以下係簡化咗嘅考評局 HKEAA 2020 DSE Timetable，同埋小編建議嘅溫書時間表。小編會用一個讀物理 Physics 化學 Chemistry 生物 Biology 嘅 2020 DSE 考生做例子，講解一下同學可以點樣善用考評局 HKEAA 嘅文憑試時間表嚟安排溫書時間表。
考評局 HKEAA 已經出咗 2020 DSE Timetable 啦！好多考 2020 DSE 嘅同學睇完個時間表，大概知道自己幾時開始考筆試、幾時考完試就算。作為 DSE 過來人嘅小編話你知：考評局出嘅 DSE Timetable 有更加重要嘅用處架！同學應該好好運用呢個考試時間表，按照科目考試嘅先後次序、同學對科目嘅熟悉程度，計劃自己 study leave 衝刺嘅溫書次序，否則臨考 DSE 嗰陣太多科要溫，同學好容易會溫唔切書。
2020 DSE Timetable 時間表
| 日期 Date | 時間 Time | 科目 Subject |
| 27/03 (Fri) | 8:30 – 12:30 | 視覺藝術 (一)及(二) Visual Arts 1,2 |
| 28/03 (Sat) | 8:30 – 10:30 11:15 – 12:45 | 綜合科學 (一) Integrated Science 1 綜合科學 (二) Integrated Science 2 |
| 28/03 (Sat) | 8:30 – 11:00 11:45 – 12:45 | 化學 (一) Chemistry 1 化學 (二) Chemistry 2 |
| 28/03 (Sat) | 8:30 – 10:10 | 組合科學(化學) Combined Science (Chemistry) |
| 30/03 (Mon) | 8:30 – 10:00 10:45 -12:15 | 中國語文 (一) Chinese Language 1 中國語文 (二) Chinese Language 2 |
| 31/03 (Tue) | 9:15 – 11:40 | 中國語文 (三) (聆聽及綜合能力考核) Chinese Language 3 (Listening and Integrated Skills) |
| 02/04 (Thu) | 8:30 – 10:00 11:00 – 13:00 | 英國語文 (一) English Language 1 英國語文 (二) English Language 2 |
| 03/04 (Fri) | 9:15 – 12:10 | 英國語文 (三) (聆聽及綜合能力考核) English Language 3 (Listening and Integrated Skills) |
| 06/04 (Mon) | 8:30 – 10:30 11:15 – 12:30 | 通識教育(一) Liberal Studies 1 通識教育(二) Liberal Studies 2 |
| 07/04 (Tue) | 8:30 – 10:45 11:30 – 12:45 | 數學 必修部分 (一) Mathematics Compulsory Part 1 數學 必修部分 (二) Mathematics Compulsory Part 2 |
| 09/04 (Thu) | 8:30 – 11:30 13:30 – 15:30 | 英語文學 (一) Literature in English 1 英語文學 (二) Literature in English 2 |
| 09/04 (Thu) | 8:30 – 10:30 11:15 – 13:15 | 設計與應用科技 (一) Design and Applied Technology 1 設計與應用科技 (二) Design and Applied Technology 2 |
| 14/04 (Tue) | 8:30 – 10:30 11:15 – 12:45 | 歷史 (一) History 1 歷史 (二) History 2 |
| 15/04 (Wed) | 8:30 – 10:30 11:15 – 13:00 | 健康管理與社會關懷 (一) Health Management & Social Care 1 健康管理與社會關懷 (二) Health Management & Social Care 2 |
| 16/04 (Thu) | 8:30 – 11:00 11:45 – 12:45 | 物理 (一) Physics 1 物理 (二) Physics 2 |
| 16/04 (Thu) | 8:30 – 10:10 | 組合科學(物理) Combined Science (Physics) |
| 17/04 (Fri) | 8:30 – 10:30 11:15 – 13:15 | 中國文學 (一) Chinese Literature 1 中國文學 (二) Chinese Literature 2 |
| 18/04 (Sat) | 8:30 – 10:30 11:15 – 12:45 | 資訊及通訊科技 (一) Information & Communication Technology 1 資訊及通訊科技 (二) Information & Communication Technology 2 |
| 20/04 (Mon) | 8:30 – 11:00 11:45 – 12:45 | 生物 (一) Biology 1 生物 (二) Biology 2 |
| 20/04 (Mon) | 8:30 – 10:10 | 組合科學(生物) Combined Science (Biology) |
| 21/04 (Tue) | 8:30 – 10:15 11:00 – 12:45 | 倫理與宗教(一) Ethics & Religious Studies 1 倫理與宗教(二) Ethics & Religious Studies 2 |
| 22/04 (Wed) | 8:30 – 9:45 10:30 – 12:45 | 企業、會計與財務概論 (一) Business, Accounting & Financial Studies 1 企業、會計與財務概論 (二) Business, Accounting & Financial Studies 2 |
| 23/04 (Thu) | 8:30 – 10:00 10:45 – 12:45 | 科技與生活(一) Technology & Living 1 科技與生活(二) Technology & Living 2 |
| 23/04 (Thu) | 8:30 – 10:00 10:45 – 12:15 | 音樂 1A Music 1A 音樂 1B Music 1B |
| 24/04 (Fri) | 8:30 – 11:15 12:00 – 13:15 | 地理 (一) Geography 1 地理 (二) Geography 2 |
| 25/04 (Sat) | 8:30 – 11:00 | 數學 延伸部分 單元 (一)及(二) Mathematics Extended Part Modules 1,2 |
| 27/04 (Mon) | 8:30 – 10:45 11:30 – 12:50 | 中國歷史 (一) Chinese History 1 中國歷史 (二) Chinese History 2 |
| 28/04 (Tue) | 8:30 – 10:45 11:30 – 12:45 | 體育 (一) Physical Education 1 體育 (二) Physical Education 2 |
| 28/04 (Tue) | 8:30 – 10:00 10:45 – 12:15 | 音樂 1A Music 1A 音樂 1B Music 1B |
| 28/04 (Tue) | 8:30 – 10:00 10:45 – 12:45 | 科技與生活(一) Technology & Living 1 科技與生活(二) Technology & Living 2 |
| 29/04 (Wed) | 8:30 – 9:30 10:15 – 12:45 | 經濟 (一) Economics 1 經濟 (二) Economics 2 |
| 02/05 (Sat) | 8:30 – 10:00 10:45 – 12:30 | 旅遊與款待 (一) Tourism & Hospitality Studies 1 旅遊與款待 (二) Tourism & Hospitality Studies 2 |
| 04/05 (Mon) | N/A | Reserve |
| 05/05 (Tue) | N/A | Reserve |
註：設計與應用科技、科技與生活 Technology & Living 同埋音樂科 Music 嘅考試日期會係2019 年 11 月，如果冇重覆考生報考嘅話，呢兩科會喺同一日考試。
睇完 2020 DSE Timetable 之後，以下就係計劃study leave備試時間表嘅一啲方法建議：
第一步：2020 DSE Timetable 時間表分析
上面嘅 2020 DSE Timetable 咁多資料咁亂，小編個人習慣將自己所讀嘅科目，用一個月曆，將要考嘅科目列出嚟。假設同學讀 Phy Chem Bio，同學嘅筆試考試時間表會係咁樣：
- 3月28日：化學 Chemistry Chem
- 3月30日：中文 Chinese（卷一及卷二）
- 3月31日：中文 Chinese（卷三）
- 4月2日：英文 English（卷一及卷二）
- 4月3日：英文 English（卷三）
- 4月6日：通識 Liberal Studies LS
- 4月7日：數學 Mathematics Maths
- 4月16日：物理 Physics Phy
- 4月20日：生物 Biology Bio
同學將以上嘅資料抽取出嚟，寫喺個月曆度之後，同學開考、每科考試嘅日期、每科考試相隔嘅日數等等嘅資料都會一目了然。
考評局今年將 DSE Timetable 安排到係先考所有主科（Chem 除外）之後再考選修科。同學喺3月28日開考筆試，考完 Chem 呢一科之後，同學基本上每隔兩至三日就有一日要考試，考主科嘅時間都幾緊迫。而同學4月7號考完數學之後，就可以稍作休息，因為之後會有八日時間溫剩低嘅兩科，即係 Phy 同埋 Bio。
第二步：安排study leave溫書次序
假設同學嘅study leave由2月中開始，同學應該有一個半月，即係大概45日嘅時間去備戰 DSE。面對六至八科嘅考試，好多同學都唔知道應該邊一科溫先，邊一科溫後。（當然同學可以參考小編嘅精讀筆記，例如係英文vocab筆記、通識5**考試技巧筆記救救急。）
有同學會按考試嘅先後次序去溫書，即係先溫最先考嘅 Chem, 然後順序溫到最後考嘅 Bio。
小編個人認為先溫先考嘅科，後溫遲考嘅科並唔係最佳嘅溫書方法。咁樣做一嚟會令到自己臨近考試嗰陣，冇時間得溫就快考嘅科目，咁到底就開考嗰陣應該溫：就快考嘅科目，抑或係未溫完、最遲考嘅科目呢？二嚟同學一早就溫咗最早考嘅科目，呢啲科目去到臨考嗰陣又要溫多一次；同學其實係花緊雙倍嘅時間，做同一件事，呢個溫書方法極唔具成本效益。
要用最少嘅時間達到最大嘅成效，小編建議嘅溫書次序係：先溫最遲考嘅科目，即係 Phy 同埋 Bio 俾自己對考試內容有個印象，內化啲科目嘅知識，並且操呢兩科嘅 CE、DSE Past Paper。提提同學，做完 DSE Past Paper 之後記得對番嗰年嘅 DSE Cut Off 分數，方便預測自己會考幾多級嘅成績。為咗方便大家，小編已經寫咗一篇 CE、AL、DSE Past Paper 搜尋教學，仲有 2012 – 2018 DSE Cut Off 分數再加埋詳細分析，幫唔同程度嘅同學度身訂造所須嘅溫書策略。
然後去到study leave中段就開始溫番最早考嘅科目，即係 Chem。呢個時候，同學應該係study leave入面第一次衝 Chem 同埋其他早考嘅科目。小編建議大家咁做嘅原因有二：第一，同學就快開考，臨考呢科嗰陣可以專心溫呢科，唔會手忙腳亂唔知溫 Chem 好，定係溫埋未溫熟嘅 Bio 好；第二，同學喺整個study leave，淨係主打專攻咗一次 Chem 呢一科。比起study leave開頭溫一次 Chem，臨開考再溫一次，總共要溫兩次呢個方法，好明顯地，留番最後先溫 Chem 係較具成本效益嘅。
第三步：編排study leave時間表
小編會將study leave嘅每一日分為早、午、晚三個時段，根據自己嘅精神狀態、對科目嘅熟悉程度、距離考各科嘅時間等因素，安排合適嘅溫習時間表。
呢篇文章主要係整合咗 2020 DSE Timetable 嘅筆試日期，並解釋咗同學study leave應採用嘅溫書次序。至於study leave每日嘅時間分配，小編會另外開post講。想知道點樣善用study leave嘅時間作最後衝刺，好似小編咁一個半月內極速由level 4升到5**？碌到落底，留低你嘅email訂閱hkdsegayau嘅posts, 你就會第一時間收到最新、最updated嘅 DSE 高效讀書策略！
延伸閱讀：CE、AL DSE Past Paper 下載+搜尋教學 | hkdsegayau
訂閱免費 DSE 資源
不想錯過 DSE 考生必讀資訊、想獲得免費 DSE 學習資源？
hkdsegayau 已為你準備好！只須填妥 DSE 資源訂閱表格，便會透過電郵定期收到免費 DSE 學習資源。
這是完全免費的！
關注我們的 Instagram 動態
hkdsegayau 在 Instagram 定期分享 DSE 讀書心得、實用英文生字。
超過 14,000 位考生已經追蹤 hkdsegayau 的 Instagram 專頁了，你也不要錯過喔！
DSE 溫習筆記
與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。
現在的你願意為你的 DSE 成績、你的將來而投資嗎？
