發佈日期:

DSE收音機推介+重要注意事項

「小編,我想問有咩 DSE 收音機推介?」

適用於 DSE 考試嘅收音機有好多種,究竟考評局對 DSE 收音機有咩要求?DSE 收音機邊度買?小編有咩 DSE 收音機推薦?

準備考 2020、2021 DSE 嘅同學,無論係 DSE 中文卷三聆聽及綜合,定係英文 English Paper 3 Listening and Integrated Skills 嘅考試,同學同樣需要用一部好用的 DSE 收音機。

呢篇文章嘅內容包括:

小編註:小編嘅 DSE 收音機推介清單純屬個人意見,小編並無同商戶或仼何其他第三方合作做宣傳。

DSE 收音機推介

小編考 DSE 嘅時候,買咗兩部收音機帶入考試場地。

小編會喺文章以下嘅部分,推介幾款適用於 DSE 中文、英文聆聽考試嘅收音機俾 2022 DSE 嘅同學。

1. Sony SRF-S84

值得推介之處:

  • 考試期間,小編覺得部收音機嘅音質還好
  • 接收訊號都唔大問題
  • 收音機容易操作

不過嚟到 2020 年,小編當年用嘅收音機型號已經停產,取而代之嘅係 Sony SRF-S84 嘅收音機,小編推介 2020 DSE、2021 DSE 嘅同學可以試吓用呢款 Sony 收音機嚟考試。

Sony SRF-S84 收音機價格

  • HK$168 (實際價錢因應分銷商而可能略有不同)

2. CORUS DSE-555A

小編考 DSE 之前,買嘅另一部收音機係 Corus 收音機。

DSE 專用收音機?

Corus 收音機被稱為 DSE 專用收音機,或者係 DSE 考試收音機。

雖然 Corus 收音機係專為 DSE 考試而設,不過呢部並唔係唯一一部適用於 DSE 聆聽考試、符合考評局要求嘅收音機。

值得推介之處:

小編考 DSE 期間只係開著咗呢部收音機嚟做後備,所以唔太清楚 Corus 收音機嘅實際訊號、音質效果好唔好。

不過,小編考試之前都有測試、試用過 Corus 收音機,覺得呢部收音機操作都十分簡單。

  • 收音機已經預設有所有 DSE 考試嘅頻率
  • 收音機會自動搜尋訊號最好嘅考試頻道,唔使自己調較 DSE 考試頻道
  • 同學考 DSE 聆聽卷期間,可以撳鎖鍵「鎖住」部收音機,唔怕開住部機唔小心轉咗啲設定

略有不足之處:

  • Corus 收音機價錢較高

Corus 收音機價格

  • HK$338 (實際價錢因應分銷商而可能略有不同)

3. Teledevice FM-8

小編未有用過呢部收音機,不過小編上網做資料搜集嘅時候,都見到唔少人推介呢款 DSE 考試收音機。相比起 Corus 收音機,Teledevice FM-8 都係一部價錢相對實惠嘅 DSE 考試收音機。

Teledevice 收音機價格

  • HK$138 (實際價錢因應分銷商而可能略有不同)

4. Aitkenson DSE 5** Radio

呢部係DSE考試專用嘅收音機,符合考評局規格,而且只會接收考試電台RTHK2嘅頻道。

相信大家平日都比較少接觸收音機,未必識得點樣操作,加上考試期間可能緊張得滯,搞到手忙腳亂就麻煩啦!小編綜合咗 Aitkenson DSE 5** Radio 嘅幾個特色,同大家介紹一下:

  • 預設頻道:Aitkenson DSE 5** Radio 預設只會收到考試電台嘅頻道,唔使擔心考試期間跳台或者聽錯台。
  • 操作簡易:開機後即可使用,同學唔需要㩒任何制,收音機就會自動獲取所在位置適用嘅考試頻道。
  • 價格實惠:呢部收音已配備合規格嘅耳機,買咗之後就唔使再周圍搵耳機啦!而作為DSE考試專用收音機,呢款收音機嘅價格都相對親民。

Aitkenson DSE 5** Radio價格:

  • HKD $180 (2021年資料)

DSE 收音機邊度買?

睇完唔同用家嘅 DSE 收音機推介,決定咗買邊一款收音機之後,小編會略略講吓 DSE 收音機邊度買。

1. 豐澤 (Fortress)

豐澤各大門市都有售 Sony 收音機,同學可以到豐澤購買 DSE 考試適用嘅收音機。小編嘅 Sony 收音機都係豐澤買嘅。

至於其他嘅家電門店 (例如係百老滙),小編喺 2020 年嘅時候睇過佢哋嘅網站同門市,好似唔見有 DSE 考試收音機賣。

考 2020 DSE、2021 DSE 嘅同學可能要留意一下,應該到豐澤買到收音機嘅機會率較高。

如果同學喺其他地方見到有得賣 DSE 收音機,都可以留言補充話俾小編知~

2. 教協 (香港教育專業人員協會)

如果同學有屋企人、朋友係教師或者有教協證嘅公務員,可以請屋企人幫手買 DSE 收音機。

3. HKTV Mall

小編上網做資料搜集嘅時候,都見到 HKTV Mall 有唔同牌子、唔同款嘅 DSE 考試收音機賣。

根據小編喺 2021 年搵到嘅資料,小編喺上文推介嘅 Corus、Teledevice 收音機都可以喺 HKTV Mall 度搵到。

4. Carousell

唔少同學考完 DSE 之後,都會將收音機放到網上拍賣平台出售俾 2022 DSE 嘅同學。

小編喺 Carousell 都見到 Sony、Corus、Teledevice 嘅收音機。

雖然 Carousell 上售賣嘅收音機通常價錢較平,不過小編會建議同學小心呢啲收音機係唔係原裝行貨、係二手收音機定係三四手收音機、操作功能是否依然原好等等。

DSE 收音機要求

就同學喺香港中學文憑試,聆聽卷所使用嘅收音機,考評局 HKEAA 列出咗一系列對 DSE 收音機嘅要求。

小編喺呢篇文章推薦嘅 DSE 考試收音機都符合 HKEAA 對收音機嘅要求,不過同學揀用其他品牌、型號嘅收音機的話,就要留意一下考評局對 DSE 考試收音機嘅要求。

小編喺文章以下嘅部分,會詳細解釋 DSE 收音機要求:

1. 接收 FM94.8 – 96.9 MHz 頻譜

收音機可以接收嘅頻譜分為 FM、AM 兩種,而 DSE Listening 所用嘅係 FM 頻譜。

同學揀 DSE 考試收音機嘅時候,謹記要揀收到 FM 頻譜嘅收音機。

選擇好 FM 頻譜之後,同學喺唔同地區嘅考試場地,需要將收音機調較至唔同嘅頻率。

例如,沙田考場嘅同學要將收音機調較至 FM 96.3 兆赫、DSE 考試場位於屯門嘅同學要將收音機調較至 FM 96.4 兆赫等等,詳情可以睇考評局嘅語文科聆聽考試須知。

2. 符合考評局尺寸限制

考評局對 DSE 收音機有尺寸限制:46厘米 x 15 厘米 x 15 厘米 (18 吋 x 6 吋 x 6 吋)。

同學揀 DSE 收音機嘅時候都要留意番收音機嘅尺寸,以免買嘅收音機體積太大而冇得用。

3. 盡量選擇没有天線的收音機

收音機嘅天線有機會阻住通道,或者阻到其他考生,而阻礙他人嘅收音機係考評局唔批准嘅款式嚟嘅。

再者,冇天線嘅收音機嘅接收都好好,所以小編都唔建議同學揀用有天線嘅收音機。

其他 DSE 讀書心得分享:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

【DSE通識】萬用答題框架 (附 5** 作答範例)

一、什麼是通識答題框架?

通識答題框架是指一篇好的作答應該用甚麼題型格式、涵蓋哪些部分。好的通識答題框架令文章更有結構,能讓你更加容易在 DSE 考試中取得高分數。

在 DSE 通識科考試中,最常見的通識題型包括:

  • 數據描述/分析題
  • 漫畫詮釋題
  • 原因題/因素題
  • 影響題
  • 困難題/挑戰題
  • 建議題
  • 資料如何支持題
  • 爭議題
  • 比較題
  • 立場題(例如:評估題)

hkdsegayau 小編就和大家討論一下通識答題結構、格式與答題框架,幫助大家答題和提升大家的作答技巧。🥳

延伸閱讀:通識題型框架筆記 – hkdsegayau 皇牌筆記 令通識從此變得簡單

二、為什麼要學答題框架?

你們有時會不會不知道如何落筆?😵 答題框架正正能夠激發你們的思維,在作答時,你們會知道應該有那些部分要寫。如同砌積木般,將不同的部分砌成一段,完成你們的作答。🧡

而且,從評卷員的角度出發,其實很多評卷員都有他們的正職,例如日校老師。經過一天的工作之後,他們還要批改上千份卷,是十分疲累的。答題框架能讓你們的作答結構更加清晰,閱卷員能夠清楚評核你們的論述,獲得高分的機會也更加大。😍

三、通識答題框架 (段落結構)

在作答時,你們可以參考以下的基本答題框架:

第一步:主題句標示語:第一、第二 (firstly; secondly)
討論角度:經濟角度、社會角度、文化角度等等 (economic perspective, social perspective, cultural perspective, etc.)
段落中心論點:以一句概括段落的中心論點
第二步:引述資料描述考試題目提供的資料
第三步:延伸資料延伸考試題目提供的資料,回應題目
第四步:小結句重申段落中心論點

以上的答題結構適用於大部分的通識題型,而要注意的是:DSE 通識卷一是資料回應題,考題往往要你們根據資料作出整合及延伸,因此回應資料是十分重要的。另外,作答8分或以上的長題目或立場題時,謹記要在文章中加入駁論!

四、DSE 通識 5** 作答範例

不少同學都會問:小編,到底怎樣寫才能達到五級 (level 5) 或更高的水平呢?以下是 2016 DSE 卷一第三題(b) 的答案範例:

題目:HIV 是⼀個全球問題。就所提拱的資料,指出及解釋應付這全球問題的兩項困難。(7 分)

答案示例:首先,應付HIV這全球問題的一個困難是大眾對這病毒的缺乏理理解。根據資料B,超過一半 (54.3%) 的HIV病人不知道自⼰為病毒攜帶者,資料A亦顯示成⼈識字率越低,HIV病人越多。這些都反映了全球市⺠民未必對HIV或其他病毒,如AIDS有深入或是基本認識。這個問題在非洲等地區尤其嚴重,例例如當HIV病⼈不知道自⼰有些病時可能會在没有安全套的情況下進⾏性行為、可能會與他⼈共用針筒、甚至是捐⾎予他人。由於HIV病毒能以多種方法快速傳播,教育大眾有關HIV的知識卻是⼀個更更慢、更長的過程,所以教育速度很⼤機會比HIV傳播的速度慢。因此,對HIV的缺乏認識可能令人們對此病毒失去控制,令其快速傳播,是應付這全球問題的困難。

Question: HIV is a global problem. From the sources provided, identify and explain two difficulties in tackling this global problem. (7 marks)

Firstly, one difficulty in tackling the global problem of HIV is the public’s lack of understanding towards the virus. Source B shows that over half (54.3%) of HIV patients do not know they have the virus, whereas Source A shows that adult literacy rate decreases with increasing HIV population. All these statistics reflect that global citizens might not have basic, let alone thorough understanding of HIV (e.g. AIDS), and this problem is especially serious in regions like Africa. For instance, when HIV patients do not know they have the disease, they may have sexual intercourse without condom, share syringe with others or even donate blood to others. HIV spreads quickly through various means, but educating people about HIV takes much longer time and effort. Hence, the rate of education is likely to be slower than that of the spread of HIV. Thus, the public’s lack of understanding of HIV may make this global problem spiral out of control, making the tackling of the HIV difficult.

以上內容摘錄自通識題型框架筆記,只作學術參考用途而不應視作為標準答案。若希望了解更多,可以按此瀏覧筆記詳情、閱讀免費樣本或購買通識溫習筆記。

五、每題要寫多少個論點?

其實通識卷沒有評核論點數目的評分標準,評核員會根據考生的整體表現來評分。

不過假設6分題你們只寫了一個論點,那麼你們的論述又是否全面呢?

除了近年出現的限制論點題之外,其實你們可以參考「2-3分一個論點」這個標準,例如8分的程度題可以寫3個論點+1個駁論,使你們的論述更加全面。

六、遇到從未見過的通識題型:怎麼辦?

近年常常出現新題型,例如「信念題」等。我們可以怎樣拆解這類題目呢?

遇到從未見過的通識題型時,你們可以想想:

1. 題目要你回答什麼?

找出關鍵主角,例如:成為網絡紅人對於青少年是否禍害大於利益?

你們需要在每一段扣緊青少年的特質,例如心智未成熟,正值青春期等。

2. 題目要你做什麼?

不外乎歸納、你概念化,例如關注題,爭議題,和問你們的立場/意見的題目。

例如:結論題,你們可以歸納資料,看看資料有什麼特徵及相關概念,用論點來概括資料帶出的一些信息,以得出題目所指的「結論」。

3. 試試將問題字眼簡單和具體化

例如:有人說香港特區政府在防疫抗疫基金下推出的「保就業」計劃對於僱主來說是杯水車薪,你同意嗎?

杯水車薪是指就是只拿著一杯水,卻想要去消滅一車子薪柴所燃燒的火,暗指方法沒有效率。

你們可以論述什麼是「水」(政策),什麼是「火」(肺炎所造成的影響),加以論述為什麼政策不能舒緩僱主的經濟壓力。

4. 為考試做足準備

老實說,通識科考試題型變化不多,需要的應試技巧都是萬變不離其宗。同學之所以覺得通識科很難捉摸、,是因為很多同學深入了解過每種題型的格式與框架,甚至有些同學連通識有哪些題型都不清楚。

還記得小編在文章開首提及過的十種通識題型嗎?這些都是通識必讀的題型,而小編在通識題型框架筆記裏都詳盡解釋每種題型的結構與框架了。對通識科感到無所適從、不懂如何溫習的同學不妨看看!


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

7個好的IES題目推介 (附高分策略)

通識 IES 題目做咩好?小編推介啲咩好的 LS IES 題目建議 / topic suggestion?有冇嘅 IES 題目例子俾同學參考?

以上應該係考 2020/2021 DSE 嘅同學,做 IES 時遇到嘅一啲常見嘅問題。小編喺呢篇文章建議一啲近年間熱門、具爭議性通識 IES 議題俾同學參考。

呢篇文章嘅 IES topic examples 有:

  1. 有償捐血
  2. 共享經濟與生活素質
  3. 電子競技發展
  4. 同性婚姻合法化 (同性戀)
  5. 預設默許器官捐贈
  6. 禁用一次性塑膠製品 (IES 環保議題)
  7. 融合教育 (特殊教育需要/SEN學生)

同學亦都可以參考小編嘅 IES 滿分 SampleIES 精讀筆記,裏面會有 IES 作答框架、高分技巧等等。

1. 有償捐血

相信同學做 IES (Independent Enquiry Study) 都未必想做最熱門、常見嘅 IES 題目議題,所以小編 hkdsegayau 俾嘅呢個 IES 題目參考係比較少同學做過嘅通識議題。

DSE-Liberal-Studies-LS-IES-Topic-Suggestion-通識-好的IES題目例子-高分技巧-有償捐血
好的 IES 題目:有償捐血

最近香港因為本地人口老化嘅問題嚴重,血液需求量不斷上升,但係香港市民捐血意慾唔高,喺2017年只有312,792位市民捐血。鑑於香港血庫告急嘅問題,有人提出政府應推行有償捐血,以解鼓勵市民捐血。

香港政府推行有償捐血,支持呢個政策嘅原因係:有償捐血的確可以增加捐血嘅人數,但係同時,反對嘅原因係:有償捐血會引嚟道德爭議,同埋加重政府嘅財政負擔。

小編 hkdsegayau 提提你:想從更多角度分析通識議題?通識嘅應該技巧、思維角度同樣可以應用喺 IES 報告度架!小編綜合自己通識 5** 嘅經驗,將通識課程內容抽絲剝繭,喺自製嘅通識溫習筆記入面,由淺入深將通識應試技巧一一傳授俾同學。

2. 共享經濟與生活素質

嚟到 2020 年嘅今日,共享經濟 (sharing economy) 到現時為止仍未有一個確實嘅定義,不過最同學可以將共享經濟嘅定義理解為:將一啲閒置嘅資源,例如:單位、汽車等等嘅個人物品,同其他人共享,並獲取金錢嘅回報。

共享經濟嘅例子有:

  1. Airbnb:共享空間
  2. Uber:共享汽車
  3. Lyft:共享汽車
  4. Alipay:共享充電寶
  5. TaskRabbit:共享技能
DSE-Liberal-Studies-LS-IES-Topic-Suggestion-通識-IES題目建議-高分技巧-共享經濟-Uber-Airbnb
IES 題目建議 + 高分 IES 技巧:共享經濟與生活素質

同學做緊嘅通識 IES 又同共享經濟有咩關係呢?同學又要點寫先會做到一份高分 IES 呢?

IES 高分技巧:多角度分析

雖然共享經濟係一個同商業活動有關嘅通識概念,但係共享經濟同生活素質 (quality of life) 呢個通識 concept 係息息相關嘅。同學要諗一條好的 IES 題目,就可以嘗試將共享經濟、生活素質兩者連上關係,並運用多角度分析嘅通識答題技巧,做一份高分 IES。

舉個例,小編有個 IES 題目建議:共享經濟對香港人嘅生活素質是否利多於弊

而同學可以運用 IES 高分技巧,從以下嘅多角度分析:

  1. 經濟層面:資源共享嘅人士當然可以獲得金錢回報,但係同時佢哋會令社會上嘅其他勞動人口,例如係的士司機嘅收入下降。
  2. 社會層面:資源共享,例如 Uber 共享汽車,能夠提升個人物品嘅使用率,使用同一個資源去令更多嘅人得益,喺呢方面符合社會方面可持續發展嘅原則。
  3. 法律層面:唔少營運資源共享嘅企業至今仍然走緊法律灰色地帶,例如 Airbnb 屬無牌旅館、居民出租住所,Uber 司機就係非法載客取酬,並且沒有第三者保險,係唔合法嘅。

延伸閱讀:IES 精讀筆記 — IES 完美作答框架及高分策略

3. 電競發展

由近年到 2020年,電子遊戲一直被視為娛樂性質,或者係「廢青」、「毒男」最常做嘅事。

DSE-Liberal-Studies-LS-IES-Topic-Suggestion-通識-IES題目例子-高分技巧-電競
IES 題目例子:香港電競發展

其實電子競技(電競)喺多個地方已經成為一項體育運動,就例如:喺2018年,印尼雅加達和巨港舉行嘅亞洲運動,電子競技已成為示範項目之,;2022年嘅杭州亞運會將會新添電子競技呢項比賽項目;而澳洲墨爾本已經開設咗電子競技專用嘅比賽、訓練場地。

而喺香港,2018/2019年度嘅財政預算案亦有表示會向數碼港 (Cyberport) 撥款一億元,支持本地嘅電競產業發展。

IES 題目例子

  • 探討香港發展電子競技的可行性
  • 探討香港發展電子競技可能面對的挑戰

4. 同性婚姻合法化

隨住同性戀嘅認受性增加,同性婚姻合法化係近年一個頗熱門嘅 IES 題目,喺2020 甚至 2021 年做 IES 嘅同學都可以睇睇呢個 IES 議題參考。

現時全球有十五個國家承認「同性婚姻合法化」,而香港仍未將同性婚姻合法化。相信同學上通識補習班嘅時候,補習老師都會提過「同性婚姻合法化」呢個熱門嘅通識 IES 題目。

DSE-Liberal-Studies-LS-IES-Topic-Suggestion-通識-IES題目建議-高分技巧-同性婚姻合法化
好的 IES 題目 + IES 高分技巧:同性婚姻合法化

根據香港法例 第181章《婚姻條例》 第40條,婚姻必須係「一男一女自願終身結合」,因此現時香港只係承認一男一女、一夫一妻嘅婚姻。但係近年嘅 LGBT (lesbian, gay, bisexual, and transgender) 倡議盛行,加上全球有多個地方,例如係荷蘭、奧地利、美國哥斯達黎加嘅等等,都已經通過法案,將同性婚姻合法化,保障同性戀人士嘅權利。

有見及此,有人提出香港政府應該將同性婚姻合法化,令同性戀嘅伴侶可以享受異性伴侶一樣嘅待遇同福利。

已承認同性婚姻合法化的國家

  1. 荷蘭
  2. 英國
  3. 西班牙
  4. 烏拉圭
  5. 比利時
  6. 法國
  7. 加拿大
  8. 丹麥
  9. 瑞典
  10. 阿根廷
  11. 挪威
  12. 葡萄牙
  13. 冰島
  14. 葡萄牙
  15. 紐西蘭

IES 高分策略:展示時事意識

「展示時事意識」呢個用詞嘅意思對於同學嚟詌可能有啲含糊,但係相信同學都知道引「例子」有助喺 IES 報告同埋通識考試考高分。

而小編喺呢度講緊嘅「展示時事意識」就係鼓勵同學多啲引用時事例子,加強同學嘅 IES 報告嘅時事性。

同學可能會問:做 IES 報告加例子係基本,點解小編會話呢個係一個高分技巧?

其實通識科用得著嘅例子有好多,例如係小編喺以上所講嘅同性婚姻合法化嘅地方,例如係奧地利、荷蘭、美國嘅州份等等,都已經係一啲好具體嘅例子。

但係,呢啲係比較「常識」(簡單嚟講即係 common sense) 嘅例子,引用常識性例子係有助令同學嘅論點更具體,但係未必足以令同學展示高階嘅時事意識,考取高分數

咁… 做「香港政府應否將同性婚姻合法化」呢條 IES 題目嗰陣,應該加啲咩例子?

應該加「時事例子」。以最窄嘅定義嚟講,時事例子會係一啲同 IES 議題有關嘅時事新聞。以下有啲例子俾大家:

IES 時事例子 1: 英國嘅QT案

喺英國,有兩位女同性戀者登記為伴侶,而當中嘅一位喺香港獲得工作嘅機會,並希望帶同伴侶移民嚟香港。但係香港嘅入境處認為,香港只承認一男一女嘅夫妻,並未有同性婚姻合法化嘅通過,呢對同性伴侶唔屬於合法嘅伴侣,未符合移民嘅申請資格,因此拒絕咗伴侶嘅移民申請。

IES 時事例子 2: 香港梁鎮罡案

梁鎮罡係香港嘅高級入境事務主任,佢同佢嘅同性伴侶喺新西蘭同註冊結婚。番到嚟香港,梁先生認為佢嘅伴侶應該得到公務員配偶所享有嘅福利,但係因為梁先生嘅伴侶係同性配偶,所以佢嘅申請被拒絕。

同學想喺呢個熱門 IES 題目入面攞高分的話,可以善用通識例子:英國嘅QT案、香港嘅梁鎮罡案等等,利用多個時事例子,為 IES 爭取高分數。

5. 預設默許器官捐贈

預設默許器官捐贈係最近 2019 – 2020 年非常具爭議性嘅通識議題,而呢個議題亦都係一個 HKDSE 通識科嘅恆常議題。

就器官捐贈而然,香港現時所用嘅係「自願捐贈」 嘅制度,香港市民需要自願登記,先會成為器官捐贈者。然而,香港願意自願登記為器官捐贈嘅人並唔多,因此有聲音提出香港參考西班牙、羅馬尼亞等地方,實行「預設默許器官捐贈」

DSE-Liberal-Studies-LS-IES-Topic-Suggestion-通識-IES題目例子-高分技巧-預設默許器官捐贈-organ-donation
IES 題目示例 + 高分 IES 技巧:共享經濟與生活素質

預設默許器官捐贈作為 IES 題目會係一條發揮空間大,具爭議性嘅通識議題。同學需要更多資料的話,可以參考埋考評局 past paper 2018年 DSE 通識卷一第三題嘅題目 (2018 DSE Liberal Studies, LS Paper 1 Q3),嗰一條題目都係有關預設默許器官捐贈嘅,相信可以俾到一啲方向同學做一份好的IES。

小編 hkdsegayau 提提你:如果同學未有 2018 DSE LS past paper 的話,可以參考小編寫嘅文章 — 【DSE、CE、AL Past Paper 資源庫整合】,小編會詳細講解同學可以從邊啲地方搜尋到各科嘅 CE、AL、DSE Past Paper 資源。

6. 禁用一次性塑膠製品

香港政府應否禁用一次性塑膠製品呢個議題,同樣係非常熱門的 IES 獨立專題探究題目。單單喺2016年,香港每日產生嘅都市固體廢物已經有90架雙層巴士咁重,當中超過20%係塑膠廢物,可見香港嘅塑膠廢物問題有幾嚴重。

考評局 HKEAA 喺 DSE LS Past Paper 都有出過呢個題目:2019年 DSE 通識科卷一第二題 (2019 DSE Liberal Studies, LS Paper 1 Q2),同學可以睇睇 HKEAA 嘅 marking scheme 評卷參考,應該會搵到有用嘅論點、作答角度,幫同學一份好的 IES。

DSE-Liberal-Studies-LS-IES-Topic-Suggestion-通識-IES題目例子-高分技巧-塑膠廢物
IES 題目推介 + IES 高分技巧:禁用一次性塑膠製品

IES 高分技巧:參考國際例子

歐盟議會早前已經通過法案,立法由2021年起,歐洲將全面禁用一次性塑膠製品,例如係膠飲管、即棄餐具等等。同學撰寫 IES Part C、Part D 嘅時候,可以討論埋支持禁用一次性塑膠製品嘅原因,除咗符合環保、可持續發展嘅原則之外,亦可以提出香港應該緊貼國際趨勢呢個論點。

小編 hkdsegayau 提提你:如果同學唔清楚 IES Part C、Part D 有咩分別,或者係唔了解 IES 報告每個部分要寫咩內容的話,可以參考小編自己編寫嘅 IES 精讀筆記IES滿分sample,裏面會有 IES 作答框架、高分技巧。

7. 融合教育/特殊教育需要/SEN學生

小編睇過一份考評局 HKEAA 公佈嘅高分 IES sample, 老師所俾嘅評語其中一個係:題目有原創性。

雖然同學寫一啲熱門 IES 題目、通識恆常議題都可以做到一份高分 IES,甚至係做到滿分 IES,但係同學想挑戰自己的話,IES 選題嘅時候可以試吓做啲相對冇咁熱門嘅 IES 議題。

小編喺度建議嘅幾個 IES topic: 融合教育 (inclusive education)、特殊教育需要 (special educational needs, SEN) 都係啲相對冇咁熱門嘅通識議題,同學可以參考一下。

其實 hkdsegayau 小編自己做嘅滿分 IES 都係做特殊教育需要呢個議題的。同學可以參考小編嘅 IES 滿分 Sample,或者參考小編嘅 IES 精讀筆記,搵到更加多嘅 IES高分策略。

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

[英文補習] 五分鐘測試:你適合大型補習社定私補?

小編每次收到有關 DSE 英文補習嘅dm,同學都係問:「小編你有冇補過 Billy Ng / Calvin Sun / Kenneth Lau / Kris Lau / Patrick Chan (PChan)?有咩英文補習推介?」呢啲補習老師嚟自傳統嘅大型補習社,大概係因為宣傳較廣泛,英文補習老師知名度較高,所以同學會偏向選擇呢啲名師,忽略咗私補嘅可能性。

其實搵私補並唔係大家相像中咁難嘅(小編一陣會講吓幾個可靠嘅私補配對平台)況且而家科技發達,同學可以足不出戶都上到網上補習班(例如係小編嘅 English Vocabuarly 28-day Challenge已經推出,呢個係全港首創嘅微型英文補習,同學去緊廁所、等開飯冇嘢做嗰陣,唔駛特登抽時間讀書都可以輕鬆學英文~ 有興趣嘅同學記得喺 Instagram follow 番 @hkdsegayau 留意最新消息!)所以話同學想考好英文唔一定要上傳統、為時一至兩個鐘嘅補習班。

喺嚟緊嘅內容入面,請同學準備你嘅手機(紙同筆都可以,或者同學有超強嘅記憶力的話,可以用腦記住)每答完一條問題都記低你所獲嘅英文字母。同你完成以下幾條簡單嘅問題之後,小編就會因應你喺所有問題入面累積所獲嘅英文字母,為你分析你嘅學習現況,提供個人化嘅學習建議,幫你選擇最適合自己嘅英文補習或學習配套

dse-english-tutorial-online-test 英文補習 測試

1. 你而家讀緊中幾?

  • 中一至三:B、D
  • 中四至五:A、B、C
  • 中六:C

舉個例:如果同學而家讀緊中五嘅話,請你記低你已經獲得一個A、一個B、一個C。

2. 你每個星期大概花幾多時間補習?(可以係英文補習、或其他科補習)

  • 0-2 小時:A、C
  • 3-6 小時:B、D
  • 7 小時或以上:D

同學答完呢一題之後,可以記低你所獲嘅英文字母。記得你所獲嘅英文字母係累積咁計架!例如你喺第一題獲得一個A、一個B、一個C,而你喺第二題亦都獲得一個A、一個C的話,你而家應該有兩個A、一個B、兩個C。

3. 你補英文科後,希望英文科考到咩成績?

  • Level 3: B、D
  • Level 4-5: B、C、D
  • Level 5* -5**: A、C

呢一題問嘅係同學aim嘅英文科成績,而唔係現時predict嘅英文科成績,同學要小心睇題目喔。

4. 你認為自己英文邊份卷最弱?(請選擇其中一份卷)

  • 卷一 Reading: A、D
  • 卷二 Writing: B、C、D
  • 卷三 Listening & Integrated Skills: A
  • 卷四 Speaking: A

終於嚟到最後一題啦,恭喜你完成咗呢個測試!而家請你統計一下,你分別獲得幾多個A、B、C、D?完成統計之後,你可以睇埋下面嘅內容,睇睇小編為你提供嘅個人化嘅學習建議,令你更清楚自己適合大型補習、私補英文、定係有其他學習配套幫到你!

小編分析:你適合大型補習社、私補英文定係其他學習配套?

跟住落嚟,小編會為你分析你適合去大型補習社補習、私補英文,定係使用其他學習配套。同學除咗睇最適合自己嘅選項之餘,亦都建議同學睇埋其他嘅選項(例如係同學得到最多A,都可以睇埋B、C、D嘅分析)因為未必只得一個選項啱你架!

A:大型補習社

如果你獲得最多嘅英文字母係A的話,小編會建議你去大型補習社補英文。同學應該都知道,市面上有多間大型補習社,例如係遵理學校 Beacon College、現代教育 Modern Education、英皇教育 King’s Glory Educational Centre 等等。由於大型補習社嘅英文補習課程通常比較DSE-oriented, 所以同學讀緊中四至五嘅話,可以去試一兩期英文補習,睇吓導師嘅教學風格、考試技巧適唔適合你自己。

雖然大型補習社多數有分video班、live班,亦有唔同分校俾同學上堂,但係始終同學要搭車/行過去補習社,都免不了有時間成本(小編屋企行十分鐘就有一間補習社,但係去到中六嗰陣實在太唔夠時間用,所以放棄咗去補習社補習)所以本身已經補習補得多嘅同學,應該盡量避免再加新嘅英文補習班俾自己,因為來交通再加上堂嘅時間,補一次英文科可能已經花咗你兩至三個鐘寶貴嘅時間

大型補習社嘅英文導師學歷高、教學經歷多,但係呢度始終係大班教學,未必可以顧及唔同程度嘅同學嘅學習進度。加上大型補習社免不了需要 DSE 考level 5*/5**嘅學生作口碑用途,因此所教嘅考試技巧好可能係比較高階嘅考試技巧。想要針對性嘅英文補習,小編會建議同學搵英文私補,俾英文補習老師一對一,或者小班式搵出你嘅弱點,加強操練。

最後,同學想考好英文卷一 Reading、卷三 Listening & Integrated Skills 或者卷四 Speaking 的話,可以去大型補習社學番相應嘅考試技巧。

至於卷二 Writing, 當然會有補習名師教一啲罐頭句、句構等等,但係同學諗吓,全港咁多位考生補同一位名師,用同一堆生字或句構,HKEAA係會睇得出嘅(就好似 every cloud has a silver lining 已經俾考評局ban咗)。

同學要作文作得好嘅話,最佳嘅方法係浸好你嘅英文底子(唔一定要睇書嘅,可以睇吓小編嘅English Vocabulary 28-day Challenge, 每日等車、搭車、甚至去洗手間期間只需要睇10分鐘短片就可以幫你浸到個英文底子番嚟,唔駛同學特登抽時間出嚟讀書的)而呢樣係大型補習社未必幫到你嘅。

B:私補英文

如果你獲得最多嘅英文字母係B的話,小編會建議你私補英文。私補尤其適合仲讀緊中四中五、好想補英文但係又嫌出街上堂太哂時間嘅同學。因為你可以喺你嘅英文補習老師身上學到各個名師、多份卷嘅考試技巧(例如你嘅補習老師考 DSE 之前補過三個英文補習名師,咁佢就會將呢三位導師嘅考試技巧傳授俾你)。

而且單對單或小班教學可以令補習老師更了解你嘅弱點、強項、學習進度,為你貼身訂制最適合你嘅課程。而想提昇作文能力嘅同學都可以考慮英文私補,因為大部分私補英文嘅老師都會提供埋免費嘅英文改文服務,亦都可以話番俾你聽你篇文做得好同唔好嘅地方。

好多同學都有問過小編有冇私補英文推介,小編就覺得適合自己嘅老師未必最啱同學。以往未有太多嘅補習配對平台,又或者係中介費收得比較貴,不過而家新興好多嘅補習配對平台都可以幫同學免費搵英文補習老師,例如係 HelloToby、TutorCircle、TutorDuck、Banana Portal 等等嘅網上平台都可以幫大家搵到最適合自己嘅英文補習老師。

C: 精讀筆記

如果你獲得最多嘅英文字母係C的話,小編唔會建議你去補習。其實同學要考好英文(注意:學好英文同考好英文係兩回事嚟嘅,小編呢度講嘅係考好英文)唔一定要去補習嘅

例如係 Getting 5** in 9 Weeks 系列會精簡咁寫曬各份卷嘅高分技巧,其實同學唔一定要去補習都會學到相應嘅考試技巧。又或者同學嘅弱點係識得生字唔夠多、閱讀卷會睇唔明啲文章、作文詞窮的話,解決辦法應該係學番多啲英文生字。

好多人都會話:要學好英文生字就要睇書,但係坊間有唔少資源(例如係小編嘅英文vocabulary筆記就為同學收錄咗小編三年高中慢慢儲番嚟,超過400個 DSE 考試必用嘅精選同義詞,click呢度有筆記詳細介紹同埋同學嘅評價)可以幫同學根據自己嘅學習進度,用最少嘅時間學到最多嘅英文生字。

D: 網上補習

如果你獲得最多嘅英文字母係D的話,小編會建議你試吓網上補習班。同學作文都識得寫:”With advancements in technology…” 而家時代唔同咗啦,補習唔一定要見到真人補習老師嘅。

尤其係讀緊高中嘅同學,本身面對住功課、SBA、無窮無盡嘅測驗已經忙到不可開交,仲要每個星期抽時間去補習其實真係會花好多時間同心機,有時候攰得濟補習上堂又恰眼瞓,有時候攞咗啲補習筆記番屋企又冇時間睇,有時補完好似冇補過咁,仲要浪費咗啲時間。

而家有啲網上補習課程,例如係 AfterSchool 網上補習,又或者係 hkdsegayau 全港首創嘅微型補習 English Vocabulary 28-day Challenge ,都可以幫你足不出戶就學好英文,比起傳統嘅英文補習模式更具時間成本效益。

P.S. English Vocabulary 28-day Challenge 係為期一個月嘅英文教學影片及筆記,全港首創嘅微型補習影片。小編打破「想英文好就要睇書」嘅傳統觀念,用十分鐘嘅短片教幫你每日學多一點點,幫你執番去洗手間、等車、搭車浪費咗嘅時間,令你唔駛特登抽時間出嚟讀書都可以學到英文,積少成多就可以浸好你嘅英文底子!而家仲有一堂免費試讀,連埋免費影片同筆記sample架! 當 @hkdsegayau 嘅7000幾個followers、7000幾位考生都已經睇緊片嘅時候,睇緊呢篇文嘅你點解唔花10分鐘,俾個機會自己,試吓呢套咁屈機嘅課程?


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

【DSE中文卷二技巧】作文四大入題方法

「DSE 中文卷二作文應該點入題?寫作記斜抒情文第一段應該點開頭?」你也試過空坐在桌前,面對着作文題目抓耳撓腮,想好題材也不知道怎樣開始嗎?

雖說萬事起頭難,但很多時候中文作文開了一個好的開頭,既扣題又亮眼,會爲整篇文章增加不少分數。試想想,評卷員本面對芸芸文章,若你的作文開頭冗贅拖沓或是陳腔濫調,印象自然會大打折扣。😣

於是 hkdsegayau 小編便整理了四個入題技巧,主要圍繞記描抒類題目,希望能使你的文章令人眼前一亮!✨

1.  DSE中文作文技巧一:回憶入題 ⏳

作文時大家都很喜歡用倒敘法,從而引入回憶。然而通常不是用眼前的人物,就是用眼前景或物引起回憶。那麼,如何可以使引入回憶的描寫變得更爲特別呢?

其中一個方法,便是將過去、現在與將來都放在同一個時空中——這是世界名著《百年孤獨》最爲著名的手法:「多年以後,奧雷連諾上校站在行刑隊面前,準會想起父親帶他去參觀冰塊的那個遙遠的下午。」 

簡單而言,就是可以用「多年以後(將來)+ 現在場景 + 回憶(過去)」這個格式,放在文章的開頭,例如:

DSE 中文卷二寫作題目:2018 年 第一題
舊地重遊,看到眼前景象,難免興起一番感受。試以「重遊舊地所見有感」為題,寫作文章一篇。
小編示例(回憶入題)
「多年以後,我再次站在母校的大門前,必定又會像現在一樣,緬懷起當年在校園裏的點點滴滴。」

2. DSE中文作文技巧二:景物入題 🌸

景物描寫算是作文最常用的開頭,特別是在記描抒類的題目裏面,可以烘托氣氛,甚至能借景抒情、融情入景,可讀性很高。而景物描寫中,可以描寫的東西很多,例如:

  1. 以天氣呼應心情(喜悅時寫陽光燦爛,悲傷時則寫雨天等)
  2. 以大自然景色呼應文化點(明月自古高掛夜空、流水長逝等寫人生短暫、渺小)
DSE 中文卷二寫作題目:2018年 第一題
舊地重遊,看到眼前景象,難免興起一番感受。試以「重遊舊地所見有感」為題,寫作文章一篇。
考評局第五級示例二(景物入題-渲染氣氛)
「陽光斑駁了常常的石階路,暮鼓鐘聲的天籟之音聖潔了整座佛堂與廟殿。時隔數年的我,又踏上這一片莊嚴的土地。」   
DSE 中文卷二寫作題目:2017年 第一題
「足印」雖是平常事物,卻可以引起聯想,或牽動思緒,又或啟發思考。試以「足印」為題,就個人體會寫作文章一篇。
考評局第四級示例二(景物入題-呼應主題)
「走在冰冷的沙石上,成雙成對的足印形成了一條獨一無二的水路,一個又一個雪白的浪花把水路漸漸淡化,回眸一看,這條水路漸漸消失,一個又一個的足印亦於眼前消逝。」
DSE 中文卷二寫作題目:2016年 第二題
有人在活動中找到快樂,有人在大自然之中找到快樂,有人在某個時刻、場景之中找到快樂……,你在什麼之中找到快樂呢?試為「我在________之中找到快樂」補上一詞,並以此為題,寫作一文章一篇。
hkdsegayau 小編示例(景物入題-呼應文化點)
《我在山水之中找到快樂》
「夜遊山澗,林間寂靜而渺無人煙。然而風不息、樹不靜、水不止,而那輪散發柔光的明月不知道從什麼時候開始已經高掛在那裏,忽然覺得自己在天地間是如此渺小,一切的煩惱竟然就一掃而空,反而被一種滿足與快樂取而代之。」

3. DSE中文作文技巧三:動作入題 🏃

以動作開頭,描寫事件裏的人物反應,能使故事更有真情實感,有時亦能吸引評卷員目光。描寫動作時,可以像電影的特寫鏡頭一樣,抓取一點放大描寫,亦可配合感官描寫,令開首更有畫面感。例如:

DSE 中文卷二寫作題目:2019年 第一題
試以「這一句話,我會記上一輩子。」為首句,續寫這篇文章。
hkdsegayau 小編示例(動作入題-放大人物的手部動作)
「你雙腳使不上力,便用手吃力地撐着洗手盆,卻仍然舉起抖得厲害的右手梳理着頭髮。我站在你身後,用目光描着你凋零的髪,一想到你的生命不知道還有多少時日就戛然而止,鼻子就微微地酸了。你頓了頓,抬起那依然凌厲的眸,掃過我逐漸濕潤的眼,呵斥了聲:『不許哭。』」
hkdsegayau 小編示例(動作入題-放大人物的臉部動作)
「我抬頭看着天花板,不想讓眼淚流出,可它們卻不爭氣地從眼眶涌出,像是溪流一般流淌着。『有我在。』就是媽媽的這一句話,瞬間讓我不能自抑。」

4. DSE中文作文技巧四:對話入題 💬

 當你記述一件事情時,以對話開頭,這突如其來的一句話會引起懸念,讓評卷員期待故事下一步會發生什麼事情,例如:

DSE 中文卷二寫作題目:2015年 第一題
「今天我沒有帶手提電話外出,因而有不一樣的經歷和體會。」試從第二段開始,以「沒有手提電話的一天」為題,續寫這篇日記。
hkdsegayau 小編示例(對話入題)
「『你的手提電話呢?』早上,趕上這架小巴的我,剛坐下便聽到媽媽這個『致命』的問題。下一秒,我便慌張地翻着背包,那刻我只聽見心裏咚咚跳着,耳邊再無其他聲音。這一天,就如此驚險地開始了……」
DSE 中文卷二寫作題目:2016年 第一題
試以「熱鬧過後,我卻感到失落。」為首句,續寫這篇文章。
考評局第五級示例一(對話+動作入題)
「『三,二,一.新年快樂!』四周響起熱鬧的人聲,電視屏幕上的日期跳動爲『二零一六年一月一日』,散落在四處的人羣以流利的英文舉杯慶祝,我亦隨手拿起桌上的酒杯向人堆中舉起,高聲呼喊了一句『新年快樂』。」

❗️ 注意事項 ❗️

  1. 所有修辭及描寫皆要與題目相關,圍繞題目及內容進行,或對於烘托氣氛、深化主題有作用。
  2. 開首段大約一至六行便已經足夠,否則容易被看待成詳略不當,需要視乎整篇文章字數調整比例。
  3. 除了以上四種入題方法,還可以融入感官描寫和其他修辭手法,如比喻、排比、對比等等,豐富內容,例如: 
DSE 中文卷二寫作題目:2016年 第一題
試以「熱鬧過後,我卻感到失落。」為首句,續寫這篇文章。
考評局第五級示例二(觸覺+比喻入題)
「明明身體還殘留着因熱鬧而興奮、激動發熱的體溫,心卻開始掛上一個無形而帶着相當重量的枷鎖,把我的心情往下拉,直到無窮無盡得而谷底。」

想提升中文卷二能力亦有方法可循,不妨找找坊間的一些範文(如《邁向 5** 中文寫作之路》中50篇示例),觀察及學習他們的文章結構、文筆、取材等;而自己平日亦可訓練取材及首段的構思,累積素材,在考試時面對陌生的題目自然更能得心應手!💪💪

以上便是 hkdsegayau 小編分享的一些中文作文入題技巧,希望能對你有幫助,亦寄願各位考生能在考場奮筆疾書、文思泉涌!✍😆🧡🧡

延伸閱讀:DSE 中文溫習筆記

延伸閱讀:【中文SBA閱讀報告攻略】書籍推介及四大高分技巧

延伸閱讀:DSE、CE、AL Past Paper 資源庫整合


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE英文補習科老師推薦及評價

「小編有咩 DSE 英文補習名師推薦?DSE 補英文邊個好?」

小編 hkdsegayau 自己考 DSE 嘅時候,冇試過喺大型補習社補英文,所以未必解答到同學「DSE 英文補邊個好?」嘅問題。

所以,小編邀請咗 ig @dsemansquad 嘅 admin 分享佢哋嘅英文補習經驗。

呢篇文章嘅內容包括:

呢篇文章嘅內容未必算得上係一啲 DSE 英文補習推介,不過希望可以幫同學了解多啲 — 唔同 DSE 英文補習名師嘅教學模式,選擇適合自己嘅 DSE 英文補習老師。

由於小編同其他嘅 admin 都未補過 Kenneth Lau、Kris La、Calvin Sun 等等嘅英文補習老師,所以呢篇文章只係有 Billy Ng、P Chan / Patrick Chan、Louise Page 嘅補習評價。

如果同學對英文補習名師評價有補充嘅話,可以留言話俾小編知~

DSE英文補習名師推薦
DSE英文補習名師推薦

1. Billy Ng 好唔好?

補 Billy Ng 時間:F5全期Regular共十期、F6 Summer共兩期

英文補習名師 Billy Ng 優點:

對於「Billy Ng 好唔好」嘅問題,同學可以參考以下嘅內容,參考英文補習名師 Billy Ng 值得推介嘅地方::

優點一:練習份量足夠

Billy會派好多練習,我嗰年F5上佢堂差唔多每兩堂就會有功課,之後堂上再對答案解返畀我地知。

例如UE嘅MC Cloze、Proofreading等,可以清Grammar mistakes同埋練語感。

同埋佢教skills之前會叫我地前一兩堂做曬啲 DSE 英文 Past Paper 先e.g. Paper 1 MC or 長題目。

咁樣有預習先再聽佢講書係唔錯,吸收得好啲。

後來今年19DSE F6呢屆佢會派好多操題庫,例如New York Times操題庫,作練習Paper 1之用。

優點二:好多朋友嘅情況下好多優惠

Billy差唔多每期都會有孖住報優惠,只要你帶一個朋友(未補過佢)一齊報就可以減二、三百蚊,仲會有新書送(孖住報獨有)。

優點三:附加補習課程性價比不差

佢有時會有啲 $50 或者 $100-200嘅course,有特別主題。

例如Paper 3 Language、Top 50 errors等等,呢啲course如果你孖住報的話性價比會高,因為佢仲會送埋啲Mock或者半價。

優點四:補習上堂氣氛不差且不算沉悶

Billy上堂講得最多嘅就係「唔好玩手機呀Video班同學」、「清晰」同埋「我年年5**有6, 7成都係女同學,男同學唔該你比心機温英文,唔好成日打機,以為有skills就得,但其實你冇底有skills都冇用!」。

的確係可以提醒你要重視英文呢一科。而且上佢堂好多時都有得笑下,因為佢成日走音同埋講野幾gag。

優點五:英文補習skills非真技巧

乃思維改革:佢啲skills好坦白講實際考試冇咩用,但佢其實潛移默化改變咗你嘅思維,令你清楚Paper 1有咩係重點字眼、Paper 2其實有咩Points係common sense但其實好百搭、Paper 3其實要留意標點、符號等等。

英文補習名師 Billy Ng 略有不足之處:

要解答「Billy Ng 好唔好」嘅疑問,以下會解釋一下英文補習名師 Billy Ng 嘅略有不足之處。

略有不足之處一:上堂Overrun時間極長

Billy上堂個半鐘已經係基本盤,我上年上Live一堂起碼100 mins lol坦白講真係好耐,尤其到咗中六仲一堂差唔多兩個鐘,真係少咗好多温其他科嘅時間。

加上有時如果過咗個半鐘(video班),佢就會將淨返嘅內容擺上遵理嘅補課平台,結果你又要開部電腦嚟睇,又晒多五分鐘開電腦。

略有不足之處二:教授速度不慢但內容少

雖然Billy上堂講書唔算慢,但佢一個skills會用好多PP做例子去教你,變相拖長咗時間,結果一堂可以只係學到1-2個skills。

略有不足之處三:上堂宣傳多

Billy上堂有時會hard sell自己,話近年最多5 + 、Paper 3教得最好云云。所以差唔多一堂會有10–15分鐘係吹水XD呢樣野大家要注意。

略有不足之處四:Live班So Sad

Billy係每堂都遲到,平時遲大約5-10分鐘,有一兩次試過遲半個鐘lol如果你嘅Live班係F6,而你嗰班之前係F5嘅Regular Live班,咁你知你要等幾耐啦~

所以如果要報Billy,請報Video班,內容冇分別但準時開始,不過有時要返屋企睇返overrun嘅片

@dsemansquad admin A嘅主觀評分:7/10

但其實佢有一句上堂成日講嘅說話講得好啱:「你地唔好成日諗住學Skills,以為有skills就即刻可升上5/5*/5**,你都要個底有返咁上下好先得架。

如果你本身踢波好廢嘅話,你著對C朗嘅波砵落街場踢波,你都唔會踢到好似C朗咁勁啦!相反,人地C朗就算唔著鞋踢波都係會踢到曉飛架啦。」

英文底真係好重要。

以上 DSE 英文補習個人評價由 @dsemansqaud admin A 撰寫。

2. P Chan 好唔好?

今次 @dsemansquad 訪問咗佢哋嘅一位朋友,分享一下對於 DSE 英文補習名師 P Chan 嘅評價。

補 P Chan 時間:暑假同中六嘅時候補咗P Chan十個月

英文補習名師 P Chan 優點:

對於「P Chan / Patrick Chan 好唔好」嘅問題,同學可以參考以下嘅內容,參考英文補習名師 P Chan 值得推介嘅地方:

優點一:每堂教授內容豐富

由於P Chan係以Double Lesson形式上堂,每堂上兩個半小時,所以每堂可以教授的分卷和文句豐富。

優點二:抄空白Notes為上課核心,有助加強記憶

因為P Chan上堂會派一份空白嘅notes,然後一邊上堂一邊抄一啲靚字靚句等,並會不停重覆。

在視覺、聽覺和觸覺疊加效果下,會更容易將教授內容記入腦中。

即使平時少温習Notes,也會記得字詞的用法並學以致用。

優點三:Resources豐富

P Chan差唔多堂堂都會派一啲5**範文,解釋啲靚字點解,點樣用返喺作文入面。

另外,佢都經常派Samples,包卷一、二、三,亦會派一啲好文,例如New York Times嘅文等(Something You Should Read)

優點四:學到好多靚Vocab同Phrases

P Chan嘅上堂重點係Paper 2,所以堂堂都會學到好多靚英文 VocabUseful Phrases,而且佢會畀好多Synonyms你抄,令你可以用唔多嘅字表達到相若嘅意思。

優點五:Live班多互動

P Chan喺Live班嘅時候會不斷叫前排同學嘅名,叫佢地答問題。

所以上Live班嘅同學(前排)會專心啲,成日要答題XD

優點六:教作文Structure幾好

P Chan 上堂教嗰啲野其實係用之前啲DSE Paper1 Passage教,所以變相你冇操過PP都變到好似操咗咁。

佢仲會分析埋Passage既structure,幫埋Paper 2。

因為平時啲人作文好易忽略結構,淨係塞靚字靚句,佢教既structure 令成篇文嘅readability 好咗好多,成篇文完整咗。

英文補習名師 P Chan 略有不足之處:

要解答「P Chan / Patrick Chan 好唔好」嘅疑問,以下會解釋一下英文補習名師 Billy Ng 嘅略有不足之處。

略有不足之處一:上堂時間太長

因為一堂兩個半鐘,會上到好攰。

所以建議唔好報星期一至五嘅班,因為平日要返學,如果放學之後再補兩個半鐘真係會好攰同好難專注。

如果你一唔小心恰眼瞓就會抄漏咗好多野。(建議同Friend一齊上,抄漏咗Notes可以抄返)

略有不足之處二:真係教英文,唔會教Skills

因為佢教作文係重點,所以佢唔會教一啲Paper 1 & 3嘅Skills,變相你要自己摸索點樣考英文,佢只會教你英文。

略有不足之處三:要額外時間温習英文

因為佢教好多Vocab同Phrases,如果唔温下書其實補完都唔係大部分記得同用得返。

又,因為課堂忽略Paper 1 & 3,所以你要自己平時做多啲佢嘅Mock卷例如Reading,自己鑽研下點樣考好呢兩份卷。

略有不足之處四:經濟負擔大

因為P Chan係Double Lesson形式上堂,所以其實學費係接近貴咗兩倍,屋企經濟狀況唔太好嘅同學就要好好考慮,如果唔係補咗又唔努力温就浪費父母嘅血汗錢。

個人主觀評分:7.5-8/10 (佢畀Billy嘅主觀評分係6/10)

以上 DSE 英文補習個人評價由 @dsemansqaud 朋友撰寫。

3. Louise Page 好唔好?

補 Louise Page 時間:Louise Page:F6 Summer共兩期、F6 Regular + Final Hit 共十一期 (Double lesson形式,一期兩堂,每堂2小時)

Louise Page 優點:

Louise Page 已經冇教了,但我個人覺得佢真係好好,所以我都講下佢嘅優點XD

同學可以參考以下嘅內容,參考英文補習老師 Louise Page 值得推介嘅地方:

優點一:上堂節奏快

雖然今年Louise係以Double Lesson形式上堂,但佢教書嘅速度真係極快,大約係YY嘅1.5倍lol。佢好多時都會要我地抄下Paper 2 or 3嘅範文,呢個時候就係最快,永遠未抄完第二句已經去緊第四句。不過都因為咁,後期我嘅字速快咗。

優點二:上堂氣氛好好

我覺得佢係同YY上堂一樣咁hyper,可能有過之而無不及。上佢堂係兩個鐘都唔會覺得耐同埋眼瞓。

優點三:作文句構勁

Louise教作文唔係教一啲靚字就算,而係教你唔同題型成篇文個Flow要點作,仲會有曬所有開首段(Intro)、每個論點嘅頭一兩句、過渡句、結尾點寫。我英文作文最後攞5**都要多謝佢!

優點四:Paper 1 skills著重思維

Louise教Paper 1唔會教咩「Keyword嘅前一句、同一句、後一句就係答案」,而係教你Prompts Matching,即係教你揾collocations, synonyms或者 conjunctions。

例如,佢會叫你注意一啲字例如「但是」、「都是(also)」,提醒你要注意Passage入面嘅句子結構同複句關係,因為呢啲可以幫你揾到答案,而呢個思維係冇咩人教。

優點五:見下 Instagram 圖2

View this post on Instagram

個人補習評價─英文科 By A 温馨提示:A係成日比M同N兩個話我對同一個補習老師嘅評價可以朝令夕改,所以A喺到盡量用中立嘅角度去同大家講下唔同名師嘅特點XD . Billy Ng:F5全期Regular共十期、F6 Summer共兩期 Louise Page:F6 Summer共兩期、F6 Regular + Final Hit 共十一期 (Double lesson形式,一期兩堂,每堂2小時) . Billy Ng: 優點: 1. 練習份量足夠:Billy會派好多練習,我嗰年F5上佢堂差唔多每兩堂就會有功課,之後堂上再對答案解返畀我地知,例如UE嘅MC Cloze、Proofreading等,可以清Grammar mistakes同埋練語感。同埋佢教skills之前會叫我地前一兩堂做曬啲PP先e.g. Paper 1 MC or 長題目。咁樣有預習先再聽佢講書係唔錯,吸收得好啲。後來今年19DSE F6呢屆佢會派好多操題庫,例如New York Times操題庫,作練習Paper 1之用。 2. 好多朋友嘅情況下好多優惠:Billy差唔多每期都會有孖住報優惠,只要你帶一個朋友(未補過佢)一齊報就可以減二、三百蚊,仲會有新書送(孖住報獨有)。 3. 附加課程性價比不差:佢有時會有啲 $50 或者 $100-200嘅course,有特別主題,例如Paper 3 Language、Top 50 errors等等,呢啲course如果你孖住報的話性價比會高,因為佢仲會送埋啲Mock或者半價。 4. 上堂氣氛不差且不算沉悶:Billy上堂講得最多嘅就係「唔好玩手機呀Video班同學」、「清晰」同埋「我年年5**有6, 7成都係女同學,男同學唔該你比心機温英文,唔好成日打機,以為有skills就得,但其實你冇底有skills都冇用!」,的確係可以提醒你要重視英文呢一科。而且上佢堂好多時都有得笑下,因為佢成日走音同埋講野幾gag。 5. Skills非真技巧,乃思維改革:佢啲skills好坦白講實際考試冇咩用,但佢其實潛移默化改變咗你嘅思維,令你清楚Paper 1有咩係重點字眼、Paper 2其實有咩Points係common sense但其實好百搭、Paper 3其實要留意標點、符號等等。 . 略有不足之處: 1. 上堂Overrun時間極長:Billy上堂個半鐘已經係基本盤,我上年上Live一堂起碼100 mins lol坦白講真係好耐,尤其到咗中六仲一堂差唔多兩個鐘,真係少咗好多温其他科嘅時間。加上有時如果過咗個半鐘(video班),佢就會將淨返嘅內容擺上遵理嘅補課平台,結果你又要開部電腦嚟睇,又晒多五分鐘開電腦。 2. 教授速度不慢但內容少:雖然Billy上堂講書唔算慢,但佢一個skills會用好多PP做例子去教你,變相拖長咗時間,結果一堂可以只係學到1-2個skills。 3. 上堂宣傳多:Billy上堂有時會hard sell自己,話近年最多5 + 、Paper 3教得最好云云。所以差唔多一堂會有10–15分鐘係吹水XD呢樣野大家要注意。 4. Live班So Sad:Billy係每堂都遲到,平時遲大約5-10分鐘,有一兩次試過遲半個鐘lol如果你嘅Live班係F6,而你嗰班之前係F5嘅Regular Live班,咁你知你要等幾耐啦:) 所以如果要報Billy,請報Video班,內容冇分別但準時開始,不過有時要返屋企睇返overrun嘅片 . A嘅主觀評分:7/10 但其實佢有一句上堂成日講嘅說話講得好啱:「你地唔好成日諗住學Skills,以為有skills就即刻可升上5/5*/5**,你都要個底有返咁上下好先得架。如果你本身踢波好廢嘅話,你著對C朗嘅波砵落街場踢波,你都唔會踢到好似C朗咁勁啦!相反,人地C朗就算唔著鞋踢波都係會踢到曉飛架啦。」英文底真係好重要。 . Louise Page (已經冇教了,但我個人覺得佢真係好好,所以我都講下佢嘅優點XD) 優點: 1. 上堂節奏快:雖然今年Louise係以Double Lesson形式上堂,但佢教書嘅速度真係極快,大約係YY嘅1.5倍lol。佢好多時都會要我地抄下Paper 2 or 3嘅範文,呢個時候就係最快,永遠未抄完第二句已經去緊第四句。不過都因為咁,後期我嘅字速快咗。 2. 上堂氣氛好好:我覺得佢係同YY上堂一樣咁hyper,可能有過之而無不及。上佢堂係兩個鐘都唔會覺得耐同埋眼瞓。 3. 作文句構勁:Louise教作文唔係教一啲靚字就算,而係教你唔同題型成篇文個Flow要點作,仲會有曬所有開首段(Intro)、每個論點嘅頭一兩句、過渡句、結尾點寫。我英文作文最後攞5**都要多謝佢! 4. Paper 1 skills著重思維:Louise教Paper 1唔會教咩「Keyword嘅前一句、同一句、後一句就係答案」,而係教你Prompts Matching,即係教你揾collocations, synonyms或者 conjunctions。例如,佢會叫你注意一啲字例如「但是」、「都是(also)」,提醒你要注意Passage入面嘅句子結構同複句關係,因為呢啲可以幫你揾到答案,而呢個思維係冇咩人教。 (5. 見圖2) . A嘅主觀評分:9/10(我係打手XD)

A post shared by 全港 Top 0.2% DSE 考試溫習心得分享 (@dsemansquad) on

A嘅主觀評分:9/10(我係打手XD)

以上 DSE 英文補習個人評價由 @dsemansqaud admin A 撰寫。

小編 hkdsegayau 註:以上內容純屬文章作者個人分享,並不代表 hkdsegayau 的立場。小編 hkdsegayau 轉載文章前,已經 @dsemansquad admin 同意轉載。

最後… 同學亦可以參考小編 hkdsegayau 自製嘅 DSE 英文筆記

小編 hkdsegayau 自己從來冇補過英文 — 當幾萬位考生背緊補習天王嘅stock phrases, 你哋學嘅係小編珍藏嘅useful vocab + phrases + sentence structures, 100%絕對唔公廁~

同學評價:「每朝都睇小編嘅筆記,好鍾意小編寫嘅例句,估唔到例句都可以咁貼地,令我學英文唔覺悶,多謝小編~ <3」

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期:

DSE中文參考書推介 (適合中一至中六)

「小編,我想問DSE中文有咩參考書推介?」

小編喺呢篇文章,會推薦一啲自己曾經做過,又覺得好用嘅 DSE 中文參考書、練習俾你哋。

以下小編推介嘅中文參考書,會適合以下嘅同學:

  • 初中:中一、中二、中三
  • 高中:中四、中五、中六
DSE中文參考書推介
DSE中文參考書推介

小編考 DSE 之前,買過做過嘅參考書、補充練習有好多好多,不過並唔係每一本都實用、值得花錢買、花時間做。

所以,小編綜合咗一個 DSE 中文參考書、補充練習推薦清單,希望可以幫你揀到適合自己嘅練習。

呢篇文章嘅內容包括:

小編註:小編嘅 DSE 中文參考書推介清單純屬個人意見,小編並無同書商,書店、出版社或仼何其他第三方合作做宣傳。

DSE中文參考書推介

喺呢個部分,小編會推薦一啲 DSE 中文參考書俾中一、中二、中三、中四、中五、中六嘅同學。

1. 古文觀止

出版社:文國書局
適合同學:中一、中二、中三、中四、中五、中六

古文觀止有好多本… 應該買邊本先啱?

小編參考嘅古文觀止係喺銅鑼灣誠品買嘅,出版社係文國書局。不過呢本參考書應該全港各大書局都有售。

同學想買一本古文觀止做參考書嘅話,其實唔一定要買番同小編同一個出版社嘅書。

只要你買嘅古文觀止有原文、語譯,基本上就可以係一本好好嘅參考書。

好處:

  • 古文觀止呢本參考書裹面有好多好多嘅文言文篇章、語譯,唔使自己上網搵語譯。
  • 書裹面有好多文言文篇章可以參考。

壞處:

  • 古文觀止收錄嘅文言文篇章太多,中一、中二、中三、中四、中五嘅同學都可以慢慢睇、慢慢學。
  • 不過中六同學買咗本書番嚟,考 DSE 之前就未必睇得完。

應該點用古文觀止呢本中文參考書?

同學可以參考小編嘅做法:

小編每晚臨瞓之前,都會迫自己睇一至兩篇古文觀止嘅篇章。

  1. 小編會試睇一次原文,嘗試理解文章內容。
  2. 之後,小編會睇一次譯文,理解番整篇文章嘅大概意思。
  3. 最後,小編會再睇多次原文+譯文,逐個逐個字咁睇,確保自己明白每一個字嘅意思。

2. 文憑試中文 5** 議論錦囊

出版社:超媒體出版
適合同學:中一、中二、中三、中四、中五、中六

好處:

  • 呢本中文參考書裹面有唔少嘅 DSE 中文歷屆試題作文範例
  • 作文示例裹面有好多好實用嘅例子,適合中文卷二作文揀議論文嘅同學

小編建議高中同學喺中四、中五嘅時候已經要揀好自己擅作嘅文體,多加操練。

中文作文選擇作議論文嘅同學可以參考小編嘅 中文百搭例子筆記 — 其實卷四說話都好需要例子的,所以唔作議論文嘅同學都可以參考吓。

壞處:

  • 有範文、例子,不過參考書裏面對文章嘅分析唔算好多

DSE中文補充練習推介

除咗睇中文參考書之外,小編亦都建議同學多啲做中文補充練習,訓練自己嘅考試技巧。

3. 文憑應試全貫通

出版社:滙知教育
適合同學:中四、中五、中六

小編考 DSE 嗰陣,呢本係中學嘅指定中文科練習。

好處:

  • 題型貼近 DSE 中文出題模式
  • 練習涵蓋中文四份卷:卷一閱讀、卷二寫作、卷三聆聽及綜合、卷四說話

壞處:

  • 呢本練習嘅難度較高。
  • 小編做呢本練習嘅時候,中文卷一閱讀做嚟做去都好低分… 
  • 所以小編會推介呢本練習俾中文科底子較好、目標較高嘅同學。

小編嘅建議係,中文科底子有 Level 4-5,想上 5*、5** 嘅同學可以試吓做呢本練習。

4. 文言文應試練習

出版社:Joint-Us
適合同學:中一、中二、中三、中四、中五、中六

好處:

  • 一系列嘅練習有好多本,文言文底子唔太好,又想操多啲練習嘅同學,小編會推薦同學買呢系列嘅練習嚟做。
  • 呢系列嘅練習有原文、語譯、題目、答案,同學做完練習、對答案之後,可以睇埋語譯學文言文。

壞處:

  • 小編個人覺得呢本參考書幾好,壞處暫時未諗到。

小編中六考mock嘅時候,文言文連10個字都睇唔明… 到咗真正考DSE嗰陣文言文接近滿分,中文卷一閱讀 5** 靠嘅都係小編推介嘅呢幾本文言文練習。

小編中文閱讀5**、文言文語譯+句譯接近滿分(總共12/13分)嘅秘密武器:文言文精讀筆記

DSE 中文範文參考書推介

考評局自2018年起,為中文卷一閱讀加入範文嘅元素。

不過,小編考 2016 DSE 嘅時候仲未讀過範文…

所以小編未有中文範文嘅參考書推介到俾你哋。

小編聽過透視文言文呢本參考書,好似幾多人用,同埋聽講幾詳細幾好用。同學不妨問吓同學、老師嘅意見,參考下呢本中文範文參考書。

DSE 中文 Past Paper 下載

無論同學讀咩科,考邊一年嘅 DSE,都一定一定要做 DSE Past Paper

其實,小編會話歷屆試題係最好最好,小編最推薦嘅練習。

應該幾時開始做中文 Past Paper?

小編嘅個人建議:

中四:先做1-2份卷(建議做 2012-2013 DSE 嘅卷)俾自己大概了解 DSE 嘅出題模式;同時多啲操練坊間嘅 DSE 中文練習、參考書

中五:重做 2012-2013 DSE 嘅卷,再做多2年嘅卷(建議做 2014-2015 年嘅卷)

中六:最做 2012-2015 年嘅卷,再做埋剩低嘅卷

DSE 中文 Past Paper 可以喺邊度搵到?

小編從網上搵到唔同嘅試卷資源,整合咗 2012-2019 Past Paper 俾你哋下載:

由於小編整合嘅試卷資源全部嚟自網上資源,所以試卷資源未必完全齊全。同學可以參考小編嘅 Past Paper 搜尋教學:

DSE 中文精讀筆記推介

最後… 同學亦都可以參考小編 hkdsegayau 自製嘅 DSE 中文雞精筆記

同學評價:「小編嘅筆記真心好正😍我之前一直都睇唔明文言文,覺得文言文係外星文😂

睇完份筆記之後覺得文言文其實唔係好難,我以後睇到文言文唔會再驚🤭💕」


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期: 發佈留言

2012 DSE Cut Off 分數 (全部科目)

「小編,我想問某某科攞呢個分數會係level幾?」

小編整合咗各科嘅 2012 DSE Cut Off 分數,同學做完 2012 DSE 試卷可以參考番以下嘅 Cut Off Score,根據分數估計自己 DSE 成績嘅 level。

2012 DSE Cut Off 分數 | Cut Off Level & Score
2012 DSE Cut Off 分數 | Cut Off Level & Score

呢篇文章嘅 2012 DSE Cut Off 分數包括以下科目:

2012 DSE 中文 Chinese Cut Off 分數

等級Cut Off 百分比Cut Off 分數
5**67%333/499
5*64%318/499
558%287/499
453%265/499
349%242/499
2012 DSE 中文 Chinese Cut Off 分數

2012 DSE 英文 English Cut Off Score

等級Cut Off 百分比Cut Off 分數
5**87%581/667
5*83%551/667
577%511/667
469%461/667
353%353461/667
2012 DSE 英文 English Cut Off Score

2012 DSE 數學 Maths Cut Off 分數

等級Cut Off 百分比Cut Off 分數
5**89%184/198
5*82%162/198
579%156/198
467%134/198
358%115/198
2012 DSE 數學 Maths Cut Off 分數

2012 DSE 通識 LS Cut Off 分數

等級Cut Off 百分比Cut Off 分數
5**71%356/500
5*67%337/500
563%315/500
456%282/500
349%243/500
2012 DSE 通識 LS Cut Off 分數

2012 DSE Econ 經濟 Cut Off 分數

等級Cut Off 百分比Cut Off 分數
5**93%167/179
5*89%160/179
584%151/179
471%128/179
3N/AN/A
2012 DSE Econ 經濟 Cut Off 分數

2012 DSE BAFS 企會財 Cut Off 分數

等級Cut Off 百分比Cut Off 分數
5**91%175/192
5*N/AN/A
579%151/192
472%138/192
3N/AN/A
2012 DSE BAFS 企會財 Cut Off 分數

2012 DSE Physics 物理 Cut Off 分數

等級Cut Off 百分比Cut Off 分數
5**89%443/500
5*73%415/500
575%376/500
468%340/500
356%284/500
2012 DSE Physics 物理 Cut Off 分數

2012 DSE Chemistry 化學 Cut Off 分數

等級Cut Off 百分比Cut Off 分數
5**88%442/501
5*81%407/501
576%380/501
460%299/501
3N/AN/A
2012 DSE Chemistry 化學 Cut Off 分數

2012 DSE Biology 生物 Cut Off 分數

等級Cut Off 百分比Cut Off 分數
5**77%386/500
5*74%371/500
568%342/500
458%290/500
3N/AN/A
2012 DSE Biology 生物 Cut Off 分數

2012 DSE History 歷史 Cut Off 分數

等級Cut Off 百分比Cut Off 分數
5**80%402/500
5*73%363/500
566%330/500
463%314/500
3N/AN/A
2012 DSE History 歷史 Cut Off 分數

2012 DSE 中國歷史 Chinese History Cut Off 分數

等級Cut Off 百分比Cut Off 分數
5**79%394/500
5*N/AN/A
5N/AN/A
459%295/500
3N/AN/A
2012 DSE 中國歷史 Chinese History Cut Off 分數

2012 DSE Geography 地理 Cut Off 分數

等級Cut Off 百分比Cut Off 分數
5**80%180/225
5*N/AN/A
5N/AN/A
468%152/225
3N/AN/A
2012 DSE Geography 地理 Cut Off 分數

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期: 發佈留言

2013 DSE Cut Off 分數 (全部科目)

「小編,我想問某某科攞呢個分數會係level幾?」

小編整合咗各科嘅 2013 DSE Cut Off 分數,同學做完 2013 DSE 試卷可以參考番以下嘅 Cut Off Score,根據分數估計自己 DSE 成績嘅 level。

2013 DSE Cut Off 分數 | Cut Off Level & Score
2013 DSE Cut Off 分數 | Cut Off Level & Score

呢篇文章嘅 2013 DSE Cut Off 分數包括以下科目:

2013 DSE 中文 Chinese Cut Off 分數

等級卷一 (閱讀)卷二 (寫作)卷三 (聆聽)卷四 (說話)卷五 (綜合)總分
5**57%75%83%68%71%74%
5* 51%66%80%60%65%64%
548%60%76%57%63%60%
441%53%71%49%59%54%
335%49%64%44053%49%
2013 DSE 中文 Chinese Cut Off 分數

2013 DSE 英文 English Cut Off Score

等級Paper 1Paper 2Paper 3Paper 4Overall
5**86%90%87%89%87%
5*82%87%82%78%82%
574%77%79%76%76%
465%64%61%67%64%
353%49%45%57%52%
2013 DSE 英文 English Cut Off Score

2013 DSE 數學 Maths Cut Off 分數

等級Cut Off 百分比Cut Off 分數
5**89%178/201
5*81%163/201
574%149/201
461%123/201
352%105/201
2013 DSE 數學 Maths Cut Off 分數

2013 DSE 通識 LS Cut Off 分數

等級Cut Off 百分比Cut Off 分數
5**72%361/500
5*67%336/500
563%317/500
452%260/500
343%215/500
2013 DSE 通識 LS Cut Off 分數

2013 DSE Econ 經濟 Cut Off 分數

等級Cut Off 百分比Cut Off 分數
5**90%171/191
5*83%159/191
578%149/191
468%130/191
355%106/191
2013 DSE Econ 經濟 Cut Off 分數

2013 DSE BAFS 企會財 Cut Off 分數

等級Cut Off 百分比Cut Off 分數
5**89%172/198
5*85%169/198
581%161/198
465%128/198
354%107/198
2013 DSE BAFS 企會財 Cut Off 分數

2013 DSE Physics 物理 Cut Off 分數

等級Cut Off 百分比Cut Off 分數
5**85%423/500
5*78%392/500
565%326/500
452%261/500
349%245/500
2013 DSE Physics 物理 Cut Off 分數

2013 DSE Chemistry 化學 Cut Off 分數

等級Cut Off 百分比Cut Off 分數
5**84%422/500
5*79%397//500
570%350/500
456%278/500
344%220/500
2013 DSE Chemistry 化學 Cut Off 分數

2013 DSE Biology 生物 Cut Off 分數

等級Cut Off 百分比Cut Off 分數
5**80%398/500
5*73%366/500
568%340/500
4N/AN/A
352%262/500
2013 DSE Biology 生物 Cut Off 分數

2013 DSE History 歷史 Cut Off 分數

等級Cut Off 百分比Cut Off 分數
5**81%404/500
5*73%363/500
568%341/500
463%315/500
3N/AN/A
2013 DSE History 歷史 Cut Off 分數

2013 DSE 中國歷史 Chinese History Cut Off 分數

等級Cut Off 百分比Cut Off 分數
5**72%360/500
5*67%335/500
562%310/500
451%255/500
349%245/500
2013 DSE 中國歷史 Chinese History Cut Off 分數

2013 DSE Geography 地理 Cut Off 分數

等級Cut Off 百分比Cut Off 分數
5**82%181/222
5*78%172/222
575%166/222
460%132/222
354%119/222
2013 DSE Geography 地理 Cut Off 分數

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。

發佈日期: 發佈留言

2014 DSE Cut Off 分數 (全部科目)

「小編,我想問某某科攞呢個分數會係level幾?」

小編整合咗各科嘅 2014 DSE Cut Off 分數,同學做完 2014 DSE 試卷可以參考番以下嘅 Cut Off Score,根據分數估計自己 DSE 成績嘅 level。

2014 DSE Cut Off 分數 | Cut Off Level & Score
2014 DSE Cut Off 分數 | Cut Off Level & Score

呢篇文章嘅 2014 DSE Cut Off 分數包括以下科目:

2014 DSE 中文 Chinese Cut Off 分數

等級卷一 (閱讀)卷二 (寫作)卷三 (聆聽)卷四 (說話)卷五 (綜合)總分
5**57%65%75%72%67%68%
5*54%62%71%67%64%63%
551%58%65%61%61%54%
443%54%58%53%55%48%
337%52%50%44%52%N/A
2014 DSE 中文 Chinese Cut Off 分數

2014 DSE 英文 English Cut Off Score

等級Paper 1Paper 2Paper 3Paper 4Overall
5**85%89%75%72%86%
5*81%85%71%67%81%
575%76%65%61%75%
468%64%58%53%66%
345%58%50%44%50%
2014 DSE 英文 English Cut Off Score

2014 DSE 數學 Maths Cut Off 分數

等級Cut Off 百分比Cut Off 分數
5**92%170/184
5*87%160/184
579%146/184
465%120/184
350%90/184
2014 DSE 數學 Maths Cut Off 分數

2014 DSE 通識 LS Cut Off 分數

等級Cut Off 百分比Cut Off 分數
5**70%354/500
5*66%331/500
562%311/500
452%262/500
347%233/500
2014 DSE 通識 LS Cut Off 分數

2014 DSE Econ 經濟 Cut Off 分數

等級Cut Off 百分比Cut Off 分數
5**93%164/176
5*89%157/176
582%145/176
466%116/176
3N/AN/A
2014 DSE Econ 經濟 Cut Off 分數

等級Cut Off 百分比Cut Off 分數
5**91%172/189
5*87%164/189
582%155/189
470%133/189
355%104/189
2014 DSE BAFS 企會財 Cut Off 分數

2014 DSE Physics 物理 Cut Off 分數

等級Cut Off 百分比Cut Off 分數
5**87%435/499
5*80%400/499
571%356/499
461%302/499
356%277/499
2014 DSE Physics 物理 Cut Off 分數

2014 DSE Chemistry 化學 Cut Off 分數

等級Cut Off 百分比Cut Off 分數
5**88%442/500
5*82%410//500
572%360/500
460%300/500
343%213/500
2014 DSE Chemistry 化學 Cut Off 分數

2014 DSE Biology 生物 Cut Off 分數

等級Cut Off 百分比Cut Off 分數
5**76%381/500
5*69%346/500
563%313/500
452%261/500
346%231/500
2014 DSE Biology 生物 Cut Off 分數

2014 DSE History 歷史 Cut Off 分數

等級Cut Off 百分比Cut Off 分數
5**78%391/500
5*73%364/500
565%325/500
458%292/500
344%221/500
2014 DSE History 歷史 Cut Off 分數

2014 DSE 中國歷史 Chinese History Cut Off 分數

等級Cut Off 百分比Cut Off 分數
5**74%373/500
5*70%350/500
564%318/500
453%267/500
351%253/500
2014 DSE 中國歷史 Chinese History Cut Off 分數

2014 DSE Geography 地理 Cut Off 分數

等級Cut Off 百分比Cut Off 分數
5**77%180/233
5*76%177/233
567%157/233
453%123/233
3N/AN/A
2014 DSE Geography 地理 Cut Off 分數

延伸閱讀:


訂閱免費 DSE 資源

不想錯過 DSE 考生必讀資訊、想獲得免費 DSE 學習資源?

hkdsegayau 已為你準備好!只須填妥 DSE 資源訂閱表格,便會透過電郵定期收到免費 DSE 學習資源。

這是完全免費的!


關注我們的 Instagram 動態

hkdsegayau 在 Instagram 定期分享 DSE 讀書心得、實用英文生字。

超過 14,000 位考生已經追蹤 hkdsegayau 的 Instagram 專頁了,你也不要錯過喔!


DSE 溫習筆記

與其自己花數十小時鑽研厚厚的教科書,直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎?


英文閱讀計劃

致想改善英文能力、卻又無興趣看書的你:

hkdsegayau 的英文閱讀計劃能夠解決你的痛點!

計劃包括每星期一篇英文閱讀文章、5組精選字句,助你真正 • 學習 •  終身受用的英文。