發佈日期: 作者:

[好書推介] 6本適合英文SBA的non-fiction書藉推介

「小編有冇好的DSE英文SBA non-fiction書藉推薦？」”Any print non-fiction suggestion for English SBA book review?”

中五、中六嘅同學要做英文SBA，睇小說通常並唔難。但係當同學要睇非小說類 non-fiction 嘅書，同學就會比較迷茫，唔知英文SBA做咩書好。小編 hkdsegayau 喺呢篇文章推介嘅書本屬於 print text, non-fiction 嘅SBA英文書，希望幫到迷茫中嘅你做好 Eng SBA book report。

1. In Order To Live 《為了活下去》

English SBA Non-fiction Suggestion - In Order To Live
English SBA Non-fiction Suggestion – In Order To Live

DSE嘅英文SBA需要同學睇小說同埋non-fiction嘅書本，相信同學要睇小說並唔難，但係要搵有意義、適合做讀書報告，而且有趣、好睇嘅non-fiction並唔容易。

In Order To Live 係一位脫北者（成功逃離北韓嘅人士）嘅自傳，內容係基於作者嘅自身經歷，故事情節有趣、引人入勝之餘，又符合到英文SBA non-fiction 嘅要求。

加上作者係一位韓國人，佢嘅母語並唔係英文，所以書裏面用嘅字都唔會太深，所以小編會推介 In Order To Live 呢本 non-fiction 俾同學做英文SBA book report。

In Order To Live 嘅作者朴研美出生於北韓，佢曾經親眼目睹朋友嘅媽咪因為睇咗好萊塢電影而被公開處決、脫北期間曾經目睹自己嘅母親被強姦、曾經走遍戈壁沙漠，為嘅時候只係逃離北韓嘅極權統治。

讀書報告讀後感

呢本書講述嘅正正係朴研美脫北前嘅生活，以及脫北嘅經歷同辛酸。然後，網上有唔少人都質疑書本內容嘅真確性，懷疑作者為咗令書本更暢銷而誇大內容。同學做英文SBA book report嘅時候可以探討呢本推介書目內容嘅真確性，又或者係反思吓自己從作者身上學到嘅嘢：堅毅 perseverance、勇氣 courage 等等。

2. Rise of The Robots: Technology and the Threat of a Jobless Future 

英文SBA書藉推介 - The Rise of The Robots
英文SBA書藉推介 – The Rise of The Robots

小編推介呢本英文書做SBA嘅其中一個原因係，呢本書好有反思嘅意義，貼近 Learning English Through Social Issues 嘅單元，而且好適合寫讀書報告。

Rise of The Robots 呢個書名聽落可能似係科幻小說，其實佢係一本non-fiction嚟架！

Rise of The Robots 嘅作者 Martin Ford係一位矽谷創業家，書裏面講嘅係隨住科技進步，現代嘅機器人崛起，好多工作都可能會被機器人所取代。

有邊啲工種將來會被機器代替？人類身處嘅社會將來會變成點？呢啲都係呢一本 non-fiction裏面討論嘅要點，亦都係同學寫讀後感可以討論嘅問題。

讀書報告讀後感

小編嘅個人反思：小編個人認為呢本書真係好有啟發性，而且帶嚟咗好多反思嘅地方。就好似小編本身一心一意想做事務律師，睇完呢本書做反思，後來就會諗：如果我份工做嘅嘢只係做research, draft contract等等嘅事，其實小編嘅角色好快就會被機器所取代。其實呢個職業係咪仲值得做呢？

而同學寫英文SBA book review嘅時候，都可以從職業嘅角度寫讀後感，反思一吓自己嘅理想工作嘅前景。

3. What I Wish I Knew When I Was 20 《真希望我20歲就懂的事》

英文SBA書推薦 - What I Wish I Knew When I Was 20
英文SBA書推薦 – What I Wish I Knew When I Was 20

What I Wish I Knew When I Was 20 呢本 non-fiction, 正正適合搵緊英文SBA非小說類書籍推薦嘅你。

呢本書講嘅係作者後悔自己20歲前唔知道嘅事 — 如果作者一早知道呢啲事情，可能佢嘅人生會變得好唔一樣。

雖然呢本書嘅標題係講作者希望自己 20 歲前就知道嘅事，但係依然好適合中四、中五嘅你去睇。

始終… 有啲事，越早知道越好。

讀書報告讀後感

小編自己都係中五、中六期間睇呢本晝書嘅，受呢本non-fiction啟發嘅反思都唔少。小編好記得書裏面提及到，唔少學生上堂只係等答案，等住吸收課程內容，而唔會自己主動去發掘新嘅內容，提出一啲問題。呢種學習方式並唔係唔好，不過呢啲同學所學嘅只會同同輩所學嘅嘢一樣，好難能夠突圍而出。

呢本non-fiction討論嘅意義亦都好適合讀緊高中，讀緊HKDSE制度嘅你去反思 — 求學抑或求分數？同學可以喺閱讀報告裏面做番呢方面嘅反思。

延伸閱讀：想搵間好嘅cafe靜靜地睇書，搵個好嘅溫書、讀書地方？可以參考小編寫嘅文章：[溫書好地方] 適合DSE同學讀書的Cafe推介

4. How Starbucks Saved My Life《星巴克救了我一命》

Print Non-fiction Recommendation - How Starbucks Saved My Life
Print Non-fiction Recommendation – How Starbucks Saved My Life

其實好多non-fiction嘅英文書都係作者嘅自傳，而呢本都唔例外。

呢本書嘅作者含住金鎖鑰出世，原本係一間公司嘅高層，從事廣告範疇嘅工作25年。

作者忽然之間被公司解僱後，無路可走嘅時候去咗 Starbucks 做一個普通嘅員工，而書裏面講述嘅就係作者喺 Starbucks 工作、重新由一個普通打工仔學到嘅嘢，同埋佢喺 Starbucks 做嘢嘅得著。

讀書報告讀後感

小編推介呢本英文書做SBA嘅原因係，小編個人覺得睇住一個由高層跌到落普通員工嘅心路歷程，正正反映咗人生之中總有挫敗嘅經歷。同學你自己又有有經歷過一啲挫折，你又如何越過難關呢？同學可以將作者嘅經歷，聯繫到自己嘅反思，寫好英文SBA讀書報告。

5. Battle Hymn of The Tiger Mother 《虎媽戰歌》

DSE English 好書推薦 - Battle Hymn of The Tiger Mother
DSE English 好書推薦 – Battle Hymn of The Tiger Mother

Battle Hymn of The Tiger Mother 呢本 non-fiction 嘅作者 Amy Chua 蔡美兒係美國耶魯大學嘅法律系教授。同時，佢亦都係兩位女兒心目中嘅「虎媽」。

身為美國華裔嘅蔡美兒，採用極為嚴苛嘅手法養育佢嘅兩個女兒：測驗考試唔可以獲得低於 A grade 嘅成績、女兒完全冇自由選擇參加邊個興趣班、蔡美兒強迫兩個女兒學習鋼琴等等。

呢一啲中國人育兒嘅法則都令唔少美國人大為驚訝。而呢本書就係虎媽所寫嘅一本回憶錄，當中記載咗虎媽嘅教育模式、兩個女兒嘅成長經歷。小編覺得，呢本英文 non-fiction 嘅故事性頗強，睇落幾有趣、唔會悶的。

讀書報告讀後感

父母對子女嘅管教模式 (parenting style) 係社會時事嘅熱門議題之一，心理學教授 Diana Baumrind 亦提出過四種唔同嘅管教模式：

  1. 嚴格型 (authoritative)
  2. 嚴厲型 (authoritarian)
  3. 溺愛型 (permissive)
  4. 忽略型(neglecting)

近年興起嘅「港孩」，相比起「虎媽」蔡美兒養育出嚟嘅孩子，喺性格、成就方面都可以好唔同，而香港父母管教子女嘅模式亦成為咗 Learning English Through Social Issues 嘅一個可行討論點。然而，喺呢兩個極端之中，邊一個係比較好嘅呢？你自身嘅家庭又係採取邊一種管教模式？同學撰寫 English SBA Book Report 嘅時候，可以嘗試套用以小見大嘅方法，將書裏面嘅內容，作為自身嘅反思。

延伸閱讀：除咗好書推介之外，小編亦有英文SBA電影推薦喔！

6. Nudge: Improving Decisions About Health, Wealth, and Happiness《推出你的影響力》

English SBA Book Recommendation - Nudge
English SBA Book Recommendation – Nudge

呢本non-fiction成本書主要係傳達一個訊息：小小嘅改變，可以帶嚟好大嘅影響。

呢個行為經濟學嘅概念可以應用喺生活嘅不同方面，例如係呢本英文書裏面有提及一個實驗：學校嘅食物供應商將食物菜單嘅次序改一改，將較健康嘅選擇放到較高嘅位置，唔健康嘅食物就移到較低嘅位置。

呢個小小嘅改變，竟然可以令更多嘅學生選擇健康嘅食物。

讀書報告讀後感

Nudge呢本英文non-fiction所討論嘅行為經濟學概念，其實可以應用喺同學嘅日常生活之中，有好多生活細節、小小嘅習慣只要改一改，所得出嘅影響可以好大。例如係，同學有冇反思過每日臨瞓抽15分鐘學5個英文vocab, 一個月已經可以學到150個英文生字，積少成多，一年就可以學到差唔多2000個 Eng vocab, 大大提升你嘅英文水平，提高你嘅DSE成績，影響你嘅將來？習慣嘅力量不容小覷，而小編上述嘅例子正正係 hkdsegayau English Vocabulary Notes 想達到嘅效果。一套兩份英文筆記，400組英文生字、解釋及例句，會係提升英文水平嘅好幫手。

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

[DSE英文] 5部英文SBA電影推薦

「小編有冇好的DSE英文SBA電影推介？」”Any film or movie recommendation for English SBA?”

DSE 英文 SBA 嘅題材主分為四種：

  1. Print text
  2. Non-print text
  3. Fiction
  4. Non-fiction

而小編喺呢篇文章推介嘅電影屬於 non-print text 嘅英文 SBA 題材。

通常中五、中六同學做英文SBA都會睇一啲有意義嘅電影嚟做movie review presentation, 但係諗嚟諗去到諗唔到好嘅電影嚟做SBA。小編 hkdsegayau 喺呢篇文章會推薦幾部適合做Eng SBA嘅電影，希望幫到迷茫中嘅你。

1. Green Book 《綠簿旅友》

英文SBA電影推薦 DSE English SBA Movie Film Review - Green Book 《綠簿旅友》
英文SBA電影推薦 Green Book

Green Book 呢套英文電影改編自真人真事，講述嘅係以前喺美國嘅種族歧視問題。

1960年代嘅美國，種族歧視非常嚴重，如果有黑人闖入「非黑人友善」嘅地方，唔止會被嘲弄咁簡單，有時可能會被毆打，甚至導致生命危險。

因此，當時有一本專為黑人而設嘅小冊子 “Green Book”，記載咗整個美國各個城市嘅「黑人友善」嘅場所，令黑人旅遊時可以更安全。

電影簡介

英文電影 Green Book 嘅主角有兩個：(1) 美籍非洲裔嘅黑人鋼琴家 Don Shirley 同埋 (2) 佢嘅美籍保鑣 Tony Lip。

電影裏面，Don Shirley 自願去到美國南方、黑人歧視嚴重嘅地區進行巡迴鋼琴演出，而為咗保護自己嘅人身安全，他請咗白人 Tony Lip 做佢嘅司機兼保鑣。Tony Lip 本身係一個頗為歧視黑人嘅白人，但係為咗家計、為咗金錢，佢決定接受 Don Shirley 嘅工作。

Don Shirley 進行巡迴演出期間，所遇到嘅事並唔少：作為活動嘅演出嘉賓，卻被拒絕使用室內嘅洗手間，只可以用室外嘅茅廁；當司機 Tony Lip 可以到餐廳進食，Don Shirley 就連踏入餐廳都唔可以，等等嘅事都引起咗觀眾對歧視問題嘅關注。

英文SBA拓展方向

雖然 Green Book 電影主要環繞1960年代美國嘅種族歧視問題，但係同學做 movie review presentation 嗰陣，可以將英文電影嘅含意延伸至現代社會公平性嘅問題：對有特殊學習需要學生 (students with special educational needs, SEN) 嘅歧視、少數族裔 (ethnic minorities) 所受嘅歧視等等，呢啲都係非常貼近 DSE 英文其中一個重點單元 Learning English Through Social Issues 嘅社會議題。

2. The Giver 《記憶傳承人》

英文SBA電影推薦 DSE English SBA Movie Film Review - The Giver
English SBA Movie Review Recommendation – The Giver

The Giver《記憶傳承人》呢套英文電影改編自一本相同標題嘅科幻小說 (science fiction), 故事主題環繞反烏托邦 (dystopia) 嘅主題。

呢本小說出版於 1993年，而英文電影 (film) 就喺 2014年上映。

雖然呢本英文小說同電影嘅出版、上映年份都比較早，但係所觸及嘅社會議題到而家 2020 年依然適用，亦都十分貼合 Learning English Through Social Issues 嘅 DSE 英文單元。

電影簡介

The Giver 《記憶傳承人》電影全長只有90分鐘，但係小編 hkdsegayau 個人認為電影嘅深度、意義十足。小編自己做英文 SBA movie review 都係做呢套電影的，電影時間唔長、亦都十分有意義，非常適合做 English SBA non-print text review。當然小編亦會推薦同學睇 The Giver 嘅原著書藉做 print fiction book report。

英文電影 The Giver 嘅主角有一個：十二歲嘅 Jonas。

Jonas 居住嘅社會係一個看似烏托邦 (utopia) 嘅社區，實際上係一個牢獄、人民思想被控制嘅社會。呢個社會最大嘅特點係：居民嘅生活、一舉一動都被一個中央委員會監控住。社區裹面嘅每位小朋友年滿十二歲就會被分派到一個工作崗位、男女之間並無自由戀愛，市民同邊位異性結為夫妻係由中央分配、夜晚亦有宵禁防止市民外出。更重要嘅係，每一位市民嘅記憶都被奪去 — 市民並無生病嘅記憶、戰爭嘅記憶、政府控制市民嘅記憶等等。社會裏面所有正面、負面嘅記憶都由一位「記憶傳承人」負責記住。而呢位記憶傳承人就係 Jonas。

剝奪人類嘅記憶與思想控制 (thought control) 無異，當人類一出世就受到嚴格思想、行為嘅控制，從來冇享受過自由嘅人類當然唔識得反抗。但係，當 Jonas 發現自己一直身處嘅社會屬於一個極權統治嘅社會，佢決定要為社會做一啲改變。

英文SBA拓展方向

The Giver 電影觸及到好多人性嘅議題：人類嘅自私 — 令中央委員會將所有負面、痛苦嘅記憶都放喺 Jonas 一人身上；人類嘅脆弱 — 令人類唔願意去背負負面嘅記憶。而更家貼近 Learning English Through Social Issues 嘅議題係，The Giver 呢套英文電影反映咗現代社會嘅一啲極權統治 — 最有名嘅當然係北韓嘅極權統治。同學喺 film review 嘅時候可以反思一下：思想控制有好有壞，究竟係咩原因導致人類會採用極權統治，從而探討人性嘅醜惡。

3. The Fault in Our Stars 《生命中的美好缺憾》

英文SBA電影推薦 DSE English SBA Movie Film Review - The Fault in Our Stars
Eng SBA Film Review Recommendation – The Fault in Our Stars

The Fault in Our Stars 《生命中的美好缺憾》係小編好欣賞嘅一套電影，雖然電影背後嘅意義冇其他嘅電影咁深遠，但係以故事情節嚟講，呢套英文電影係幾易明、幾好睇嘅。

電影故事嘅女主角 Hazel 係一個甲狀腺癌症末期病人，需要隨身攜帶一部笨重嘅呼吸機嚟延續佢嘅生命。罹患癌症已久，明白自己隨時會失去生命嘅 Hazel 早已對生命失去希望，但係佢喺父母嘅迫使之下，參加咗一個癌症病人分享會，喺度認識咗男主角 Augustus (Gus)。

電影故事嘅男主角 Gus 曾經係一位出色嘅籃球健將，但係後來患上骨肉癌，因而被迫切除右小腿。同 Hazel 唔同嘅係，Gus並冇因為咁而氣餒，而係憑著自信、樂觀嘅性格，繼續生活落去。

Hazel 同 Gus 嘅認識為兩個人嘅生活都帶嚟咗重大嘅轉變，甚至擦出咗愛情嘅火花，從而令人反思生命嘅意義、面對逆境嘅態度等等。

英文SBA拓展方向

癌症病人嘅故事並唔少，但係 The Fault in Our Stars 呢部電影嘅兩位主角都係年紀比較細嘅癌症病人，同學做 English SBA non-print fiction review 嗰陣嘅反思方向可以係環繞生命嘅脆弱、自己對生命嘅見解、要珍惜生命等等嘅議題。雖然呢套電影情節未有觸及太多具爭議性嘅社會議題 social issues, 但係小編個人認為作為一部娛樂性嘅電影，The Fault in Our Stars 喺情節上同埋意義上都好值得睇，同學可以考慮以呢部電影作為 English SBA presentation 嘅電影。

4. Life of Pi 《少年Pi的奇幻漂流》

英文SBA電影推薦 DSE English SBA Movie Film Review - Life of Pi
Good movie for Eng SBA presentation – Life of Pi

Life of Pi 係一部經典電影，小編都有朋友以呢套英文電影作為英文 SBA film review 嘅題材。

呢部電影嘅主角名叫 Pi, 佢係一個出身於印度，熱愛宗教嘅男仔。Pi 嘅屋企人管理住一個動物園，所以 Pi 自己對動物都有研究。喺1976年印度嘅塔米納杜政府解體之後，Pi 嘅屋企人決定全家移民到加拿大。

Pi 同一班動物搭輪船前往加拿大期間，一場暴風雨令船隻沉没，而 Pi 喺暴風雨期間，同一班動物一齊上咗一架救生艇，開始佢哋嘅太平洋奇幻漂流記。神奇嘅係，呢隻救生艇上面嘅動物有：斑馬、鬣狗、紅毛猩猩以及孟加拉虎不等，而 Pi 利用佢對動物嘅認識，同各種動物各平共處，最後獲救。

英文SBA拓展方向

Pi 獲救時，船上只係剩番 Pi 同孟加拉虎。而其他嘅動物… 已經互相殘殺，失去佢哋嘅生命。

Life of Pi 表面上係一部講述少年 Pi 漂流嘅英文電影，但係故事背後嘅隱喻、展現獸性黑暗嘅一面，全部都係非常值得討論、十分有意義嘅議題。例如係 Pi 喺漂流期間嚟到食人島，佢嘅選擇只有：進食人類屍體嚟生存，或者係餓死。呢部英文電影雖然唔係討論社會嘅 social issues, 但係討論人性嘅方面亦都係同學做 English SBA non-print text review 好好嘅題材。

延伸閱讀：同學除咗做SBA之外，相信一個好嘅溫習時間表都係非常重要嘅。中六同學可以參考小編寫嘅 study leave 溫書時間表喔！

5. My Sister’s Keeper 《姊姊的守護者》

英文SBA電影推薦 DSE English SBA Movie Film Review - My Sister's Keeper
DSE英文SBA電影推薦 – My SIster’s Keper

My Sister’s Keeper 改編自一本同名嘅英文書，無論係原著嘅書，定係電影裏面討論嘅道德議題都好具深入意義、討論空間，所以小編會推介呢部電影作為英文 SBA 嘅題材。

My Sister’s Keeper 係小編最初接觸法律、具爭議性嘅社會議題嘅原因。

好記得小編就係因為呢本書，開始愛上咗作者 Jodi Picoult 嘅書，而佢嘅書討論好多嘅法律議題、 court scenes 係小編最後選擇大學讀法律嘅原因之一。

電影簡介

Sara 嘅女兒 Kate 年紀小小已經患上罕見嘅白血病（癌症嘅一種）。由於 Sara 嘅血型唔適合為 Kate 作出捐贈，Sara 決定利用醫學科技，挑選適合嘅 DNA，生下細女 Anna 去為 Kate 提供維持生命嘅器官。

Anna 由一出世起，已經不斷以自己身體嘅資源去維持家姐 Kate 嘅生命 — Anna 為 Kate 提供臍帶血、捐血、捐白血球、捐幹細胞、捐骨髓等等。Anna 一直都默默接受「維持姊姊生命」嘅呢個責仼，直至有一日，Kate嘅腎臟衰竭，需要妹妹 Anna 嘅腎捐贈。

呢個時候，Anna決定向自己嘅母提出法律控訴，控告母親侵犯佢嘅「身體使用權」，展開咗母女之間嘅訴訟。

英文SBA拓展方向

原著小說 (fiction) 嘅作者 Jodi Picoult 所寫嘅大部份小說都係基於一啲非常具爭議性嘅道德、社會議題，令同學做英文 SBA 嘅時候更容易搵到討論嘅方向。

My Sister’s Keeper 呢部電影嘅討論意義在於：第一，透過基因檢測，誕下完美基因嘅 Anna 在於道德嘅角度，是否正當？第二，Anna 嘅身體使用權應該否凌駕於 Kate 嘅生命權？

以上嘅問題都未有確定嘅答案，而同學正正可以抓緊呢個機會，喺英文 SBA film review presentation 度討論個人意見。

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

【DSE通識】5個高分答題技巧

小編 hkdsegayau 有冇適合中四、中五、中六 DSE 通識嘅高分答題技巧 / LS skills / 答題框架推介？點解同學考通識科，寫咗好多字都唔高分？同學睇睇呢篇文章就會知。

同學補習嗰陣（例如係通識補習老師 Costa Chan, Guy Leung, Henry sir, Hong sir, Oscar Ma 等等）可能都會學過一啲通識 Liberal Studies LS 嘅考試技巧。

而小編 hkdsegayau 根據自己中四、中五、中六呢三年高中嘅經驗，加上 2016 DSE LS 5** 嘅讀書心得，再參考 DSE LS past paper 嘅 HKEAA marking scheme, 為同學綜合咗考評局 HKEAA希望同學喺通識科做到嘅5個高分答題技巧。

以下嘅5個通識考試技巧只係眾多題型格式嘅一部分，同學有興趣學齊各種通識題型框架（例如係原因題、數據題）同埋答題技巧的話，可以參考小編嘅 通識 5** 考試技巧筆記。

1. 結構嚴密

無論同學抽取 2012 – 2019 年入面，仼何一年 DSE 通識科 past paper 嘅 marking scheme (呢度所指嘅 marking scheme 係考評局 HKEAA 官方發佈嘅 marking scheme) 同學喺通識卷一 Paper 1、卷二 Paper 2 總會見到考評局要求同學「答案結構嚴密」之類嘅字眼。

咁考生要如何作答通識題目，先可以符合到「答案結構嚴謹」嘅考評局要求呢？

中四、中五、中六同學上通識大型補習班，補習名師所教嘅通識答題框架，其實就係幫助同學做到「答案結構嚴謹」嘅一個通識高分答題技巧。

而同學所寫嘅通識答題框架入面，通識考試每一段嘅開首要有清晰嘅主題句、結尾有小結，而卷一嘅長題目（通常指8分題）、卷二題目要有簡單、清晰嘅引言、結語係基本。

通識答題技巧一：小結

中四、中五、中六同學要喺 DSE LS 通識科入面獲高分，做到結構嚴密係通識答題技巧嘅基本功。小編喺以上內容已經略略解釋咗呢個答題技巧嘅一啲要點，至於詳細嘅5**作答框架，同學可以參考番小編所寫嘅 通識溫習筆記，裏面收錄咗11種通識必讀題型嘅5**作答框架（附通識5**作答示例）。

HKDSE 通識溫習筆記 | DSE LS Notes
DSE LS 通識溫習筆記

2. 概念化

通識科有六個單元 (modules)，上百個通識概念 LS key concepts，唔少同學都知道通識考試嘅時候，要將重點概念融入論點。

舉個例，通識單元二 Module 2 今日香港，Hong Kong Today 當中嘅關鍵概念有：生活素質 quality of life, 法治 rule of law 等等，而 LS 單元六 Module 6 能源科技與環境 Energy Technology and Environment 嘅一個重點概念係：可持續發展 sustainable development。

同學作答 DSE 通識考試嘅時候，能夠提及呢啲通識概念當然好好。然而，單單係提及通識概念，係唔足夠令同學考取 level 5 或以上嘅高分數嘅。

小編 hkdsegayau 參考咗考評局 HKEAA 嘅level 5 / 高分 sample，對照番自己嘅 5** 論文，發現大部分 LS past paper 高分示例都有一個共通點：表現好嘅考生都會就所引述嘅通識 concept 加以分析。呢個通識答題技巧，亦可以稱為「概念化」。

HKDSE DSE LS Liberal Studies 通識答題技巧 考試技巧 高分技巧 可持續發展 sustainable development
HKDSE 通識概念 可持續發展

通識答題技巧二：示例

喺以下嘅內容，小編會以一條模擬通識題目：「香港政府應否發展郊野公園以興建公屋」嚟做例子，示範一下同學可以如何運用「概念化」嘅通識答題技巧，將可持續發展 sustainable development 呢個通識概念發揮得更好。

就以上嘅模擬通識題目，好多中四、中五、中六同學喺通識考試提及環保議題嘅時候，都會識得寫：因為發展郊野公園以興建公屋呢個做法唔符合可持續發展 sustainable development 嘅原則，所以香港政府不應發展郊野公園以興建公屋。

呢種嘅作答方法只係拋書包式拋咗「可持續發展」嘅概念出嚟，同學並冇加以分析、闡述，因此未能做好概念化呢個通識考試技巧，將通識概念融入論點。

hkdse-dse-ls-liberal-studies-通識-答題技巧-skills-可持續發展-sustainable-development-concept
DSE LS Concept 可持續發展 Sustainable Development

要將概念融入分析，同學應該由可持續發展嘅定義著手：「指既能滿⾜當代的需要，⽽同時⼜不損及後代滿⾜其需要的發展模式 。」

用英文讀通識科嘅中四、中五、中六同學可以睇番 sustainable development 嘅 definition: “Development that meets the needs of the present without compromising the ability of future generations to meet their own needs.”

註：以上嘅定義出處嚟自聯合國環境與發展世界委員會於 1987 年發表嘅《我們的共同未來來》World Commission on Environment and Development, published in Our Common Future (1987)。

將可持續發展 sustainable development 應用落發展郊野公園嘅示例，同學係咪應該將呢個概念嘅定義搬字過紙，寫番落通識考試卷呢？

答案並唔係嘅。

hkdse-dse-ls-liberal-studies-通識-答題技巧-skills-可持續發展-sustainable-development
DSE Liberal Studies Concept – Sustainable Development

同學喺通識考試答題嘅時候，並無必要抄錄可持續發展 sustainable development 定義嘅。同學應該做嘅係：針對可持續發展嘅關鍵字眼，即「當代的需要」、「後代的需要」(needs of the present generation and future generation)，解釋通識重點概念嘅意思、重點概念同論點有何關係、可以點樣應用嚟支持論點。

舉個例子，同學可以寫以下嘅論據：雖然發展郊野公園有助騰出土地增建公屋，舒緩現代房屋短缺嘅問題，但係長遠嚟講，香港嘅後代將會失去享用部分郊野公園嘅權利。由於呢個做法並唔符合可持續發展嘅原則，所以香港政府唔應該發展郊野公園興建公屋。

同學可能會問：可持續發展 (sustainable development) 嘅定義並唔難搵，但係同學點先知道呢個概念嘅關鍵字眼係咩？

中四、中五、中六同學可以參考小編 hkdsegayau 嘅課程「通識急救班：15個必讀概念精華」，小編會喺兩小時嘅網上課程裏面，逐一講解15個百搭概念嘅重點字眼+通識概念嘅5**作答框架。

另外同學亦可以參考小編嘅 通識必讀概念筆記，裏面會有更加詳盡嘅概念同解釋。（同學可以放心，所有付費嘅通識溫習筆記及課程內容係唔會重複的。

HKDSE DSE LS Liberal Studies 通識概念 key concept
通識急救班：15個必讀概念精華

3. 時事例子

唔少同學覺得 DSE 通識難捉摸、虛無飄渺嘅其中一個原因，正正就係因為 DSE LS 需要同學運用唔同嘅通識例子。

通識科有足足六個單元，時事新聞每日都有新嘅例子，同學要點做先可以用最少嘅時間，學到最多、最實用嘅通識例子？

有同學可能會堅持每日睇半個鐘至一個鐘嘅新聞報導，亦都有同學堅持睇英文新聞報導，希望邊學通識例子，邊學好英文vocab, 英文 listening（同學想學 DSE 最實用嘅英文生字的話，可以參考小編 hkdsegayau 嘅各款英文筆記，小編收錄咗超過400個考試必用vocab俾同學。）

睇新聞呢個做法並唔係唔好，只不過高中課業繁重，同學未必每日都抽到時間出嚟睇新聞。要喺有限嘅時間下，學到最多、同通識科最有關聯嘅通識例子，小編會建議同學睇以下嘅雞精資源：

通識例子資源一：鏗鏘集

hkdse-dse-ls-liberal-studies-答題技巧-鏗鏘集
HKDSE 通識例子 鏗鏘集

小編觀察過DSE通識歷屆試題，發現唔少 DSE 通識科嘅議題都係鏗鏘集曾經報導過的。呢個現象嘅原因係咩？

第一，可能係考評局 HKEAA 嘅出卷老師諗議題嗰陣，都有參考過坊間唔同嘅資源。

第二，鏗鏘集報導嘅議題廣泛，例如係香港現況、政治、社會問題、環保議題、中國現況，甚至國際時事都有，呢啲議題類別同DSE通識嘅六個單元非常類近，就例如係：今日香港 Hong Kong Today、能源科技與環境 Energy Technology and Environment、現代中國 Modern China、全球化 Globalization 等等嘅單元。

小編鼓勵同學多睇吓鏗鏘集嘅節目，並唔係想同學貼題，而係希望同學多啲了解節目製作人從多個時事議題入面，精挑細選出嚟嘅通識議題、例子。同學可以多啲留意吓鏗鏘集入面訪問嘅相關人士，佢哋嘅經歷好可能就係你喺通識考試要寫嘅例子。

小編就係曾經睇過一集鏗鏘集。裏面訪問咗一位傳統手製燈籠嘅人士。小編考 2016 DSE 通識卷二 Paper 2 嗰陣就揀咗香港本地傳統行業嘅題目，之前睇過嘅燈籠例子就大派用場。

通識例子資源二：信報通識

hkdse-dse-ls-liberal-studies-答題技巧-信報通識-例子
HKDSE LS 通識例子 信報通識

信報通識信報旗下嘅通識科資源，同學要睇到信報通識嘅全部內容的話，係要付費嘅。不過小編個人認為信報通識幾值得睇，因為信報通識會係分析一啲熱門議題嘅論點、角度，同學可以對議題有更深入認識，同時學多啲例子。

通識答題技巧三：常犯錯誤

考通識科要加時事例子，呢個通識答題技巧有唔少同學都知道。但係，同學有時寫咗好多同議題相關嘅例子，文章嘅篇幅都寫得好長，但係依然攞唔高分。

點解？好多同學作答通識考試嘅時候，都會犯下同一個錯誤，欠缺解釋。

同學係通識科入面，引述時事例子嗰陣，就好似第二個答題技巧（概念化）一樣，唔只要提及時事例子本身，更加需要係例子之後加一至兩句解釋例子同論點有何關係，能夠如何支持論點，先可以運用呢個通識答題技巧取得高分。

4. 資料運用

通識教育呢一科嘅考試分為兩部份：通識卷一 Paper 1 嘅資料回應題，通識卷二 Paper 2 嘅延伸回應題。就每一種題型，同學都需要用唔同嘅通識答題技巧。

通識答題技巧四：常犯錯誤

同學首先要留意嘅係：「根據資料」同「參考資料」呢兩種提問字眼，對於同學嘅作答要求並唔一樣嘅。

「根據資料」呢種提問方法主要出現喺通識卷一 Paper 1 嘅題目，例如係：

  • 2017 DSE 通識 卷一 第3題(a)（比較香港與新加坡開心程度嘅past paper 題目）
    2017 DSE LS Paper 1 Q3(a) 
  • 2018 DSE 通識 卷一 第1題(a) （境外義工嘅past paper 題目）
    2018 DSE LS Paper 1 Q1(a)

以上嘅通識 Liberal Studies past paper 所用嘅提問字眼都係「根據資料」，而同學應該觀察到呢兩條題目都係數據題，即係需要同學從資料嘅圖表、數據，得出一啲結論加以闡述。

遇到「根據資料」呢種提問方法，同學需要嘅通識作答技巧係：多引述資料。

hkdse-dse-通識-ls-liberal-studies-past-paper-2012
DSE LS Past Paper 2012 – 2018

小編 hkdsegayau 提提你：如果同學未收集 2012 – 2019 DSE 通識 LS Past Paper 的話，可以參考小編嘅文章：CE、AL DSE Past Paper 下載+搜尋教學 | hkdsegayau。

CE、AL DSE Past Paper 搜尋教學
CE、AL DSE Past Paper 下載+搜尋教學 | hkdsegayau

同學可能會覺得，引述資料呢一個做法並唔係啲咩高分通識答題技巧。不過小編喺度都想提一提同學，「根據」呢種提問字眼有強制嘅含意，同學作答通識試題時，小編建議同學多引述資料。

同學每次遇到「根據資料」呢種提問字眼，同學考試所寫嘅每一段文字、每一個論點，都要以題目提供資料作為根據，並喺作答嘅時候引述資料支持你嘅論點。

至於第二種通識題型，即係「參考資料」嘅提問字眼，同學需要用嘅答題技巧會同以上嘅答題技巧有少少唔同。

「參考資料」呢一種嘅通識題目字眼多數出現於通識卷二 Paper 2 嘅題目，但當然亦有機會出現係通識卷一 Paper 1 嘅題目。

「參考」嘅通識提問字眼嘅強制程度比「根據」較低，亦即係意味住同學冇必要每段、每個論點都要根據通識題目所提供嘅資料嚟諗論點。

就呢種提問字眼，同學當然亦要多引述資料作佐證，但係同學未每一個論點都需要從資料推論出嚟。

5. 多角度分析

考評局講求同學做到深入分析議題、清晰解釋論點，因此無論同學做嘅係邊一種通識題型，多角度分析都會係一個實用嘅高分答題技巧。

舉個例子，同學運用可持續發展 sustainable development 呢個通識概念，一般嘅考生都會識得提及呢個概念，並將概念同環保議題扯上關係。然而，高分嘅考生應該將呢個通識概念分拆為三個層面：

  1. 環境層面 environmental dimension
  2. 社會層面 social dimension
  3. 經濟層⾯ economic dimension

由於可持續發展 sustainable development 本身就係涉及唔同層面嘅概念，同學喺通識考試提到呢個通識概念嘅時候，將概念分唔同角度嚟分析會係基本答題技巧，幫同學穩奪高分。

除咗可持續發展 sustainable development之外，仲有唔少常用嘅通識概念都需要同學劃分角度嚟分析，例如：

  • 自尊心 self-esteem
  • 生活素質 quality of life

以上呢兩個係眾多通識概念裏面，最核心嘅概念之一。同學應該都識得概念嘅定義、解釋，又或者係考試都會用過呢啲通識概念。不過，並唔係每位同學都知道要從多角度分析。如果冇做到多角度分析的話，就寫咗個概念都等於白寫，因為marker知道同學連個概念最基本嘅分析角度都未別分得清。

除咗將通識概念分拆為唔同角度之外，同學亦可以將論點分為唔同角度分析。例如：將經濟分為微觀、宏觀角度，將影響分為正面、負面等等。同學想睇更多考試必用角度的話，可以參考小編嘅通識5**考試技巧筆記、通識必讀概念筆記。

以上5個 DSE 通識高分答題技巧只係小編 hkdsegayau 所有考試技巧嘅一部分，有興趣學更多通識高分技巧嘅同學可以參考小編嘅通識溫習筆記及課程。

延伸閱讀：做緊 IES 嘅中五同學可以參考小編嘅 IES topic suggestion — 7個好的IES題目推介 | hkdsegayau。

7個好的IES題目推介 (附高分策略)
DSE IES topic suggestion

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

DSE、CE、AL Past Paper 資源庫整合

很多同學問：「邊度先可以揾到DSE、CE、AL咁多年嘅卷？」要搜尋齊全的歷屆試卷的確很浪費時間和精力！

因此，hkdsegayau小編特意整合了以下六種搜尋方法，方便你們搜索 by year 與 by topic 的 CE、AL 、DSE past paper。🗂

1. 公共圖書館——past paper 租借天堂👼🏻

假如你們不想花費金錢買past paper，公共圖書館可以是你的選擇。擺放在成人圖書館內的CE、AL past paper都可以租借的。小編建議你們前往租借之前，可以先利用網上索書系統（例如輸入：香港考試局），確定你想要的past paper現正位於館內架上，免得空手而回。

至於DSE past paper 就擺放在參考圖書館。雖然不能供讀者租借，但是你們不訪在館內閱覽past paper的題目。相信在一片安靜的氛圍中，也能提升你們的專注力，溫習事半功倍。另外，你們也可以影印不多於十分之一的內容，取回家或到毗鄰的自修室慢慢操練。

2. 學校圖書館——同學之間 DSE past paper 的輪換池🏫

除了公共圖書館外，學校圖書館也是尋找DSE past paper 的好地方。當中好處就是擺放在學校的歷屆試卷往往都很齊全，DSE past paper 更加不限於館內使用，可以供同學借閱。

然而，同學之間的競爭都會比較大，所以，如果某年的past paper一直顯示「被借閱」的狀態，你們可以嘗試使用圖書館的預約服務，加快輪轉速度。⚙️

3. 圖書館多媒體資訊系統——數碼化的CE、AL past paper 👩🏻‍💻

「小編，不過依家受疫情影響而停學，公共圖書館又唔開，仲可以去邊度揾 past paper?😥」

小編明白同學會有這樣的顧慮，所以特意為你們找尋了這個「香港會考及高考試題特藏」。在這個館藏中，圖書館已經將1970-2011 年的 CE、AL past paper掃描成電子書，非常方便。如此一來，即使你們安坐家中，都有試卷操練！🛏

4. 問學校老師、師兄師姐借 DSE past paper👩🏻‍🏫👩🏻‍🎓👨🏻‍🎓

絕大部分老師都會買歷屆試卷來研究題型，所以你們可以問各科老師借閱 past paper，相信他們亦非常樂意提供協助。這個不失為一個方便又符合經濟效益的好選擇。

假如你們有相熟的師兄師姐，亦可以嘗試問他們有沒有DSE past paper可給予你。他們已經走過漫長的文憑試，剩低的是一堆棄之可惜的DSE資源。因此，徵求他們同意後，你們就可以回收這些 past paper ！♻️

而且，中文大學的圖書館亦有CE、AL past paper 供大專生參巧，你們不訪拜託師兄師姐幫忙借閱。

5. 考評局書店——最豐富的DSE past paper資源庫📚🏆

小編接下來會分享購買試卷的方法。個人覺得購買DSE past paper 是物有所值的，因為每本都包含了試題、評卷準則和考生表現評論，相當具有參巧價值。

擁有最齊全資源的商店非考評局莫屬，那裏的past paper包羅萬有，最新一年的DSE past paper亦會在此率先發售。而各科的考試試題專輯大約是$70至$90，你們可以親自去辦事處買、郵購或網上購買。

6. 各大書局——屬於自己的一本 DSE past paper📖

各大書局和二手書店是另一個選擇。這些書局裏的DSE past paper未必如考評局書店般齊備，但如果你們想順道買一些教科書、DSE  mock past paper，那不訪去附近書局尋找一下。小編建議你們可以先打電話詢問，或上書局網頁查看有沒有存貨才行動。

除了操練 Past Paper 試題之外……

👉🏻「小編，雖然啲DSE past paper有評卷參考，但係我都唔係好明點解係呢個答案。😣」

同學不用擔心這個問題🙌🏻，坊間已提供一些DSE past paper題解的書本，例如 Joint-Us 出版社的 DSE Past Paper Suggested Solutions 系列，書中有詳盡的答案解釋，還有不同科目選擇！

👉🏻 除了操練 英文DSE past paper 閱讀理解題目之外，還想多看英文文章的同學👦🏻：

你們可以參加「中學生閱讀計劃」🤤 hkdsegayau小編會每星期與你分享一份閱讀材料，文章種類多樣化，當中的精選字句亦非常受用，有興趣的同學不妨到按此瀏覽詳情及報名。👍🏻

希望同學們操練好各科試題之後，在文憑試中創下佳績！！

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

DSE ECON 溫習方法

Econ Past Paper人人都操，係咪操得多卷就好？Econ 呢一科嘅卷要點先操得有價值呢？🤔

小編有個準備升中六既私補經濟科學生，未補我之前已經非常勤力，經濟科past paper by topic 每個 topic 都做20-30年pastpaper (大概係由 1990年 CE past paper開始做，做到 2012年 DSE past paper都繼續做緊) 不過做完進步唔明顯。究竟問題出係邊？

相反，小編個時只係做左 10-12 年嘅 econ pp (大概由 2000年開始操) 考大型補習社mock已經 level 5，究竟操溫習econ、操pp嘅成功關鍵係咩？

DSE Econ 經濟 Past Paper 2019 操卷攻略
DSE 溫econ方法 助你以半年時間保5衝星

其實操經濟科 econ past paper操得有冇效、操完有冇進步既關鍵在於有冇認真對待份past paper，有冇消化過 份卷考既概念。上述個位學生做嘅 econ 卷的確做好多，不過我第一堂睇下佢份卷手稿，發現佢 MC 對完答案就算，冇認真睇下自己錯咩。LQ 見到自己同 marking scheme 差唔多比個tick就算，唔同就打個X。坦白講，甘樣做 econ 卷再做10次都係徒勞無功。依加就同大家講下當時小編點樣做 econ 卷，可以係短時間攞到5。

DSE+CE Econ 經濟 Past Paper 免費下載 (題目+答案)

Step 1: 做 econ past paper

做 econ 卷既第一步當然就係做 past paper (sorry for 廢話)。當然都有野補充啦，初期做 CE 卷，對 DSE econ syllabus 同 econ d concepts 唔係太熟既話，我極度建議做一題對一題。Econ PP MC 做完一題即刻對答案，LQ 每題分題做完即刻對。我知甘樣做好似有d浪費時間，但係我覺得甘樣印象深刻好多，可以即刻知自己錯左d咩。特別係做by topic卷既時候，d題目會翻炒。如果你concept錯又冇對答案既話，就可能由第1題錯到最尾個題，去到最後對答案先知自己錯哂。

Step 2: DSE Econ MC技巧 — 仔細研究答案

坦白講，我覺得呢一步比起做卷個步更更更為重要。Econ Past Paper MC既話請每一題都仔細研究每一個options，要知道點解個個option係答案，都一定要知道其他3個options點解唔係答案，而唔係蒙混過關。無論係問題本身定options有唔明既concepts請立即搞清楚。個時我會睇書、上網搵source。個時甘做concepts好快清就哂，最後所有題目都會識哂。

Econ LQ既話請仔細對比自己答案同 HKEAA marking scheme有咩唔同，答漏左既地方好可能就係你唔識既concepts，又或者係你答題上有不足。當你明左 marking 之後，最好就重新試下自己再做一次推論，睇下自己可唔可以做返一個同佢一樣既答案。(記住係推論返出黎，唔係背)

[溫書好地方] 適合DSE同學讀書的Cafe推介

Step3: Mark問題

呢一步都好重要。你唔明白既concepts、做錯既問題、答漏既point好可能係考試會出現。一定要將呢d問題同point mark返落張紙或者簿到。每次溫econ個時都花d時間睇下。睇多幾次你發現自己開始唔會再錯，甚至自己develop到一d技巧去應付條問題，或者係上 DSE econ sharing 嘅 YouTube channel 學唔同嘅 econ 考試技巧。

Step 4: 重做 econ 卷

你可能心諗: 咪做過一次囉，又做？冇錯，個一年嘅pp係做過一次，不過大部人再做多次都唔會岩哂。一日全份卷未岩曬，未熟到一睇d問題就知佢問咩既話，你都要繼續做。

操好多 econ past paper係有用，不過操卷操得有質量更加重要！關於讀econ既心得仲有好多！今日就講到呢到先！大家加油 🙂

[DSE通識] 5個高分答題技巧

以上內容由 @fasten_economics 分享，同學不妨睇睇佢哋ig! 原文可見 Instagram：

View this post on Instagram

. 卷人人都操，Past paper基本上人人都做，係咪操得多就好？點先操得有價值呢？🤔 . 小編有個準備升中六既私補學生，未補我之前已經非常勤力，每個topic都做20-30年past paper，不過做完進步唔明顯。究竟問題出係邊？🙁相反，小編個時只係做左10-12年past paper，考大型補習社mock已經5**，究竟成功關鍵係咩？🙌🏻 . 其實操past paper操得有冇效、操完有冇進步既關鍵在於有冇認真對待份past paper，有冇消化過past paper考既概念。上述個位學生past paper的確做好多，不過我第一堂睇下佢past paper手稿，發現佢MC對完答案就算，冇認真睇下自己錯咩。LQ見到自己同marking差唔多比個tick就算，唔同就打個X。🤒坦白講，甘樣做past paper再做10次都係徒勞無功。依加就同大家講下當時小編點樣做past paper，可以係短時間攞到5**。 . Step1: 做past paper 做past paper既第一步當然就係past paper😂(sorry for 廢話)。當然都有野補充啦，初期做past paper，對synallbus同econ d concepts唔係太熟既話，我極度建議做一題對一題。MC做完一題即刻對答案，LQ每題分題做完即刻對。我知甘樣做好似有d浪費時間，但係我覺得甘樣印象深刻好多，可以即刻知自己錯左d咩。特別係做by topic pp既時候，d題目會翻炒。如果你concept錯又冇對答案既話，就可能由第1題錯到最尾個題，去到最後對答案先知自己錯哂。 Step2: 仔細研究答案 坦白講，我覺得呢一步比起做past paper個步更更更為重要。MC既話請*每一題*都仔細研究每一個options，要知道點解個個option係答案，都一定要知道其他3個options點解唔係答案，而唔係蒙混過關。無論係問題本身定options有唔明既concepts請立即搞清楚。個時我會睇書、上網搵source。個時甘做concepts好快清就哂，最後所有題目都會識哂。 LQ既話請仔細對比自己答案同marking scheme有咩唔同，答漏左既地方好可能就係你唔識既concepts，又或者係你答題上有不足。當你明左marking之後，最好就重新試下自己再做一次推論，睇下自己可唔可以做返一個同佢一樣既答案。(記住係推論返出黎，唔係背) Step3: mark問題 呢一步都好重要。你唔明白既concepts、做錯既問題、答漏既point好可能係考試會出現。一定要將呢d問題同point mark返落張紙或者簿到。每次溫econ個時都花d時間睇下。睇多幾次你發現自己開始唔會再錯，甚至自己develop到一d skills去應付條問題。 Step4: 重做past paper 你可能心諗: 咪做過一次囉，又做？冇錯，個一年pp係做過一次，不過大部人再做多次都唔會岩哂。一日全份pp未岩曬，未熟到一睇d問題就知佢問咩既話，你都要繼續做。 操好多past paper係有用，不過操卷操得有質量更加重要！關於讀econ既心得仲有好多！今日就講到呢到先！大家加油😉 小編簡介💁🏻‍♂️ -新修dse經濟半年5** -大型補習社全港經濟模擬試5** -中大商學院 #2019dse#2020dse#2021dse#2022dse#cliffyeung#dseecon#補習#dsenotes#yylam#經濟科#經濟補習#dseeconotes#andrewlo#dickhui#yylam#pchan#cuhk#hku#jupas#polyu#beacon#補習#studygram#dsenotes

A post shared by 🌟DSE ECON新修半年5** |DSE經濟平台📔 (@fasten_economics) on

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

[DSE Maths 數學] 弦/Chord的3個常見問法

DSE 數學 Chord (弦) 的問法，有甚麽值得注意？

Chord的問法，向來不易處理，而且要記的reason，為數不少。今天，跟大家討論其中3款常見的問法，並提供一些思維分享。

HKDSE Math Paper 2 MC Answer Solution Circle Chord DSE 數學 卷二 MC 答案 題解 弦
DSE Math Past Paper分析 + 弦/Chord的3個常見問法 (附題解及答案)

1. 常見問法：Equal chord vs // lines

2018 DSE Maths Paper 2 MC Q39 Solution (2018 DSE 數學卷二 第39題 題解)

2018-DSE-Math-Paper-2-Q39-Answer-Solution-2018-DSE-數學-卷二-第39題-答案
2018 DSE Maths Paper 2 MC Q39 Question
2018 DSE 數學卷二 第39題試題

圓上有2條長度一樣的chord，大家很容易會聯想到equal chords, equal angles (等弦對等角)，然後分別把2條chord的兩端連去centre (圓心)，再寫出2隻夾角相等。那麼，若果題目的圓並沒有提供centre，就是在考大家「平行線」的概念。根據圖中的題目所述，AB = CD。

這句話，其實是在暗示：AD//BC。

知道有平行線後，便可做以下的步驟：

1. 利用corr. angles/alt. angles/int. angles (同位角/錯角/同旁內角)，或
2. 推線 (把AB沿平行線往CD方向推過去，反之亦然)

2018 DSE Maths Paper 2 MC Q39
2018 DSE 數學卷二 第39題 影片

繼續去找答案。至於該用哪個，大家再思考一下 🙂

如果同學做完題目希望確認答案的話，此題答案為：B (28%)

DSE+CE 數學 Maths Past Paper 免費下載 (題目+答案)

2. 常見問法：Equal chord vs Equal perpendicular distance

2014 DSE Maths Paper 2 MC Q21 Answer (2014 DSE 數學卷二 第21題 答案)

2014-DSE-Math-Paper-2-Q21-Answer-Solution-2014-DSE-數學-卷二-第21題-答案
2014 DSE Maths Paper 2 MC Q21
2014 DSE 數學卷二 第21題 試題

若果出現equal chord，除了剛才提及的平行線概念外，另一個常考概念就是「相同的垂直距離」。根據圖中的題目所述，AB=CD=EF。若果把圓心O點，分別連去AB、CD和EF的mid-pt (中點)，會得出3條垂直線，而這3條垂直線的長度是相等的。然後，一個以O為圓心及以那三條垂直線為半徑的圓形便會誕生。而該圓形，也就是三角形PQR的inscribed circle (內接圓)。這裡牽涉四心的概念，大家不要放棄啊！

這個圓形的出現，其實是在暗示：

1. O is the in-centre of triangle PQR. O為三角形PQR的內心。
2. OP, OQ and OR are angle bisectors. OP、OQ和OR為角平分線。

知道有角平分線後，再利用angle sum of triangle (三角形內角和)，便可找到答案了。

2014 DSE Maths Paper 2 MC Q21
2014 DSE 數學卷二 第21題 影片

如果同學做完題目希望確認答案的話，此題答案為：A (19%)

7個好的IES題目推介 (附高分策略)

3. 常見問法：Mid-point of chord vs Diameter

2014 DSE Maths Paper 2 MC Q42 Solution (2014 DSE 數學卷二 第42題 答案詳解)

2014-DSE-Math-Paper-2-Q42-Answer-Solution-2014-DSE-數學-卷二-第42題-答案.jpeg
2014 DSE Maths Paper 2 MC Q42
2014 DSE 數學卷二 第42題 試題

第三個常見的chord問法，就是問chord的mid-pt coordinates (弦的中點坐標)。以圖中的題目為例，很多時，同學會solve圓形直線的聯立，再將得出來的二次方程solve sum of roots / 2 = mid-pt。這個方法是可行的，但solve聯立真的太費時了。

大家可以嘗試考慮chord的perpendicular bisector (垂直平分線)，亦即圓的diameter (直徑)。詳細資料，可參閱 @mathstars_channel Instagram 的第8個post。

現在，大家再嘗試自己做一次，應該會更得心應手了。

如果同學做完題目希望確認答案的話，此題答案為：C (43%)

https://hkdsegayau.com/dse-study-strategy

DSE中，只要是沒outsyl的知識，不論冷門抑或熱門，均要溫熟，不要skip啊！

PPreview系列，旨在給大家一些思考數學題目的方法，而不是直接提供答案。學習數學，過程跟結果同樣重要，而前者往往比後者重要得多，大家要多動腦筋 🙂

以上內容由 @mathstars_channel 分享，原文可見 Instagram：

View this post on Instagram

#mathstarsPPreview 由今天開始，這個IG會定期分享一些po到 @hkdsegayau 的網站(www.hkdsegayau.com)，link in her bio。進入網站後，去「DSE讀書心得分享」，就會找到我的po和文章了✏📄這個網站還有很多實用的DSE資訊和心得分享，大家記得去看看啊😄 ——————————————————————————————– PPreview系列，旨在給大家一些思考數學題目的方法，而不是直接提供答案。學習數學，過程比結果往往重要得多，大家要多動腦筋💭 Chord(弦)的問法，有甚麽值得注意？ Chord的問法，向來不易處理，而且要記的reason，為數不少。今天，跟大家討論其中3款常見的PP問法，並提供一些思維分享。 向左掃⬅️⬅️⬅️可以找到以下討論的PP和聲音導航😬 1. Equal chord vs // lines (2018 PP2 Q39) 圓上有2條長度一樣的chord，大家很容易會聯想到equal chords, equal angles (等弦對等角)，然後分別把2條chord的兩端連去centre (圓心)，再寫出2隻夾角相等。那麼，若果題目的圓並沒有提供centre，就是在考大家「平行線」的概念。根據圖中的題目所述，AB = CD。 這句話，其實是在暗示：AD//BC。 知道有平行線後，便可 i. 利用corr. angles/alt. angles/int. angles (同位角/錯角/同旁內角)，或 ii. 推線(把AB沿平行線往CD方向推過去，反之亦然) 繼續去找答案。至於該用哪個，大家再思考一下😬 2. Equal chord vs Equal perpendicular distance (2014 PP2 Q21) 若果出現equal chord，除了剛才提及的平行線概念外，另一個常考概念就是「相同的垂直距離」。根據圖中的題目所述，AB=CD=EF。若果把圓心O點，分別連去AB、CD和EF的mid-pt (中點)，會得出3條垂直線，而這3條垂直線的長度是相等的。然後，一個以O為圓心及以那三條垂直線為半徑的圓形便會誕生。而該圓形，也就是三角形PQR的inscribed circle (內接圓)。這裡牽涉四心的概念，大家不要放棄啊💪 這個圓形的出現，其實是在暗示： i. O is the in-centre of triangle PQR. O為三角形PQR的內心。 ii. OP, OQ and OR are angle bisectors. OP、OQ和OR為角平分線。 知道有角平分線後，再利用angle sum of triangle (三角形內角和)，便可找到答案了。 3. Mid-pt of chord vs Diameter (2014 PP2 Q42) 第三個常見的chord問法，就是問chord的mid-pt coordinates (弦的中點坐標)。以圖中的題目為例，很多時，同學會solve圓形直線的聯立，再將得出來的二次方程solve sum of roots / 2 = mid-pt。這個方法是可行的，但solve聯立真的太費時了。 大家可以嘗試考慮chord的perpendicular bisector (垂直平分線)，亦即圓的diameter (直徑)。詳細資料，可參閱這個IG的第8個po。 現在，大家再嘗試做一次上述的題目，應該會更得心應手了😀 2018 PP2 Q39 Answer：B (答中率為28%) 2014 PP2 Q21 Answer：A (答中率為19%) 2014 PP2 Q42 Answer：C (答中率為43%) 若果還有不明白的地方，歡迎DM小編📥 再次感謝 @hkdsegayau 的邀請🙇‍♂️🙌🙏，讓更多同學得益，也令同學獲得的資源更多元化💯 DSE中，只要是沒outsyl的知識，不論冷門抑或熱門，均要溫熟，不要skip啊😶 #第58個po😄😊mathstars陪你走到最後🌟☄ #dse | #hkdse | #dsemaths | #hkdsemaths #dser | #freesharing | #dsefighter | #dsefighting #dse2020 | #dse2021 | #dse2022 #2020dse | #2021dse | #2022dse #數學 | #補數 | #補習 | #私補 | #私人補習 | #數學補習 #補習筆記 | #補習notes | #補習老師 | #其實唔難 #mathtutor | #studygram #pastpaper #mathstars_channel

A post shared by 數理分享綜合頻道💯ℹ (@mathstars_channel) on

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

溫書好去處推薦～ 測測你在哪裏溫書會最有效率？

每逢考試日子，小編總是收到了很多同學疑惑，問及有哪些適合 DSE 同學的溫書好地方。雖然香港地方不大，但說到溫書地方卻有各式各樣。溫書Café、自修室甚至係屋企，令人選擇困難。所謂工欲善其事，必先利其器，在最合適自己的溫書地方，自然會事半功倍。以下同學們不妨來做一做這個小測試，看看在哪裏溫書會最適合你吧！🧡🧡🧡

Q1）你通常獨自溫書。
是 – 2
否 – 3

Q2）你的自律能力較弱。
是 – 4
否 – 6

Q3）你溫書會間中和朋友討論課題。
是 – 5
否 – 4

Q4）你需要在清靜的環境下溫書。
是 – 6
否 – 7

Q5）你喜歡一邊食一邊溫習。
是 – 6
否 – 8

Q6) 你在晚上溫書會更有效率。
是 – D
否 – 7

Q7）你是一個容易分心的人。
是 – 8
否 – A

Q8）你讀書時常忍不住去看手機。
是 – B
否 – C

～結果😆

A.    溫書Café☕️

木・讀 – 溫書好地方推薦 (圖片來源：https://www.wooderspace.com)

想在輕鬆的氛圍下和好友一起學習 ，溫書 Cafe 會是你最好的選擇。放學之後，和三五知己到咖啡室一邊吃着下午茶、一邊溫書，使沉悶的學習都變成悠哉的時光。而相比起一些大排長龍的連鎖咖啡店，一些小店 Cafe 會更加適合同學們在那裏渡過整個下午。以下小編搜羅了港九新界一些舒適、價錢實惠的溫書 Café。

1. 銅鑼灣—— YOLO Cafe

這家位於 SOGO 附近的樓上 Cafe 平日人流不多，可以坐得耐之餘店員都很友善呢！
Cafe 地址：銅鑼灣駱克道522號3樓

2. 旺角—— Desk One

採用很多落地玻璃令場地夠光猛，可以俯瞰著油尖旺街景溫習。
Cafe地址：旺角山東街23/F號中僑商業大廈

3. 觀塘—— 木・讀

簡約日式木系裝潢，營造出一個舒服而寧靜的環境。
Cafe 地址：觀塘巧明街116-118號萬年工業大廈10樓D1室

4. 沙田—— Whitewood Coffee 

不僅環境舒適，咖啡和甜品也十分美味，適合一路食一路溫書的同學。

Cafe 地址：沙田石門安群街3號京瑞廣場一期2樓207號舖

B.    學校自修室🏫

學校自修室 – 溫書好地方推薦 (圖片來源: burst)

學校自修室是和同學一起學習的好地方，不單止可以到圖書館借閱past paper。遇上學習問題，又可以馬上到教員室請教老師。但是，學校自修室開放時間較短，而且不能使用電子設備。儘管如此，當年備戰考試，小編最愛和班上的同學組成study group，在學校自修室互相學習，現在回想起來也是相當青春的回憶。

C.   公共自修室📖

公共自修室– 溫書好地方推薦(圖片來源: burst)

如果你是一個不是太自律的人，在公共自修室學習絕對十分適合你。這是一個寧靜又嚴肅的環境，你可以看到身邊的同學們都在埋頭苦幹，無疑會給了你學習的推動力。而且，公共自修室所提供的無限時Free WiFi會自動封鎖一些遊戲應用程式，能夠確保你專注於學習。如果屋企嚟公共自修室太遠，同學也可以到一些社區中心、青年中心或青年廣場，這些地方都會有自修的空間，但是一到星期六、日就是補習的熱點，會比較嘈，同學要注意早點到自修室霸位。

D.   屋企🏠

 屋企– 溫書好地方推薦(圖片來源: burst)

如果你自問是一個自律的人，或者晚上學習效率會較高，其實留在家裏學習就最適合你。所謂在家千日好，在家裏學習不單止省卻了來回交通時間，更是一個絕對舒適、隨和的學習空間。如果要留在屋企溫書，不妨和家人溝通一下，讓他們給你一個寧靜的空間。如果你和小編一樣常常忍不住去看手機，可以請家人將它暫且放在客廳或者交給他們保管，也不失為一種讓自己集中的方法。

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

熱門IES題目 (同性婚姻合法化) +高分策略

嚟到做通識 (Liberal Studies，簡稱 LS) IES 嘅旺季，小編 @hkdsegayau 最近又收到幾個 Instagram dm: “Any good IES topic suggestion?”、「有冇IES 題目推介？」其實小編之前已經喺 DSE 讀書心得 嗰度寫咗幾篇文章介紹唔同嘅 IES 題目參考。如果中五嘅同學想睇多啲 IES 熱門題目參考，又或者係已經做緊同性婚姻合法化呢個 IES 議題的話，不妨睇睇呢篇文章，小編會為你建議呢個 IES 議題嘅高分策略。

如果同學覺得呢個題目唔適合自己嘅話，可以睇埋小編寫嘅其他 IES 文章：

熱門 IES 題目建議：香港政府應否將同性婚姻合法化

同性婚姻合法化係近年一個頗熱門嘅 IES 題目，喺 2019、2020 甚至 2021 年做 IES 嘅同學都可以睇睇呢個 IES 議題參考。

DSE Liberal Studies LS IES Topic Same Sex Marriage 香港中學文憑試 通識 IES 題目 同性婚姻合法化
熱門 IES 題目建議：香港政府應否將同性婚姻合法化

根據香港法例 第181章《婚姻條例》 第40條，婚姻必須係「一男一女自願終身結合」，因此現時香港只係承認一男一女、一夫一妻嘅婚姻。但係近年嘅 LGBT (lesbian, gay, bisexual, and transgender) 倡議盛行，加上全球有多個地方，例如係荷蘭、奧地利、美國哥斯達黎加嘅等等，都已經通過法案，將同性婚姻合法化。

有見及此，有人提出香港政府應該將同性婚姻合法化，令同性伴侶可以享受異性伴侶一樣嘅待遇同福利。

註：呢度寫嘅會係小編推介俾同學嘅熱門 IES 題目。如果同學想睇多啲唔同嘅 IES sample，搵啲 IES 題目靈感嘅話，可以去 HKEAA 嘅網站睇睇 2012 – 2018 年嘅 IES 樣本，參考吓其他同學嘅 IES 示例同埋老師嘅評分準則。

不過… 喺同學離開呢一頁之前，小編強烈建議同埋睇埋以下嘅內容，因為小編跟住落嚟會為同學講解一下 IES 嘅高分策略。呢啲嘅 IES 高分策略唔止適用於同性婚姻合法化呢條題目，仲好大機會用到喺其他 IES 題目度架！

IES 高分策略：展示時事意識

「展示時事意識」呢個用詞嘅意思對於同學嚟詌可能有啲含糊，但係相信同學都知道引「例子」有助喺 IES 報告同埋通識考試考高分。（係呀，好多高分技巧都唔止 IES 啱用，仲適用於 LS 考試架！順帶一提，喺 DSE 精讀筆記嗰頁，除咗 IES 精讀筆記 之外，同學可以參考埋小編嘅 通識5**考試技巧筆記，學最齊全嘅通識考試技巧。）而小編喺呢度講緊嘅「展示時事意識」就係鼓勵同學多啲引用時事例子，加強同學嘅 IES 報告嘅時事性。

同學可能會問：做 IES 報告加例子係基本，點解小編會話呢個係一個高分技巧？其實通識科用得著嘅例子有好多，例如係小編喺以上所講嘅同性婚姻合法化嘅地方，例如係奧地利、荷蘭、美國嘅州份等等，都已經係一啲好具體嘅例子。但係，呢啲係比較「常識」(簡單嚟講即係 common sense) 嘅例子，引用常識性例子係有助令同學嘅論點更具體，但係未必足以令同學展示高階嘅時事意識，考取高分數。咁… 做「香港政府應否將同性婚姻合法化」呢條 IES 題目嗰陣，應該加啲咩例子？

應該加「時事例子」。以最窄嘅定義嚟講，時事例子會係一啲同 IES 議題有關嘅時事新聞。以下有啲例子俾大家：

時事例子 1: 英國嘅QT案

喺英國，有兩位女同性戀者登記為伴侶，而當中嘅一位喺香港獲得工作嘅機會，並希望帶同伴侶移民嚟香港。但係香港嘅入境處認為，香港只承認一男一女嘅夫妻，並未有同性婚姻合法化嘅通過，呢對同性伴侶唔屬於合法嘅伴侣，未符合移民嘅申請資格，因此拒絕咗伴侶嘅移民申請。

時事例子 2: 香港梁鎮罡案

梁鎮罡係香港嘅高級入境事務主任，佢同佢嘅同性伴侶喺新西蘭同註冊結婚。番到嚟香港，梁先生認為佢嘅伴侶應該得到公務員配偶所享有嘅福利，但係因為梁先生嘅伴侶係同性配偶，所以佢嘅申請被拒絕。

小編 @hkdsegayau 溫馨提示：如果同學有睇過小編嘅 IES 精讀筆記，就會知道同學做 IES 引用完例子之後，記得要加番自己嘅文字做闡述，解釋番同學點解會引用呢個例子，而同學希望透過呢個例子帶出啲咩訊息。

同學可能覺得香港政府應否將同性婚姻合法化呢個推介 IES 題目 唔適合自己，想自己由頭諗過一條 IES 題目？咁小編建議同學喺 DSE 精讀筆記 嗰頁參考番小編嘅 IES 精讀筆記，小編喺筆記入面會詳細解釋一條好嘅 IES 題目要有啲咩特徵、同學做 IES 擬題嘅時候有咩常犯錯誤等等。

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

環保IES題目(塑膠廢物問題) + 高分策略

如果同學想挑戰自己嘅獨立思考，堅持要做一啲唔常見、唔公廁，又可以攞到高分嘅 IES 題目的話，小編亦有一篇文章俾大家作 IES 題目參考。

當然，如果同學採用熱門 IES 題目（例如係今日會講嘅塑膠廢物問題）要喺眾多位做同一個 IES 議題嘅同學當中突圍而出，係需要一啲高分策略同技巧嘅。除咗小編之前分享嘅歸納技巧之外，呢篇文章會為大家介紹其他 impress 到老師嘅高分方法。（當然，小編嘅 IES 精讀筆記同通識5**考試技巧筆記會有最齊全嘅獨家高分技巧，筆記入面有嘅係小編讀咗三年通識，最濃縮、精心挑選出嚟嘅5**心得呀><）

IES高分策略

比較同學平時做 IES 寫嘅推論，同埋高分 IES 示例，可以見到高分 IES 示例明顯地寫得詳細好多。不過寫得多字、詳細並唔代表同學一定攞到高分。即係點？IES 高分嘅要訣係要展示到持分者阻力如何導致政策可行性低。同學係要清楚指出持分者做啲咩行為，導致政府難推行政策，先可以做好推論，引證政策可行性低嘅。

以上嘅 IES 高分技巧只係眾多技巧嘅其中一個，而小編嘅 IES精讀筆記 就會寫曬小編為大家綜合嘅IES 滿分嘅心得、作答框架同高分方法，教大家更加多老師未必會教嘅 IES 高分技巧，而通識5**考試技巧筆記入面大部分嘅通識考試技巧亦都係適用於撰寫 IES 報告嘅。有興趣嘅同學想參考埋小編自製嘅各款 DSE 精讀筆記。

如果你覺得呢篇文章嘅 IES 題目建議唔太適合你嘅話… 同學可以參考埋小編寫嘅其他推介 IES 題目嘅文章：[IES滿分心得] 有助你突圍而出的IES題目建議（一）、[IES滿分心得] 熱門IES題目(器官捐贈) + 高分策略，同埋唔好唔記得去到網站碌到落底訂閱小編嘅blog posts, 咁就可以第一時間睇到小編最新寫嘅文章架啦！

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情
發佈日期: 作者:

IES題目(器官捐贈) + 高分策略

今次小編會為大家建議一啲 IES題目，再教大家如何喺常見題目入面突圍而出，爭取高分嘅策略。

IES題目：預設默許器官捐贈

DSE Liberal Studies IES Organ Donation 香港中學文憑試 通識 IES 器官捐贈
IES題目建議：預設默許器官捐贈

IES題目背景簡介

香港嘅器官捐贈採用「自願捐贈」 制度，但係市民嘅自願登記率一直偏低。 當等候人體器官移植嘅人數眾多嘅時候，人體器官嘅供應遠不及需求，因此有人提出香港採用「預設默許器官捐贈」制度，除非市民主動登記退出器官捐贈名冊，否則市民會被視為預設默許成為器官捐贈者。

P.S. 其中一份考評局 IES 樣本係同器官捐贈有關嘅，嗰條題目係「探討本港中學生對遺體器官捐贈的接受程度」，同學可以喺 HKEAA 網站嘅 2017 年 IES 範本 示例三度搵到。

當然遺體器官捐贈係個比較恆常嘅通識議題，而「預設默許器官捐贈」明顯係近期 2019 年比較熱門嘅 IES 題目。

IES高分策略：歸納持分者意見

喺 IES 報告 Part C (深入解釋議題 in-depth explanation of the issue) 嘅部分，大部同學只係會搜集網上資料，然後分別列出每個持分者嘅意見就算。例如係：

  • 食物及衞生局局長陳肇始、醫院管理局前主席梁智鴻都支持香港實行預設默許器官捐贈，因為呢個制度可以提高香港嘅器官捐贈率，舒緩供移植器官不足嘅問題
  • 等待換肝嘅肝硬化病人邱鷺文、邱先生嘅妻子都支持呢個制度，因為預設默許器官捐贈可以令更多等候器官移植嘅人受惠
  • 前食物及衞生局局長高永文就指出應該器官捐贈應屬自願性質，要提高器官捐贈率，應該改變市民嘅思想，而唔係強推行預設默許器官捐贈，因此佢唔支持呢個制度。

就以上唔同持分者嘅立場同看法，有同學會用以下方式去列出所收集番嚟嘅資料：

持分者立場及看法
食物及衞生局局長陳肇始支持 (+解釋看法）
醫院管理局前主席梁智鴻支持 (+解釋看法）
等待換肝嘅肝硬化病人邱鷺文支持 (+解釋看法）
等待換肝嘅肝硬化病人邱鷺文的妻子支持 (+解釋看法）
前食物及衞生局局長高永文反對 (+解釋看法）

而同學要喺 IES 爭取高分數嘅話，就可以喺度展示高階嘅歸納技巧，將相同立場、看法相似嘅持分者歸納。以下有個例子俾大家參考：

持分者 (已歸納)持分者 (未歸納)立場及看法
政府及醫院管理機構食物及衞生局局長陳肇始
醫院管理局前主席梁智鴻		支持
(+解釋看法)
等候器官移植病人及家屬等待換肝嘅肝硬化病人邱鷺文
等待換肝嘅肝硬化病人邱鷺文的妻子		支持
(+解釋看法)

將相同立場嘅持分者歸納，可以展示到同學除咗做資料搜集之外，仲識得運用、分析資料，係考評局同埋老師都會好欣賞嘅能力嚟。同學能夠適當咁歸納資料嘅話，無疑會令你嘅 IES 報告爭取更高嘅分數。

歸納係同學喺 IES 同埋通識科考試入面，都係好重要嘅一個技巧。除咗歸納持分者意見之外，同學仲可以從好多唔同嘅角度歸納資料內容。唔想錯過通識高分技巧的話，同學可以參考吓小編嘅通識5**考試技巧筆記，入面嘅內容會幫到同學考通識科，部分技巧亦都適用於寫一份高分 IES 報告嘅。而小編嘅 IES精讀筆記 、IES 滿分sample就收錄咗小編 IES 滿分嘅心得、作答框架同方法，教大家更加多老師未必會教嘅 IES 高分技巧。

HKDSE 通識溫習筆記 | DSE LS Notes

DSE 溫習筆記

與其自己花數十小時鑽研厚厚的教科書，直接溫習 hkdsegayau 的重點筆記一定更具成本效益。

現在的你願意為你的 DSE 成績、你的將來而投資嗎？

筆記詳情