而小編呢度介紹嘅 No Boundary Cafe 雖然位於銅鑼灣,但係佢都係一間比較平民價嘅 Cafe,準備考 DSE 嘅高中同學都會負擔得起。

DSE 學生溫書地方推薦: 銅鑼灣 No Boundary Cafe All-day Breakfast
銅鑼灣 No Boundary Cafe: All-day breakfast (圖片來源:OpenRice)

一般西餐廳嘅 all-day breakfast 都會買超過$100 ,而呢度嘅 all-day breakfast 只係賣$68 ,而小編最近經過呢間 cafe 見到佢最近推出左早餐、下午茶都只係$48起,小編親身試過,真係價廉物美。如果同學嚟到港島區,想搵個地方坐下、食下野,順便溫書嘅話,No Boundary Cafe會係一個唔錯嘅選擇。

更重要嘅係… No Boundary Cafe 距離中央圖書館只係5分鐘嘅路程,同學想去中央圖書館借 DSE Past Paper 嘅話,只需要行5分鐘就會去到,真係超方便!P.S. 同學唔太清楚邊度搵 Past Paper 的話,可以睇睇小編嘅文章:CE、AL、DSE Past Paper 終極搜尋教學

Cafe 地址:銅鑼灣希雲街9號地下

2. Whitewood Coffee — 沙田讀書 Cafe

如果同學係住沙田嗰邊嘅話,小編會推介 Whitewood Coffee 呢一間 Cafe,呢度會提供一個舒適嘅環境,比同學專心去溫書,準備考 DSE。

DSE 學生讀書 Cafe 推介: 沙田  Whitewood Coffee
DSE 學生讀書 Cafe 推介: 沙田 Whitewood Coffee (圖片來源:OpenRice)

Whitewood Coffee 位置係一個商場入面唔起眼嘅角落,店舖嘅範圍同樣唔大,小編目測呢間 Cafe 大概可以坐到20個人左右。雖然呢間 Cafe 嘅座位唔多,好快就滿座,但係 Cafe 入面嘅職員都好好人,唔會將客人趕走。

小編同朋友就試過喺呢一間 Cafe 入面溫書,點咗兩杯飲品就坐左大半日(小編份 DSE 通識5**考試技巧筆記 就係喺呢度出世架啦!) 小編個人幾鍾意呢度嘅環境,但係朋友就覺得周圍有人講緊嘢有少少嘈,但係朋友戴咗耳機聽住音樂溫書其實都可以專心讀書。如果同學習慣溫書聽歌嘅話,相信同學都可以喺度專心溫書,備戰 DSE。

DSE 學生讀書 Cafe 推介: 沙田  Whitewood Coffee 熱朱古力
田 Whitewood Coffee: 熱朱古力

因為小編唔鍾意飲咖啡,所以點左一杯熱朱古力。上面嘅拉花超級可愛,朱古力味道都唔錯,不過小編個人認為甜咗少少。

DSE 學生讀書 Cafe 推介: 沙田  Whitewood Coffee 原味厚鬆餅
田 Whitewood Coffee: 原味厚鬆餅 (圖片來源:OpenRice)

小編上網見到食評話呢間 Cafe 最出名嘅係佢哋嘅厚鬆餅,但係因為小編胃口比較細,去到Cafe 只係想搵個位飲杯嘢,做吓嘢(就好似未考 DSE 嘅同學要溫書咁)所以就冇點到佢哋嘅鬆餅。不過,小編見到網上嘅圖片都幾吸引,同學有機會可以試吓。

Cafe 地址:沙田石門安群街3號京瑞廣場一期2樓207號舖

3. Starbucks Coffee — 銅鑼灣溫書地方推介

因為小編讀嘅中學喺銅鑼灣嗰邊,所以小編會對呢一區比較熟。講到適合 DSE 同學溫書嘅 Cafe,又點少得 Starbucks 呢。

DSE 學生溫書好地方: Starbucks Coffee
DSE 學生溫書好地方: Starbucks Coffee (圖片來源:OpenRice)

銅鑼灣本身嘅 Starbucks 門店唔少,但係位於利園三期嘅 Starbucks Coffee 旗艦店係上年 2018 年先開張嘅。店面全場有 5500 尺咁大,同學唔怕去到溫書嗰陣冇位坐

Starbucks Coffee - DSE 讀書好去處
Starbucks Coffee – DSE 讀書好去處 (圖片來源:OpenRice)

小編平時去 Starbucks 都會見到好多同學補習、溫 DSE,但係細細間嘅 coffee shop 通常都好快 full。呢間旗艦店又大,食物飲品選擇又多,同學買一款飲品都可以坐成日喺度溫 DSE,實在係唔錯嘅溫書地方。即使唔係溫書,同學都可以喺度做吓嘢,小編自己都試過喺度寫 www.hkdsegayau.com 嘅文章,都坐得幾舒服架。

除咗呢篇文章入面嘅讀書 Cafe 推介之外,小編仲留意到 HelloToby 嘅溫書 Cafe 推介,同學都可以參考一下。

小編會不斷更新呢個網站嘅文章,為同學分享更多實用嘅 DSE 讀書心得,例如係:2020 DSE Timetable + Study Leave 備試時間安排[IES滿分心得] 有助你突圍而出的IES題目建議,仲有更多精彩內容等緊你!Click呢度睇所有文章:DSE讀書心得

你可能會有興趣…